Gálatas 3:18 - Biblia Guarani Tumpa Iñee

¹⁸ Echa Tumpa güɨrökuavee vae oñemee yave mona mborookuai rupi, morogüɨrökuaveeä ma ko; ërei Tumpa omee ko Abraham pe morogüɨrökuavee rupi.

Nuevo Testamento Guaraní Pe

¹⁸ Echa mboroócuai re yave mona Abraham güɨnoita Tumpa jei omeeta chupe vae, ngaraa tei güɨnoi morogüɨrocuavee re. Erei Tumpa jei omeeta co Abraham pe morogüɨrocuavee re.

Gálatas 3:18 ပူးပေါင်းရင်းမြစ်များ

SALMOS 105:42

Echa imaendúa ñererökuavee ikɨambae oyapo jembiokuai Abraham pe vae re.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

Gálatas 2:21

Mbaetɨ aröɨro Tumpa ipɨakavi; echa mborookuai jei vae rupi yandepuere yayembojupi yave, Cristo omanoiñota ma ko.

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

Gálatas 3:12

Jare mborookuai mbaetɨ ko mborogüɨrovia pegua. Echa oyekuatía oï körai: “Kuaekuae oyapo vae, oikoveta jókuae re.”

Gálatas 3:16

Jáeramo Tumpa güɨrökuavee omee vaerä Abraham jare iñemuña pe. Mbaetɨ jei: “Neñemuña reta”, jeta vae re rami. Imiari metei reño, jei: “Neñemuña.” Jókuae jae ko Cristo.

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;

Gálatas 3:29

Pe reta Cristo imbae ko yave, Abraham iñemuña ma ko pe reta, jare pembae ko jókuae Tumpa güɨrökuavee Abraham pe vae.