Gálatas 5:22 - Biblia Guarani Tumpa Iñee

²² Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Nuevo Testamento Guaraní Pe

²² Erei Espíritu Santo omee ñandeve mboroaɨu, yerovia, mbɨacatu, mbɨaguasu, mbɨacavi, mborogüɨrovia,

Gálatas 5:22 ပူးပေါင်းရင်းမြစ်များ

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

SALMOS 92:14

Yepe indechi tëi, ërei iata; oikove katu avei jare jokɨ katu avei,

ECLESIASTÉS 7:8

Mbae yayapo vae yamboapɨ ma vae ikavi yae ko, yamboɨpɨ ramo etei vae güi. Yandepɨa guasu vae ko ikavi yae, yandepɨarai vae güi.

JEREMÍAS 33:6

Ërei aipoano retata, oikovekatuta jare ameeta chupe reta mbɨakatu jare oiko pɨagüive reta vaerä.

OSEAS 14:8

Efraín jeita: ‘Ngaraa ye ma aeka tumpa-raanga reta.’ ¡Che ayeapɨsakata jare ayangarekota chembae vae reta re! Che ko jae metei ɨvɨra jokɨ katu avei vae rami, cheré toväe chembae vae reta mbae ikavi vae.”

San Mateo 12:33

Penoi yave ɨvɨra ikavi vae, ia ikavita vi. Ërei penoi yave ɨvɨra ikavimbae vae, ngaraa vi ia ikavi. Echa ɨvɨra, ia rupi ko peikuaata.

San Lucas 13:9

Javoi ia yave, ikavi ko. Ërei mbaetɨ ia yave, eyasɨauka.’ ”

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

San Juan 15:2

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

San Juan 15:5

Che ko jae uva iɨ, jare pe reta ko jae jäka reta. Jókuae oiko cheré vae jare che jese vae jetata ia. Echa mbaetɨ peï cheré yave, ngaraa etei mbae peyapo.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 15:14

Cherɨvɨ reta, che etei pokuaa kavi yae, kërai pe reta pepɨakavi yae ko jare peikuaa jeta mbaembae. Jáeramo pepuere peyomboarakuaa.

Romanos 15:3

Echa Cristo etei mbaetɨ oyemboyerovia jaeño. Ërei, oyapo Tumpa Iñee oyekuatía oï rami: “Ndeangao vae reta cheangao vi.”

Romanos 15:30

Pomoñera cherɨvɨ reta, yandeYa Jesucristo jare Espíritu Santo iporoaɨu rupi, chemborɨ vaerä peyerure cheré Tumpa pe,

Romanos 6:22

Ërei añave peyeyora ma mbaeyoa güi jare peyeapouka ma Tumpa jembiokuai retarä ramo, peñeñono teeuka ma jare iyapɨ ete pe penoita tekove opambae vae.

Romanos 7:4

Jaeramiño vi, pe cherɨvɨ reta, pemano ko mborookuai güi Cristo imano rupi, peiko vaerä Cristo oikove ye omanogüe reta ipɨte güi vae re, peyapo vaerä ikavi vae Tumpa peguarä.

Romanos 8:5

Isoo jemimbota reño yogüɨreko vae reta, oyemongeta soo jemimbota reño. Ërei Espíritu Santo jei vae re yogüɨreko vae reta, oyemongeta Espíritu Santo jei vae re.

1 Corintios 13:13

Mboapɨ ko jae mbae oiko avei vae: Mborogüɨrovia, moroäro jare mboroaɨu. Ërei mboroaɨu ko tuicha yae, jókuae ïru mókoi reta güi.

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Efesios 4:23

Pembopɨau pepɨa jare peyemongeta.

Efesios 5:9

Echa Espíritu omee yandeve vae ko mbɨakavi, mbaejupi jare añete vae.

Filipenses 1:11

ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

2 Tesalonicenses 3:2

Peyerure vi yandeYa orereepɨ vaerä kuimbae jeko ikavimbae vae reta güi; echa opaete reveä oporogüɨrovia vae.

1 Timoteo 3:11

Jökoraiño vi kuña reta toiko reta jupi rupi, agüɨye tiporoangaose, agüɨyeta jei jeiiño, opaete pe tijupi.

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.

1 Pedro 1:8

Yepe tëi mbaetɨ peecha Jesucristo, ërei peaɨu. Yepe tëi añave mbaetɨ peecha, ërei perovia jese, jare penoi yerovia tuichagüe yaupitɨ rapembae ñanemiari jese vae,

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.