Gálatas 2:2 - Biblia Guarani Tumpa Iñee

² Aja, Tumpa oechauka cheve ramo, jare amombeu kavi chupe reta jókuae ñee ikavi vae amoërakua judiombae vae reta pe vae. Ërei chemiari tenondegua reta peño oikuaa kavi reta vaerä, aipotaä ramo cheparavɨkɨ okañɨtei.

Nuevo Testamento Guaraní Pe

² Jare aja Tumpa oicuauca cheve aja vaera rambue, jare amombeu cavi chupe reta jocuae ñee icavi vae amombeu judío mbae vae reta pe vae. Erei amombeu rani itenondegua reta peño. Echa aipota añomomiari cavi jae reta ndive, jae reta oicuaa cavi vaera jocuae jecuaeño amombeu vae.

Gálatas 2:2 ပူးပေါင်းရင်းမြစ်များ

ECLESIASTÉS 10:1

Mberu omanogüe omoine mbae ikäti kavi yae vae. Jökorai ko, mbae michi vae rupi oñererokomegua iyarakuaa vae jare imboetea yae vae.

San Mateo 10:16

Mase, ko che pomondo vecha reta rami aguarayaɨmba reta ipɨte rupi. Jáeramo, peyeandu avei mboi rami. Jaeramiño vi, pɨkasu rami peñeraä.

Hechos 15:12

Jayave opaete yatɨ vae reta kïrii, jare oyeapɨsaka Bernabé jare Pablo jei vae re. Jae reta imiari chupe reta opaete mɨakañɨ reta tuichagüe Tumpa oyapo jae reta rupi judiombae vae reta ipɨte rupi vae.

Hechos 15:2

Pablo jare Bernabé täta oyoaka jae reta ndive. Jayave oporogüɨrovia vae reta oiparavo Pablo jare Bernabé jare ïru vae reta jae reta ipɨte güi, yogüɨraja vaerä Jerusalén pe imiari kuae re temimondo reta jare oporogüɨrovia vae reta itenondegua reta ndive.

Hechos 15:4

Jare yogüɨraja oväe yave Jerusalén pe, temimondo reta jare opaete oporogüɨrovia vae reta itenondegua reta ndive omboresive kavi reta. Jare Pablo jare Bernabé imiari chupe reta opaete Tumpa oyapo mbaembae jae reta ndive vae.

Hechos 18:9

Jare yandeYa jei Pablo pe pɨ̈tu yave ike pe: “Agüɨye ekɨɨye. Nemiari jare agüɨye nekïrii.

Hechos 23:11

Jare pɨareve pe pɨ̈tu yave yandeYa oyekuaa Pablo pe jare jei chupe: “Eñemoäta ngatu, Pablo. Chemombeu Jerusalén pe rami, nemiarita vi cheregua Roma pe.”

Hechos 5:34

Ërei opüa metei fariseo Gamaliel jee reta ipɨte pe. Jae ko metei mborookuai re oikuaa yae vae, jare opaete vae reta omboete yae vae. Jae oyókuai güɨnoe vaerä ikatu pe michi pegua temimondo reta,

Romanos 9:16

Jáeramo, mbaetɨ yande yaipota vae ani ayemoambeko vae rupi, jaeño Tumpa iporoparareko rupi.

1 Corintios 1:23

ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere.

1 Corintios 2:2

Echa pepɨte pe aï ramboeve, añeñono mbaetɨ oikuaa vaerä ïru mbae re jaeño amombeu vaerä peve Jesucristo kërai omano kurusu re vae regua.

1 Corintios 9:24

¿Mbaetɨ pa peikuaa oñoñókuai vae reta osɨi opareve, ërei meteiño omongana vae? Pesɨi pemongana regua.

1 Corintios 9:26

Jáeramo che asɨi jökorai, mbaetɨ asɨi osɨiño vae rami. Añeraro, mbaetɨ omomboiño iyɨva vae rami.

2 Corintios 12:1

Mbaetɨta jaekavi ayembotuicha vaerä che aeño, ërei tamombeu peve kërai yandeYa oechauka jare oikuaauka cheve vae.

Gálatas 1:12

Echa mbaetɨ amboresive ani aikuaa kia nunga kuimbae güi, jaeño Jesucristo oechauka cheve.

Gálatas 1:16

oikuaauka cheve Taɨ, che amoërakua vaerä judiombae vae reta pe. Kuae oyeapo yave, mbaetɨ aparandu jese kia pe;

Gálatas 1:6

Chepɨakañɨ yae kërai ɨmambae yae peyembosɨrɨ Tumpa peparavo Cristo ipɨakavi rupi vae güi, perovia vaerä mboromboe ambuaeyee vae re.

Gálatas 2:6

Ërei jókuae tenondegua reta mbaetɨ etei omombeu mbae ipɨau vae cheve (mbaetɨ mbae cheve tenonde güive ma yogüɨreko reta vae, echa Tumpa mbaetɨ ko oporomboyoavɨ).

Gálatas 2:9

Jáeramo oporogüɨrovia vae reta itenondegua Jacobo, Cefas jare Juan oikuaa reta kërai Tumpa ko omee cheve kuae mbaravɨkɨ. Jare oechauka vaerä ore ko jae jae reta iñeïru vae, orepopɨɨ che jare Bernabé; rojo vaerä judiombae vae reta pɨri jare jae reta yogüɨraja vaerä judío reta pɨri.

Gálatas 5:7

Ikavi yae peguata tëi. ¿Kia pa oeyauka peve añete vae?

Filipenses 2:16

peiko reve ñee tekove opambae vae re, ayerovia vaerä Cristo ou ye yave, kërai che mbaetɨ aguataiño ani aparavɨkɨiño.

Filipenses 2:29

Pemboresive kavi yandeYa re peyerovia reve. Jekuaeño peaɨu jae rami vae reta,

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.

2 Timoteo 4:7

Opa amboapɨ ñoraro, amboapɨ ñoñókuai, mbaetɨ aeya cheporogüɨrovia.

Hebreos 12:1

Jáeramo, ñanoi ko jeta yae omae yanderé vae yandeɨ́vɨri rupi, Jáeramo yamombo yandeyeugüi opaete yandemboavai vae jare yandeyoa, jare ñañoñókuai yandepɨa guasu reve yanderenonde kotɨ ñoñókuai ñanoi vae.