Gálatas 3:22 - Biblia Guarani Tumpa Iñee

²² Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Nuevo Testamento Guaraní Pe

²² Erei Tumpa iñee pe oyecuatía oi vae oicuauca opaete vae iyoa co, morogüɨrocuavee oñemee vaera mborogüɨrovia Jesucristo re güɨnoi vae reta pe.

Gálatas 3:22 ပူးပေါင်းရင်းမြစ်များ

SALMOS 143:2

Agüɨye chejäa cheYa, echa mbaetɨ eteita ko kia oyembojupi nderóvai.

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Juan 12:46

Ayu ɨvɨ pe amee vaerä tembipe ɨvɨ pegua reta pe, agüɨye vaerä cheré güɨrovia vae oiko pɨtumimbi pe.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 3:36

Tumpa Taɨ re güɨrovia vae güɨnoi ma tekove opambae vae, ërei Tumpa Taɨ re mbaetɨ güɨrovia vae ngaraa güɨnoi tekove. Tumpa iyarasɨ oata jese.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

Hechos 16:31

Jayave jae reta jei chupe: —Erovia yandeYa Jesucristo re, jare reyemboasaukata nde jare ndero pegua reta.

Romanos 10:9

Nde rere yave Jesús, jae ko yandeYa, jare rerovia ndepɨa pe Tumpa omoingove ye omanogüe reta ipɨte güi yave, reyemboasaukata ko.

Romanos 11:32

Echa Tumpa omaeño opaete vae ñeereendumbae rupi yogüɨreko vaerä. Jökorai oiparareko vaerä opaete vae.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 3:23

Echa opaete vae iyoa vae reta ko, mombɨrɨ ko ñogüɨnoi Tumpa iyemboetea güi.

Romanos 5:12

Jáeramo, mbaeyoa oike kuae ɨvɨ pe metei kuimbae rupi. Jare mano oike jókuae mbaeyoa rupi. Jökorai mano ou opaete vae pe. Echa opaete vae iyoa.

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Gálatas 3:17

Jáeramo che jae peve kuae: Tumpa tenonde oyapo morogüɨrökuavee päve Abraham ndive Cristo regua vae, mbaetɨ omboai mborookuai cuatrociento treinta año oasa ma yave ramo ou vae.

Gálatas 3:23

Ërei ndei yaporogüɨrovia mbove, yaiko yepi mborookuai imbaepuere pe, tembipɨɨrɨru pe yaiko rami, Tumpa oikuaauka regua yarovia vaerä Jesucristo re.

Gálatas 3:29

Pe reta Cristo imbae ko yave, Abraham iñemuña ma ko pe reta, jare pembae ko jókuae Tumpa güɨrökuavee Abraham pe vae.

2 Timoteo 1:1

Che Pablo, Jesucristo jemimondo Tumpa jemimbota rupi, amoërakua vaerä tekove Cristo Jesús re.

Hebreos 9:15

Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.

2 Pedro 1:4

Jókuae mbaembae rupi Tumpa oyapo yandeve morogüɨrökuavee ikavigüe yae jare tuichagüe, jókuae rupi ñanoi ma jae omee yandeve vae, peeya ramo opaete ikavimbae ɨvɨ pegua soo jemimbota rupi oime vae.

2 Pedro 3:13

Ërei yande reta ñaäro ñaï jae güɨrökuavee vae, ara ipɨau vae jare ɨvɨ ipɨau vae, joko pe oimeta jupi vaeño.

1 Juan 2:25

Jare Jesucristo güɨrökuavee yandeve vae ko jae tekove opambae.