Gálatas 2:21 - Biblia Guarani Tumpa Iñee

²¹ Mbaetɨ aröɨro Tumpa ipɨakavi; echa mborookuai jei vae rupi yandepuere yayembojupi yave, Cristo omanoiñota ma ko.

Nuevo Testamento Guaraní Pe

²¹ Mbaeti aroɨro Tumpa ipɨacavi. Echa mboroócuai jeigüe re yayapo vae rupi ñandepuere ñañembojupi yave mona, Cristo omanoiñota tei.

Gálatas 2:21 ပူးပေါင်းရင်းမြစ်များ

SALMOS 33:10

YandeYa güɨrokomegua tëtaguasu reta oyemongeta tëi oyapo vaerä vae, güɨrokomegua tëta reta iyemongeta,

ISAÍAS 49:4

Che ko jae tëi: “Aparavɨkɨ mbateeiño ma, ayembokangɨ mbateeiño ma.” Ërei, cheYa ipo pe ko oï cherekove, jae ko omboekoviata cheve cheparavɨkɨ.

JEREMÍAS 8:8

¿Kërai pa pepuere pere peyeupe: Yandearakuaa yae ko, oime ñanoi yandeYa iporookuai reta? ¡Ërei mborookuai re oporomboe vae reta güɨrova ko jókuae mborookuai reta apu pe!

San Marcos 7:9

Jare Jesús jei vi chupe reta: —Peeya ko Tumpa iporookuai, peyapo vaerä peñemuñagüe reta jeko.

Romanos 10:3

Echa mbaetɨ oecha reta Tumpa iporombojupi, oeka reta kërai jae aeño oyembojupi vaerä. Mbaetɨ oyeko reta Tumpa iporombojupi re.

Romanos 11:6

Tumpa ipɨakavi rupi oiparavo reta yave, jayave mbaetɨ ma ko jembiapo reta rupi. Echa oiparavo yave mona jembiapo reta rupi, Tumpa ipɨakavi mbɨakaviä ma ko.

Romanos 4:25

echa jae oñemee omano vaerä yandeyoa reta re jare oikove ye yandembojupi vaerä.

Romanos 8:31

¿Mbae pa yaeta jayave kuae re? Echa Tumpa ko yandemborɨ vae, jayave ¿kia pa ñanemoamɨrita?

1 Corintios 15:14

Jare Cristo mbaetɨ ko oikove ye yave, romoërakuaiño ma ko, jare peporogüɨroviaiño ma vi ko.

1 Corintios 15:17

jare Cristo mbaetɨ ko oikove ye yave, peporogüɨroviaiño ma ko; jare jekuaeño ko peiko peyoa reta pe.

1 Corintios 15:2

jese vi peyemboasauka pepɨ̈rata yave jókuae ñee amoërakua peve vae re, añetete peporogüɨrovia yave.

Gálatas 2:16

yaikuaa ko ngaraa kia ipuere oyembojupiuka mborookuai jei vae oyapo vae rupi. Jaeño ipuere oyembojupiuka güɨrovia yave Jesucristo re. Jáeramo yande vi yarovia ma Jesucristo re yayembojupiuka vaerä mborogüɨrovia rupi Cristo re, mbaetɨ ko mborookuai jei vae yayapo vae rupi, echa jókuae rupi ngaraa kia ave oyembojupiuka.

Gálatas 2:18

Echa amopüa ye yave jókuae amboaigüe, ayemboeko ko.

Gálatas 3:21

Jayave, ¿oyovaicho ra mborookuai Tumpa iñererökuavee kotɨ? ¡Mbaetɨ ko! Echa mborookuai omee yave mona tekove, añetete ko mborookuai oporombojupita tëi.

Hebreos 7:11

Oime yave mona yembojupi sacerdote levita reta rupi (echa jae reta omboresive mborookuai jeta vae reta peguarä), mbaetɨ ma oata ïru sacerdote Melquisedec rami vae, Aarón iñemuña peguambae vae.