Gálatas 2:4 - Biblia Guarani Tumpa Iñee

⁴ jare yepe tëi amogüe oporogüɨrovia raanga vae reta oike vɨari orepɨte pe, orepïaro vaerä kërai ra Cristo oreyora mborookuai güi vae rupi roiko vae, echa oipota roiko ye vaerä mborookuai re.

Nuevo Testamento Guaraní Pe

⁴ jare yepe tei amogüe mbaeti añetete oporogüɨrovia vae reta oique vɨari orepɨte pe. Echa oipota oecha vɨari quirai ra roico. Echa oicuaa reta ore romombeu co quirai Cristo Jesús oreyora ma mboroócuai güi. Echa oipota tei roico ye vaera mboroócuai re.

Gálatas 2:4 ပူးပေါင်းရင်းမြစ်များ

SALMOS 119:45

Jare taguata yemboavaimbae reve, echa aeka ndeporookuai reta.

SALMOS 51:12

Emboyerova cheve vɨakatu ndeporogüɨroasayepe; jare ndeespíritu ipɨakavi vae tachemborɨ.

ISAÍAS 51:23

Jare añonota jókuae kopa, oiporarauka ndeve vae reta ipo pe, jei reta yepi ndeve: ‘Eyapakua, roasata ndeárambo rupi’; jare nde reyapakua ɨvɨ re, javoi jae reta oasa, tape rupi rami.”

San Lucas 5:38

Jáeramo yamboɨru vino ipɨau vae jɨru ipɨau vae pe. Echa jökorai yayapo yave, vino jɨru mbaetɨ osoro jare vino mbaetɨ oyepɨyere.

Hechos 15:1

Jare jókuae ara rupi amogüe kuimbae reta yogüeru Judea güi Antioquía pe vae omboe oporogüɨrovia vae reta, jei reta: “Mbaetɨ yave peyembocircuncida Moisés iporookuai pe jei rami, ngaraa pepuere peyemboasauka.”

Hechos 15:24

Jërakua oreve kërai amogüe orepɨte güi yogüɨraja pemoambeko, ore mbaetɨ royókuai reve. Jae reta pembojopa, echa peokuai peyembocircuncidauka vaerä jare peyapo vaerä Moisés iporookuai pe jei vae.

Hechos 20:30

Jare pepɨte güi etei omopüata kuimbae oporomboeta añetembae re vae reta. Kuae reta ombojopata oporogüɨrovia vae reta.

Romanos 8:15

Echa Tumpa omee ko peve iEspíritu, peyeapo vaerä taɨ retarä. Mbaetɨ ko omee peve jekuaeño pekɨɨye reve peiko vaerä. Jókuae Espíritu Santo yandemborɨ yae vaerä: “CheRu.”

2 Corintios 11:13

Jae reta temimondo jaanga retaño ko. Oporombotavɨ vae reta ko. Oyemonde reta Cristo jemimondo reta rami.

2 Corintios 11:17

Kuae jae vae, mbaetɨ ko jae yandeYa jei vae, jaeño ayembotuicha imbokere vae rami.

2 Corintios 11:20

Echa peropɨa guasu peokuaiasɨ katu vae reta, omaepɨ̈ro pegüi vae reta, pembotavɨ vae reta, pereröɨro vae reta jare perovapete vae reta.

2 Corintios 11:26

Jeta yae aguata opaete kerupi; mbovɨ ye ɨ chereraja seri. Imonda vae reta chepïaro. Cherëtaɨgua reta chepïaro jare vi judiombae vae reta. Amano seri tëta guasu reta pe, ñuu rupi, ɨguasu rupi jare oporogüɨrovia raanga vae reta.

2 Corintios 3:17

Jare yandeYa jae ko Espíritu. Jókuae yandeYa iEspíritu oïa pe, oime yeyora.

Gálatas 1:7

Ërei mbaetɨ ko ïru ñee ikavi vae. Jaeño oime amogüe pembojopa vae. Echa jae reta güɨrova ñee ikavi vae Cristo regua.

Gálatas 4:25

Echa kuae Agar oyembojaanga ɨvɨtɨ Sinaí Arabia pegua re, jare oyembojaanga vi tëta guasu Jerusalén añave pegua re. Echa jókuae tëta guasu jare ipo reta tembiokuai reta ko.

Gálatas 4:3

Jökoraiño vi yande tenonde yave mboromboe ɨvɨ pegua güɨnoi vi mbaepuere yanderé. Echa jayave yaikose michia rami.

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

Gálatas 5:10

YandeYa jee re, che arovia ko pe reta ngaraa peyemongeta peipoepɨ; ërei kia nunga pembojopa vae Tumpa oiporaraukata ko chupe.

2 Timoteo 3:6

Jókuae nunga reta ko oike o reta rupi jare ombotavɨ kuña reta iyoa yae vae, oyererajauka oipotagüe ipɨa jemimbota pe,

Santiago 1:25

Ërei kia nunga vae omae kavi mborookuai ikavi yae vae jare oporoyora vae re vae jare oiko jókuae rupi, mbaetɨ iñakañɨ ngatu oyapo vaerä mborookuai jei vae yave, oyerovia ko jókuae oyapogüe re.

1 Pedro 2:16

Agüɨye peiko oyepɨɨgüe rami, ërei yeyora pe peï agüɨye peiporu ikavimbae vae peyapo vaerä, jaeño Tumpa pe peyeokuai.

2 Pedro 2:19

Jókuae reta güɨrökuavee chupe reta yeyora, ërei jae reta etei ikavimbae vae jembiokuai reta ko. Echa mbaepuere güɨnoi yanderé vae ñanerenoi ipo igüɨ pe.

1 Juan 4:1

Cherɨvɨ aaɨu vae reta, agüɨye perovia opaete espíritu re, jaeño pejäa Tumpa pegua ra, echa kuae ɨvɨ pe jeta oë ñeemombeúa jaanga reta.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.