Gálatas 3:19 - Biblia Guarani Tumpa Iñee

¹⁹ Jayave ¿mbaerä pa ikavi mborookuai? Omoïru vi ko mbaeyoa reta jeko pegua, ou regua jókuae Abraham iñemuña Tumpa güɨrökuavee vae. Jókuae mborookuai oñemee ñee imboasaa Moisés pe araɨgua reta rupi.

Nuevo Testamento Guaraní Pe

¹⁹ Jayave ¿maera pa oñemee mboroócuai? Oñemoiru co mbaeyoa reta jeco pegua, jocuae Abraham iñemoña Tumpa oyapo morogüɨrocuavee chupe vae ou regua. Jare Tumpa oicuauca mboroócuai Moisés pe araɨgua reta rupi, Moisés oicuauca-yoapɨ ye vaera Israel pegua reta pe.

Gálatas 3:19 ပူးပေါင်းရင်းမြစ်များ

SALMOS 106:23

Tumpa opata tëi omboai reta, ërei jembiparavo Moisés oyopia, omoröɨsa iyarasɨ chugüi, agüɨye vaerä opa omboai.

LEVÍTICO 15:32

Jae kuae mborookuai kuimbae imbaerasɨ güi taɨ oë vae regua, jare kuña oiporara yasɨ ñavo vae, jare oasa ete tugüɨ oiporara vae regua, ani kuimbae oyapakua kuña jugüɨ reve oï vae ndive regua, echa ikɨa ko opɨta reta Tumpa jóvai kuae mbaerasɨ jeko pegua.

San Lucas 16:31

Ërei Abraham jei chupe: ‘Mbaetɨ oipota oyeapɨsaka Moisés jare ñeemombeúa reta jembikuatía re yave, ngaraa güɨrovia reta, yepe tëi kia oikove ye ojo chupe reta omanogüe vae reta ipɨte güi.’ ”

San Juan 1:17

Moisés rupi oñemee mborookuai. Ërei Jesucristo rupi ou, Tumpa ipɨakavi jare añete vae.

San Juan 15:22

Mbaetɨ yave mona ayu chemiari vaerä chupe reta, ngaraa tëi teko güɨnoi reta. Jáeramo jei rapeä mbaetɨ ko oikuaa reta iyoa re vae.

Hechos 7:38

Araɨgua omomiari Moisés ɨvɨtɨ guasu Sinaí pe, ñuu pe oyemboatɨ yave Moisés jare ñaneñemuñagüe reta. Tumpa omee Moisés pe ñee tekove pegua, jae omombeu vaerä yandeve.

Hechos 7:53

Echa Tumpa omeeuka peve iporookuai araɨgua reta rupi, ërei mbaetɨ peyapo.

Romanos 2:13

echa Tumpa jóvai mbaetɨ ko jupi mborookuai oenduiño vae reta, mborookuai jei vae oyapo vae reta ko Tumpa ombojupita.

Romanos 4:15

Echa mborookuai rupi oime arasɨ; ërei mbaetɨ mborookuaía pe, mbaetɨ vi kia oyavɨ.

Gálatas 3:16

Jáeramo Tumpa güɨrökuavee omee vaerä Abraham jare iñemuña pe. Mbaetɨ jei: “Neñemuña reta”, jeta vae re rami. Imiari metei reño, jei: “Neñemuña.” Jókuae jae ko Cristo.

DEUTERONOMIO 33:2

körai: “YandeYa ou Sinaí güi; Seir güi yandemboesape. Jembipe ɨvɨtɨ Parán güive jare ou jeta vae reta pe Cades pe; iyakatu kotɨ güeru yandeve mborookuai tata katuai vae.

DEUTERONOMIO 5:5

Jayave che aï yandeYa jare pe reta pepäu pe, amombeu vaerä yandeYa iñee reta, echa pe reta pekɨɨye tata güi, jare mbaetɨ peyeupi ɨvɨtɨ re. Jayave yandeYa jei:

Hebreos 2:2

Echa Tumpa jei Israel pegua reta pe araɨgua reta rupi vae mbaetɨ oyepoepɨ, jare opaete jókuae iñeereendumbae jare oyapombae oiporara,

Hebreos 2:5

Tumpa mbaetɨ oñono araɨgua reta ipo pe ɨvɨ oikota vae, ñanemiari ñaï jese vae,