Gálatas 4:15 - Biblia Guarani Tumpa Iñee

¹⁵ ¿Jama pa jókuae yerovia penoi yepi vae? Echa chepuere jae peregua kuae: Pepuere yave mona, peekɨta ko viña peresäɨ peyeugüi, pemee vaerä cheve.

Nuevo Testamento Guaraní Pe

¹⁵ ¿Maera pa mbaeti ma penoi jocuae yerovia penoise vae? Echa chepuere amombeu peregua cuae: Pepuere yave mona, peequita tei peresa peyeugüi, pemee vaera cheve.

Gálatas 4:15 ပူးပေါင်းရင်းမြစ်များ

San Lucas 8:13

Jökorai vi jókuae ita pɨte rupi oa vae reta oyembojaanga Tumpa iñee oendu rupive omboresive oyerovia reve vae re, ërei kuae reta jókuae temitɨ japo matɨä ɨ́vɨkotɨ ojo rami ko. Echa michi peguaño güɨrovia. Ërei mbaemboavai ou chupe reta yave, opia reta.

Romanos 10:2

Echa chepuere chemiari jesegua reta, kërai jae reta ikɨ̈reɨ yae oyeokuai tëi Tumpa pe, ërei mbaetɨ añete vae oikuaa kavi reve.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 5:2

jare yandeporogüɨrovia rupi, yaike ma Tumpa ipɨakavi pe Jesucristo rupi; pɨpe ñanepɨ̈rata ma ñaï jare yayerovia reve ñaäro Tumpa iyemboetea.

Romanos 9:3

Echa aipotaecha ayembosɨrɨ Cristo güi, metei yepopeyu oa jese vae rami, aaɨu ramo, cherɨvɨ reta. Jae ko cherëtara reta.

2 Corintios 8:3

Chepuere amombeu peve kërai jae reta omee güɨnoi rupi vae, jare oasa ye omee reta güɨnoi vae güi,

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Gálatas 4:14

Jare mbaetɨ chereröɨro jare chemotareɨ chembaerasɨ tëi reve, ërei chemboresive kavi, metei Tumpa iaraɨgua rami, Cristo Jesús etei rami.

Gálatas 4:16

¿Añete vae jae peve vae rupi ayemboyovaicho ra pe ndive?

Gálatas 4:19

Cheraɨ reta, jekuae oiporara ye peré, metei kuña imembɨrasɨ vae oiporara yae oï rami; Cristo etei oyekuaa regua peré.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Gálatas 6:4

Jayave, metei ñavo tomae kavi kërai mbae oyapo vae re, javoi ramo ipuere oyerovia iyé. Mbaetɨta ïru vae re.

Colosenses 4:13

Echa che etei chepuere amombeu peve kërai Epafras oyemoambeko täta peré, jare Laodicea jare Hierápolis pegua reta re.

1 Tesalonicenses 2:8

Ore poaɨu yae ko, mbaetɨ orekɨ̈reɨ romombeu peve Tumpa iñee kaviño, orerekove etei vi romeeta peré. ¡Echa ore poaɨu yae ko!

1 Tesalonicenses 5:13

Peaɨu iparavɨkɨ jeko pegua, peiko päve mbɨakatu rupi.