Gálatas 3:8 - Biblia Guarani Tumpa Iñee

⁸ Tumpa Iñee pe jei voi kërai Tumpa ombojupiukata iporogüɨrovia rupi judiombae vae reta ramo, omombeu voi ñee ikavi vae Abraham pe, jei reve: “Ndereko pegua opaete ɨvɨ pegua reta oyekouta.”

Nuevo Testamento Guaraní Pe

⁸ Tumpa iñee pe oyecuatía oi ñee icavi vae Tumpa omombeu Abraham pe vae. Tumpa omombeu chupe ndei oyeapo mbove. Echa jei Abraham pe corai: “Nde rupi opaete tenta ɨvɨ pegua reta amovendiseta.” Jocorai jei chupe. Echa Tumpa oicuaa ndei oyeapo mbove quirai ombojupita judío mbae vae reta iporogüɨrovia jeco pegua.

Gálatas 3:8 ပူးပေါင်းရင်းမြစ်များ

GÉNESIS 12:3

Cheporerekuata iporerekua nderé vae reta re, ërei ayepopeyuta oyepopeyu nderé vae reta re; nderupi opaete ɨvɨ pegua reta oyekouta.”

GÉNESIS 18:18

echa chugüi oñemuñata tëtaguasu imbaepuere yaeta vae. Jare jese vi opaete tëtaguasu reta ɨvɨ rupigua oyekouta.

GÉNESIS 22:18

Neñemuña rupi outa cheporerekua opaete kuimbae reta ɨvɨ pegua re, nde reyandu cheñee ramo.”

GÉNESIS 26:4

Ambojetata neñemuña, ara re yasɨtata rami, jare ameeta ndeve opaete kuae ɨvɨ. Jare neñemuña rupi opaete tëtaguasu reta re outa mborerekua.

GÉNESIS 28:14

Neñemuña reta jeta yaeta ɨvɨkúi rami, reñemoaita kuaraɨ oikea kotɨ, jare kuaraɨ oëa kotɨ, ɨvɨtuguasu kotɨ jare arayevɨ kotɨ; jare opaete ɨvɨ pegua reta oyekouta nderupi jare neñemuña rupi.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

SALMOS 72:7

¡Toporookuai jupi rupi, mbɨakatu toime jókuae ara rupi, mbaetɨ ma yasɨ regua!

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

ISAÍAS 65:9

Amoñemuñata Jacob, Judá amoñemuñata yogüɨreko vaerä ɨvɨtɨ re. Cherembiparavo reta oiketa yogüɨreko jókuae ɨvɨ pe, joko pe yogüɨrekota cherembiokuai reta.

JEREMÍAS 4:2

ndepuere rere cheree re, añetete vae, jupi vae jare sɨmbi vae. Jayave tëtaguasu reta peguarä cheree oïta, mborerekua jare mbaemboetea peguarä.”

San Juan 19:37

Oyekuatía vi oï: “Omae retata jókuae oikutu vae re.”

San Juan 7:38

Cheré güɨrovia vae güi osɨrɨta jeta ɨ tekove pegua. Jökorai Tumpa Iñee pe oyekuatía oï.

San Juan 7:42

Echa Tumpa Iñee pe jei David iñemuña güi jare tëta Belén David jëta güi ko oëta Cristo.

Hechos 2:35

nderovaicho reta opa regua añono ndepɨ igüɨ pe.’

Romanos 9:17

Echa Tumpa Iñee jei Faraón pe: “Kuaerä etei che roparavo mburuvicha guasurä, aechauka vaerä nderé chembaepuere, oñemoërakua vaerä cheree opaete ɨvɨ rupi.”

Romanos 9:30

¿Mbae pa yaeta? Kërai judiombae vae reta, mbaetɨ yepi oeka oyembojupiuka vaerä vae, añave oyembojupiuka ma ko mborogüɨrovia rupi;

Gálatas 3:16

Jáeramo Tumpa güɨrökuavee omee vaerä Abraham jare iñemuña pe. Mbaetɨ jei: “Neñemuña reta”, jeta vae re rami. Imiari metei reño, jei: “Neñemuña.” Jókuae jae ko Cristo.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Gálatas 4:30

Ërei ¿mbae pa jei Tumpa Iñee?, jei ko: “¡Emombo kuae tembiokuai kuña jare imembɨ; echa tembiokuai kuña imembɨ ngaraa ko oiko päve mbaembae iyarä tembiokuaimbae vae imembɨ ndive!”

Hebreos 4:2

Echa yandeve vi oñemoërakua ñee ikavi vae chupe reta oñemoërakua rami; ërei jókuae ñee ikavi vae mbaetɨ oyapo mbae chupe reta, echa mbaetɨ güɨrovia reta jókuae oendugüe.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”