Gálatas 4:24 - Biblia Guarani Tumpa Iñee

²⁴ Jare kuae ko yembojaanga. Echa kuae kuña reta oyembojaanga jókuae mókoi morogüɨrökuavee päve re. Metei morogüɨrökuavee päve ko jae ɨvɨtɨ Sinaí re oñemee vae. Kuae ko oyembojaanga Agar re, jare iñemuña reta oa ko tembiokuai.

Nuevo Testamento Guaraní Pe

²⁴ Jare cuae co metei jaanga. Echa cuae cuña reta oñemojaanga jocuae mócoi morogüɨrocuavee re. Metei morogüɨrocuavee co jae ɨvɨtɨ Sinaí jee vae re oñemee vae. Cuae morogüɨrocuavee pegua reta co jocuae oa oyeócuai vaera vae reta rami. Echa jocorai vi co Agar imembɨ.

Gálatas 4:24 ပူးပေါင်းရင်းမြစ်များ

GÉNESIS 16:8

jei chupe: —Agar, Sarai jembiokuai. ¿Ketɨ güi pa reyu jare ketɨ pa reo? Agar jei: —Atekuarai ko aiko cheya Sarai güi.

GÉNESIS 25:12

Kuae ko jae Ismael taɨ reta, jae ko Abraham taɨ, Agar Egiptoɨgua imembɨ chupe vae, Sara jembiokuai kuña,

EZEQUIEL 20:49

Jare jae: “¡Atataɨ cheYa Tumpa, jeta vae reta jei, cheyeugüi aeño ko jae kuae yembojaanga reta vae!”

OSEAS 11:10

Jae reta oguatata yandeYa jaɨkue, jare jae oñeeta yaguapope rami. Oñeeta, jare imbae vae reta yogüeruta orɨrɨi reve kuaraɨ oikea kotɨ güi.

San Mateo 13:35

oyembopo vaerä ñeemombeúa jei vae. Echa jei körai: “Chemiarita ambojaanga reve. Amombeuta ɨvɨ oyeapo güive oyekuaambae vae.”

Romanos 8:15

Echa Tumpa omee ko peve iEspíritu, peyeapo vaerä taɨ retarä. Mbaetɨ ko omee peve jekuaeño pekɨɨye reve peiko vaerä. Jókuae Espíritu Santo yandemborɨ yae vaerä: “CheRu.”

1 Corintios 10:11

Tumpa oechauka yandeve kuae mbaembae oasa jae reta ndive vae. Jare oyekuatía oï yandemboarakuaa vaerä. Yande yaiko ara taɨkuegua pe vae reta pe.

1 Corintios 10:4

Jare opaete vae oɨu Espíritu pegua. Jare oɨu reta jókuae ita guasu Espíritu pegua jupíe reta oiko vae güi. Jare jókuae ita guasu jae ko Cristo ko.

Gálatas 4:25

Echa kuae Agar oyembojaanga ɨvɨtɨ Sinaí Arabia pegua re, jare oyembojaanga vi tëta guasu Jerusalén añave pegua re. Echa jókuae tëta guasu jare ipo reta tembiokuai reta ko.

Gálatas 4:3

Jökoraiño vi yande tenonde yave mboromboe ɨvɨ pegua güɨnoi vi mbaepuere yanderé. Echa jayave yaikose michia rami.

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

DEUTERONOMIO 33:2

körai: “YandeYa ou Sinaí güi; Seir güi yandemboesape. Jembipe ɨvɨtɨ Parán güive jare ou jeta vae reta pe Cades pe; iyakatu kotɨ güeru yandeve mborookuai tata katuai vae.

Hebreos 11:19

Echa Abraham güɨrovia oyuka yave taɨ, Tumpa ipuere omoingove ye. Jare yandepuere yae Abraham omboresive ye ko Isaac mano güi.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

Hebreos 7:22

Jáeramo, Jesús ko jae morogüɨrökuavee ikavi yae vae imoañetea.