Gálatas 4:27 - Biblia Guarani Tumpa Iñee

²⁷ Echa Tumpa Iñee oyekuatía oï körai: “Imembɨmbae vae, eyerovia, nde mbaetɨi nemembɨ vae; esapúkai, eyerovia güi, nde mbaetɨ membɨrasɨ reiporara vae; echa kuña oyeeyagüe, jeta yaeta ko imembɨ, kuña ime ndive oï vae güi.”

Nuevo Testamento Guaraní Pe

²⁷ Echa Tumpa iñee pe oyecuatía oi corai: Nde mbaeti nemembɨ. Erei eyerovia, yepe tei mbaeti etei ndepuere renoi nemembɨra. Nde mbaeti etei nemembɨrasɨ. Erei esapúcai reyerovia reve. Echa cuña mbaeti ime güɨnoi vae güɨnoita jeta yae imembɨ cuña ime güɨnoi vae güi. Jocorai oyecuatía oi.

Gálatas 4:27 ပူးပေါင်းရင်းမြစ်များ

2 SAMUEL 13:20

Jayave ikɨvɨ Absalón oparandu chupe: —¿Ndekɨvɨ Amnón pa jayave jökorai ndeapo? Agüɨye emombeu chereindɨ, echa ndekɨvɨ ko. Agüɨye ndepɨatɨtɨ mbatee kuae re. Tamar ipɨatɨtɨ yae opɨta ikɨvɨ Absalón jo pe.

SALMOS 113:9

Jae omee kuña imembɨmbae pe, imembɨ vaerä, jare oyekou vaerä imembɨ reta re. ¡Aleluya!

ISAÍAS 49:21

Jare nde rereta ndepɨa pe: ‘¿Kia ra omee kuae reta chemembɨrä? Echa chemembɨmbae ko apɨta, cheño etei ko aiko yepi; aiko yepi mombɨrɨ ɨvɨ ambuae pe. ¿Kia ra ombokuakuaa kuae reta? Cheño etei ko apɨta, ¿ketɨ güi ra yogüeru kuae reta?’ ”

Gálatas 4:19

Cheraɨ reta, jekuae oiporara ye peré, metei kuña imembɨrasɨ vae oiporara yae oï rami; Cristo etei oyekuaa regua peré.

1 Timoteo 5:5

Ërei añetete imemano vae, mbaetɨ etei kia chupe vae, oäro Tumpa reño, oyerure avei ara rupi jare pɨ̈tu rupi.

1 SAMUEL 2:5

tenonde yave jɨ̈vɨatase vae reta, añave oñemee reta tembíu re; ërei yɨmbɨaɨse vae reta añave mbaetɨ ma yɨmbɨaɨ. Kuña imembɨmbae vae reta, chiu ma imembɨ, jare jeta imembɨse vae reta, añave ipɨtu opɨta.