Gálatas 3:29 - Biblia Guarani Tumpa Iñee

²⁹ Pe reta Cristo imbae ko yave, Abraham iñemuña ma ko pe reta, jare pembae ko jókuae Tumpa güɨrökuavee Abraham pe vae.

Nuevo Testamento Guaraní Pe

²⁹ Jare pe reta co jae Abraham iñemoña reta rami. Echa pe reta co jae Cristo imbae. Jae rambue pembae co jae Tumpa güɨrocuavee vae.

Gálatas 3:29 ပူးပေါင်းရင်းမြစ်များ

San Mateo 3:9

Jare agüɨye pere peyeupe: ‘Ñaneñemuñagüe jae ko Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

1 Corintios 15:23

Ërei metei ñavo jenda jenda pe kavi: Tenonde ete Cristo oikove ye; ërei Cristo ou ye yave, opaete güɨrovia jese vae reta oikove yeta.

2 Corintios 10:7

Pe reta pemae mbae oyekuaa vae reño. Kia oyemongeta jae ko Cristo imbae vae yave, toyemongeta vi ore jae ko Cristo imbae, jae reta rami.

Gálatas 3:16

Jáeramo Tumpa güɨrökuavee omee vaerä Abraham jare iñemuña pe. Mbaetɨ jei: “Neñemuña reta”, jeta vae re rami. Imiari metei reño, jei: “Neñemuña.” Jókuae jae ko Cristo.

Gálatas 3:18

Echa Tumpa güɨrökuavee vae oñemee yave mona mborookuai rupi, morogüɨrökuaveeä ma ko; ërei Tumpa omee ko Abraham pe morogüɨrökuavee rupi.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Gálatas 3:7

Jáeramo, peikuaa mborogüɨrovia güɨnoi vae reta ko jae Abraham iñemuña reta rami.

Gálatas 4:1

Jae vi peve kuae: Metei kuimbae mbae iyarä vae michia vɨteri ramboeve, oyovakeño ko metei tembiokuai ndive, yepe tëi jae opaete mbae iya.

Gálatas 4:7

Jáeramo yande reta mbaetɨ ma ko tembiokuai reta, taɨ reta ma ko. Jare taɨ reta ma yaiko ramo, Tumpa omee vae yandembae ma ko Cristo rupi.

Gálatas 5:24

Ërei Cristo imbae ma vae reta oikutu ma kurusu re opaete soo jemimbota reve.

Gálatas 6:16

Jare opaete kuae tekove ipɨau vae re yogüɨreko vae ndive toï Tumpa ipɨakatu jare iporoparareko, jare opaete Israel pegua reta Tumpa imbae vae ndive.

Efesios 3:6

Kërai judiombae reta güɨnoi vi judío reta ndive imbaerä vae, jare meteiño jete, jare mókoi reve güɨnoi retata Tumpa güɨrökuavee Cristo Jesús re, ñee ikavi vae rupi vae.

Tito 3:7

Jökorai Tumpa oyapo ñanoi vaerä tekove opambae vae, jare jókuae ñaäro ñaï yayerovia reve. Echa Tumpa yandembojupi ipɨakavi rupi.

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Hebreos 11:18

Tumpa jei yave chupe: “Isaac rupiño oimeta neñemuña.”

Hebreos 11:7

Iporogüɨrovia rupi Noé oyapo barco guasu jëtara reta oasayepe vaerä ɨporu guasu güi. Echa ndei ɨporu guasu ou mbove, Tumpa oikuaauka Noé pe. Jáeramo Noé oyapo barco guasu oipoɨu güi, jo pegua reta oyemboasauka vaerä; jare jókuae iporogüɨrovia rupi Noé oikuaauka ɨvɨ pegua reta pe ikavimbae vae oyapo vae reta ko, jare güɨnoi yembojupi iporogüɨrovia rupi.

Hebreos 6:17

Tumpa oipota yae oikuaauka kavi iyemongeta oyepoepɨmbae vae jókuae oñererökuavee chupe reta ramo, oñererökuavee iyé aeño.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.