Gálatas 5:1 - Biblia Guarani Tumpa Iñee

¹ Peñemomɨ̈rata Cristo iporoyora re. Jare agüɨye mo peiko ye tembipɨɨrä.

Nuevo Testamento Guaraní Pe

¹ Yayeyora ma. Echa Cristo ñandeyora ma. Jae rambue jecuaeño peipota yae peico oyeyora vae reta rami. Agüɨye ye mo peipota peico mbaeti oyeyora vae reta rami.

Gálatas 5:1 ပူးပေါင်းရင်းမြစ်များ

SALMOS 51:12

Emboyerova cheve vɨakatu ndeporogüɨroasayepe; jare ndeespíritu ipɨakavi vae tachemborɨ.

PROVERBIOS 23:23

Eväe añetete vae, arakuaa, mboromboe jare arakuaa katu, jare ¡agüɨye emee!

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

San Mateo 23:4

Echa jae reta oñono peré mbae yavaigüe. Ërei jae reta etei mbaetɨ oyapo kërai ave yepe.

San Lucas 5:38

Jáeramo yamboɨru vino ipɨau vae jɨru ipɨau vae pe. Echa jökorai yayapo yave, vino jɨru mbaetɨ osoro jare vino mbaetɨ oyepɨyere.

Hechos 15:10

Jayave ¿maera pa peipota pemboavai Tumpa? Echa peñono oporogüɨrovia vae reta pe mbae yavaigüe, yande reta ani ñaneñemuñagüe reta ave mbaetɨ ipuere oyapo vae.

Romanos 6:14

Jökorai mbaeyoa ngaraa ma güɨnoi mbaepuere peré. Echa mbaetɨ peï mborookuai igüɨ pe, peï ma ko Tumpa ipɨakavi igüɨ pe.

Romanos 6:18

jare peyeyora ma mbaeyoa güi, peyeapo ma mbaejupi jembiokuairä.

Romanos 7:3

Jáeramo, kuña imegua yave, oyuvanga ko menda re. Ërei ime omano chugüi yave, oyeyora ko jókuae mborookuai güi. Jayave omenda yave ïru kuimbae ndive, mbaetɨ ko oyuvanga menda re.

Romanos 7:6

Ërei añave yayeyora ma mborookuai güi, ñamano ma jókuae yayeokuaise chupe vae güi ramo, yandepuere yayeokuai ipɨau vae Espíritu pegua pe, jare agüɨye mo yayeokuai mborookuai indechi vae jei vae pe.

Romanos 8:15

Echa Tumpa omee ko peve iEspíritu, peyeapo vaerä taɨ retarä. Mbaetɨ ko omee peve jekuaeño pekɨɨye reve peiko vaerä. Jókuae Espíritu Santo yandemborɨ yae vaerä: “CheRu.”

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

1 Corintios 16:13

Peïndaivi, pepɨ̈rata peporogüɨrovia pe; peyembokuimbae, peñemoäta ngatu.

1 Corintios 7:22

Echa yandeYa oenɨi oyemboasauka vaerä tembiokuai yave, oyeyora ma ko yandeYa peguarä. Jaeramiño vi yandeYa oenɨi oyemboasauka vaerä tembiokuaimbae vae yave, jae oyeapo ma ko Cristo jembiokuairä.

2 Corintios 11:20

Echa peropɨa guasu peokuaiasɨ katu vae reta, omaepɨ̈ro pegüi vae reta, pembotavɨ vae reta, pereröɨro vae reta jare perovapete vae reta.

2 Corintios 3:17

Jare yandeYa jae ko Espíritu. Jókuae yandeYa iEspíritu oïa pe, oime yeyora.

Gálatas 2:4

jare yepe tëi amogüe oporogüɨrovia raanga vae reta oike vɨari orepɨte pe, orepïaro vaerä kërai ra Cristo oreyora mborookuai güi vae rupi roiko vae, echa oipota roiko ye vaerä mborookuai re.

Gálatas 3:25

Ërei yaporogüɨrovia ma yave, mbaetɨ ma yaiko yandeangarekoa ipo pe,

Gálatas 4:26

Ërei jókuae Jerusalén ara pegua, oyeokuaimbae ko. Jare jae ko yandesɨ.

Gálatas 4:31

Jáeramo, cherɨvɨ reta, yande mbaetɨ ko jókuae tembiokuai kuña imembɨ rami. Yande ko jae jókuae kuña oyeokuaimbae vae imembɨ rami.

Gálatas 4:9

Ërei añave peikuaa ma Tumpa, ani Tumpa pekuaa ma, jayave, ¿maera pa peyerova ye jókuae mboromboe ɨvɨ pegua paravete jare mbaeä etei vae kotɨ, peñeapɨti ye vaerä pɨpe?

Gálatas 5:13

Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupe peyoaɨu reve.

Efesios 6:14

Jáeramo peñemomɨ̈rata, peyeumbɨkua añetegüe pe, peyemonde mbaejupi pe, temimonde ñeraro pegua pe rami,

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

1 Tesalonicenses 3:8

Roikuaa pepɨ̈rata peporogüɨrovia pe yandeYa re ramo, oremoäta ngatu yae.

2 Tesalonicenses 2:15

Jáeramo, cherɨvɨ reta, pepɨ̈rata peporogüɨrovia pe. Agüɨye peakañɨ peikuaa vae güi, ore etei pomboe jese vae güi ani tupapire roikuatía peve vae rupi vae güi.

Hebreos 10:23

Jekuaeño ñanemomɨ̈rata yaipoɨumbae reve ñaäro vae re, echa jupi ko jókuae güɨrökuavee vae.

Hebreos 3:14

Echa ñañemoïru ma Cristo ndive, ñanepɨ̈rata yave iyɨpɨ güive yarovia vae re,

Hebreos 3:6

Ërei Cristo ko jae Tumpa Taɨ, jare jae ko opaete Tumpa jo iYa. Jare jökoraita ñaneräta ngatu jare yayerovia yave ñaäro ñaï vae re.

Hebreos 4:14

Jesús Tumpa Taɨ, jae ko yandesacerdote tenondegua ete tuichagüe oike ara pe vae, jáeramo, ñañemoäta ngatu yandeporogüɨrovia pe.

1 Pedro 2:16

Agüɨye peiko oyepɨɨgüe rami, ërei yeyora pe peï agüɨye peiporu ikavimbae vae peyapo vaerä, jaeño Tumpa pe peyeokuai.

2 Pedro 2:19

Jókuae reta güɨrökuavee chupe reta yeyora, ërei jae reta etei ikavimbae vae jembiokuai reta ko. Echa mbaepuere güɨnoi yanderé vae ñanerenoi ipo igüɨ pe.

Judas 1:3

Cherɨvɨ aaɨu vae reta, chekɨ̈reɨ yae aikuatía peve yandeyemboasa regua. Ërei ikavi cheve aikuatía vaerä peve pomboarakuaa vaerä peñemoäta ngatu mborogüɨrovia oñemee oñeñono tee vae reta pe vae re.

Apocalipsis 2:25

ërei penoi vae peñovatu ayu ye regua.

Apocalipsis 3:3

Jáeramo, nemaendúa Tumpa güi remboresive jare reendu vae re. Eñemomɨ̈rata jókuae re, jare eeya ndeyemongeta ikavimbae vae ndepɨa pe oï vae. Echa mbaetɨ resareko reï yave, ayuta ndeve imonda vae rami, jare ngaraa reikuaa kërai yave ra ayuta ndeve.