Gálatas 2:9 - Biblia Guarani Tumpa Iñee

⁹ Jáeramo oporogüɨrovia vae reta itenondegua Jacobo, Cefas jare Juan oikuaa reta kërai Tumpa ko omee cheve kuae mbaravɨkɨ. Jare oechauka vaerä ore ko jae jae reta iñeïru vae, orepopɨɨ che jare Bernabé; rojo vaerä judiombae vae reta pɨri jare jae reta yogüɨraja vaerä judío reta pɨri.

Nuevo Testamento Guaraní Pe

⁹ Jae rambue oicuaa reta ma yave quirai Tumpa omee cheve ipɨacavi, Jacobo, Cefas, jare Juan - jae reta co itenondegua echa vae reta - chepopɨɨ jare vi oipopɨɨ Bernabé, oicuauca vaera roñomoicavi ma co, jare ore rojo vaera judío mbae vae reta pe, jare jae reta yogüɨraja vaera judío reta pe.

Gálatas 2:9 ပူးပေါင်းရင်းမြစ်များ

2 REYES 10:15

Jehú ojo joko güi yave, oñoväe Jonadab, Recab taɨ ndive, jese ojo omae vae, Jehú oyapo chupe maraetei, jare jei chupe: —¿Ikavi pa ndeyemongeta chekotɨ, che cheyemongeta ndekotɨ rami? —¡Jökorai ko! —jei Jonadab. —Jökorai ko yave, emee cheve ndepo —jei Jehú. Jonadab omee chupe ipo, jare Jehú omboyeupi ikäretou pe,

San Mateo 16:18

Jare che vi jae ndeve, nde jae ko Pedro. Jare che etei amopüata cherembiparavo reta kuae ita guasu re, jare mano ngaraa mbaepuere güɨnoi jese reta.

San Lucas 22:8

Jayave Jesús jei Pedro jare Juan pe: —Pekua peyapo kavi yau vaerä vecha kuimbae taɨrusu vae isoo Pascua pegua.

San Juan 1:42

Jayave Andrés güeru Simón Jesús oïa pe. Jesús omae ngatu Simón re jare jei: —Nde ko jae Simón, Jonás taɨ. Ndereeta Cefas (kuae oipota jei: Pedro.)

Hechos 12:17

Ërei Pedro omopüa ipo omokïrii reta vaerä, jare imiari chupe reta kërai yandeYa güɨnoe tembipɨɨrɨru güi vae, jei: —Peikuaauka kuae, Jacobo jare ïru oporogüɨrovia vae reta pe. Jayave oë joko güi ojo ïkotɨa.

Hechos 15:13

Jare jae reta opa imiari yave, Jacobo jei: —Tëtara reta, peyeapɨsaka cheré.

Hechos 15:7

Jare jeta ma oyoaka yave, Pedro opüa jare jei chupe reta: —Tëtara reta, peikuaa katu ko kërai ɨma ma ko Tumpa cheparavo amoërakua vaerä judiombae vae reta pe ñee ikavi vae, jare jae reta güɨrovia vaerä.

Hechos 4:36

Jare metei levita ɨvɨ Chipreɨgua José jee vae, temimondo reta oero Bernabé pe vae (kuae tee oipota jei: “Oporombopɨakatu vae”).

Romanos 1:5

Jesucristo rupi Tumpa omee oreve ipɨakavi jare oremondo romoërakua vaerä opaete vae tëtaguasu pegua reta pe, oporogüɨrovia reta vaerä, Tumpa jee omboete reta vaerä.

Romanos 12:3

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

Romanos 15:15

Ërei aikuatía peve cherɨvɨ reta, akɨɨyembae reve amogüe mbaembae re, pomomaendúa jese vaerä. Kuae ayapo, Tumpa ipɨakavi omee cheve vae rupi,

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

2 Corintios 11:5

Ërei che jókuae temimondo añetembae tuichagüe reta güi, mbaetɨ ko ayandu chemichi yae.

2 Corintios 12:11

Ayeapo metei iyarakuaambae vae rami ayemboete vae rupi, pe reta etei peyapouka jókuae cheve. Pe reta ko chemboeteta tëi. Echa jókuae temimondo añetembae tuichagüe reta güi, mbaetɨ ayandu chemichi yae, yepe tëi mbaeä etei ko che.

2 Corintios 8:4

oremoñera yeyé reta romboresive vaerä jókuae oipota omee vae, jökorai ipuere vaerä omborɨ ïru oporogüɨrovia vae reta.

Gálatas 1:16

oikuaauka cheve Taɨ, che amoërakua vaerä judiombae vae reta pe. Kuae oyeapo yave, mbaetɨ aparandu jese kia pe;

Gálatas 1:18

Kuae jaɨkue rupi, mboapɨ año oasa ma yave, aja Jerusalén pe aikuaa vaerä Pedro, jare apɨta jae ndive quince ara.

Gálatas 2:1

Kuae jaɨkue rupi, catorce año oasa ma güire, aja ye Jerusalén pe Bernabé ndive, jare araja vi Tito cherupíe.

Gálatas 2:2

Aja, Tumpa oechauka cheve ramo, jare amombeu kavi chupe reta jókuae ñee ikavi vae amoërakua judiombae vae reta pe vae. Ërei chemiari tenondegua reta peño oikuaa kavi reta vaerä, aipotaä ramo cheparavɨkɨ okañɨtei.

Gálatas 6:3

Ërei oime yave kia oyembotuicha vae mbaeä reve, oyembotavɨ ko.

Efesios 2:20

pe reta ko o oñemopüa vae rami, jókuae temimondo reta jare ñeemombeúa reta ko ita o oñemopüa jese vae rami. Ërei Jesucristo etei ko jae ita o ekina iguapɨka.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Colosenses 1:29

Kuae jeko pegua che vi aparavɨkɨ aï Tumpa pe. Täta aparavɨkɨ aï aiporara reve Cristo imbaepuere rupi, echa jae täta oparavɨkɨ oï chepɨa pe.

1 Timoteo 3:15

echa güɨramoi aja raiviä yave, aipota reikuaa këraita reiko Tumpa taɨ reta ipɨte pe, jae ko Tumpa oikove vae re güɨrovia vae reta, jae reta oyoko añete vae.

1 Juan 1:3

Romombeu peve roecha jare roendu vae, pe reta vi peñemoïru vaerä ore ndive. Jare kuae ñañemoïru vae añetete ko yandeRu Tumpa jare Taɨ Jesucristo ndive.

Apocalipsis 3:12

Oporomoamɨri vae añonota cheTumpa jo pe okɨta rami, jare ngaraa etei oë ye. Güɨnoita mbaepuere tuicha vae metei okɨta ipɨ̈rata yae vae rami. Jare aikuatiata jese cheTumpa jee jare jëta guasu Jerusalén ipɨau vae jee ogüeyɨta ara güi cheTumpa ndive vae. Jaeramiño vi aikuatiata jese cheree ipɨau vae.