Gálatas 4:30 - Biblia Guarani Tumpa Iñee

³⁰ Ërei ¿mbae pa jei Tumpa Iñee?, jei ko: “¡Emombo kuae tembiokuai kuña jare imembɨ; echa tembiokuai kuña imembɨ ngaraa ko oiko päve mbaembae iyarä tembiokuaimbae vae imembɨ ndive!”

Nuevo Testamento Guaraní Pe

³⁰ Erei ¿mbae pa jei Tumpa iñee pe oyecuatía oi vae? Jei corai: “Emombo cuña oyeócuai vae jare imembɨ. Echa cuña oyeócuai vae imembɨ ngaraa güɨnoi Abraham imbaembae. Jaeño cuña mbaeti oyeócuai vae imembɨ güɨnoita Abraham imbaembae”. Jocorai jei.

Gálatas 4:30 ပူးပေါင်းရင်းမြစ်များ

San Juan 8:35

Tembiokuai mbaetɨ ko oiko avei iya jo pe. Ërei taɨ oiko avei joko pe.

Romanos 11:2

Tumpa mbaetɨ ko omombo tëta imbae vae, iyɨpɨ güive oikuaa vae. Peikuaa ko ñeemombeúa Elías regua oyekuatía oï vae. Kërai Elías oyerure Tumpa pe omboeko vaerä Israel pegua reta jei reve:

Romanos 4:3

Echa Tumpa Iñee pe oyekuatía oï körai: “Abraham güɨrovia Tumpa re, jókuae iporogüɨrovia rupi omae jese jupi.”

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Gálatas 3:8

Tumpa Iñee pe jei voi kërai Tumpa ombojupiukata iporogüɨrovia rupi judiombae vae reta ramo, omombeu voi ñee ikavi vae Abraham pe, jei reve: “Ndereko pegua opaete ɨvɨ pegua reta oyekouta.”

Gálatas 4:22

Echa oyekuatía oï kërai Abraham güɨnoi mókoi taɨ. Metei taɨ jae ko tembiokuai kuña rupi, jare ïru taɨ jae ko jembireko imembɨ.

Gálatas 4:31

Jáeramo, cherɨvɨ reta, yande mbaetɨ ko jókuae tembiokuai kuña imembɨ rami. Yande ko jae jókuae kuña oyeokuaimbae vae imembɨ rami.

Santiago 4:5

Tumpa Iñee oyekuatía oï vae añete vae ko, echa jei: “Espíritu jae oñono yandepɨa pe vae, jägüɨro yae yanderé.”