Gálatas 3:20 - Biblia Guarani Tumpa Iñee

²⁰ Jare ñee imboasaa mbaetɨ ko oyeokuai metei peño, ërei Tumpa ko meteiño.

Nuevo Testamento Guaraní Pe

²⁰ Jare oicuauca-yoapɨ ye vae oi mócoi vae ipau pe, oicuauca-yoapɨ ye vaera metei vae güi iru vae pe. Erei Tumpa co jae meteiño.

Gálatas 3:20 ပူးပေါင်းရင်းမြစ်များ

GÉNESIS 15:18

Jókuae ara etei yandeYa oyapo morogüɨrökuavee päve Abram ndive, jei reve körai: —Neñemuña reta pe ameeta kuae ɨvɨ, ɨ̈aka Egipto pegua güive ɨ̈aka guasu kotɨ, ɨ̈aka Éufrates jee vae pe.

JOB 9:33

¡Oime mona kia oporojäa vae oreve, orejäa vaerä mókoi reve,

Hechos 12:20

Jare Herodes iyarasɨ oiko Tiro pegua reta jare Sidón pegua reta kotɨ. Jayave jae reta metei rami yogüeru ípɨri, jare oñemoïru reta metei mburuvicha guasu iyɨvɨrigua Blasto jee vae ndive. Jae reta jei chupe agüɨye vaerä mburuvicha guasu iyarasɨ ikotɨ reta. Echa jae reta güɨnoe jembiurä mburuvicha guasu Herodes iɨvɨ güi.

Gálatas 3:17

Jáeramo che jae peve kuae: Tumpa tenonde oyapo morogüɨrökuavee päve Abraham ndive Cristo regua vae, mbaetɨ omboai mborookuai cuatrociento treinta año oasa ma yave ramo ou vae.

DEUTERONOMIO 6:4

Peendu Israel iñemuña reta: YandeYa Tumpa, meteiño ko.

1 Timoteo 2:5

Echa oime meteiño Tumpa. Jaeramiño vi oime meteiño ipuere oporomoñoövaiti Tumpa ndive vae. Jae ko kuimbae Cristo Jesús jee vae.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

Hebreos 8:6

Ërei mbaravɨkɨ Tumpa omee Jesús pe vae ikavi yae mbaravɨkɨ jókuae ïru sacerdote reta oyapo vae güi. Echa jae ko morogüɨrökuavee ikavigüe rupi ñanemoñoövaiti Tumpa ndive vae.

Hebreos 9:15

Jare jókuae jeko pegua jae oï ñanemoñoövaiti vaerä Tumpa ndive morogüɨrökuavee päve ipɨau vae rupi vae. Echa Cristo omano omboepɨ vaerä tenondegua morogüɨrökuavee päve pe mbaeyoa oyapo vae reta re. Jáeramo Tumpa oenɨi vae reta güɨnoita imbaerä güɨrökuavee chupe reta vae.