Gálatas 4:17 - Biblia Guarani Tumpa Iñee

¹⁷ Jókuae pembojopa vae reta jägüɨro yae peré, ërei ikavi vae peguarää. Echa oipota pemombia oregüi, pe reta perägüɨro vaerä jese reta.

Nuevo Testamento Guaraní Pe

¹⁷ Jocuae pembojopa vae reta jatangatu yae peré, erei mbaeti icavi peveguara. Echa oipota pemombia oregüi, pe reta peratangatu vaera jese reta.

Gálatas 4:17 ပူးပေါင်းရင်းမြစ်များ

San Mateo 23:15

¡Paravete pe jova mókoi vae reta! Mborookuai re oporomboe vae reta jare fariseo reta. Echa peo peeka oipota rupi peporomboe re güɨrovia vaerä judiombae vae reta. Jare güɨrovia ma peporomboe re yave, jei eteño peñäka-pɨpɨ kañɨtei pe, pe reta peiporarata vae pe.

Romanos 10:2

Echa chepuere chemiari jesegua reta, kërai jae reta ikɨ̈reɨ yae oyeokuai tëi Tumpa pe, ërei mbaetɨ añete vae oikuaa kavi reve.

Romanos 16:18

Echa jókuae reta mbaetɨ ko oyeokuai yandeYa Jesucristo pe. Jaeño oparavɨkɨ reta ikavi chupe reta vaerä jeko peguaño, iñee-yukɨ rupi jare iñee kavi rupi ombotavɨ iyarakuaa katumbae reta.

1 Corintios 11:2

Cherɨvɨ reta, pombotuicha, echa jekuaeño pemaendúa cheré, jare peyapo che pomboe jese vae.

1 Corintios 4:18

Ërei amogüe pepɨte pe oyembotuicha, oyemongeta ngaraa ma aja pépɨri ramo.

1 Corintios 4:8

Pe reta peangapɨɨ ma, peikokatu ma jare peiko ma mburuvicha nunga. Mbae mona peyeapo mburuvicha añetete vae retarä, ore vi roï vaerä pe reta ndive.

2 Corintios 11:3

Ërei aipoɨu, güɨramoi jókuae mboi ipoki oporombotavɨ vaerä vae ombotavɨ Eva rami, peyembotavɨuka jare pepia Cristo güi.

Gálatas 4:16

¿Añete vae jae peve vae rupi ayemboyovaicho ra pe ndive?

Gálatas 4:18

Ërei ikavi ko perägüɨro vaerä ikavi vae reño, mbaetɨ pépɨri aï yaveño.

Filipenses 2:21

Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.

2 Pedro 2:18

Imiari reta oyemboete reve ñee añetembae, ombotavɨ ye soo jemimbota rupi oyembosɨrɨ tëi ma ikavimbae vae iyapoa reta güi vae.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.