Gálatas 2:19 - Biblia Guarani Tumpa Iñee

¹⁹ Mborookuai rupi ko che amano, mborookuai peguarä, aikove vaerä Tumpa peguarä.

Nuevo Testamento Guaraní Pe

¹⁹ Mboroócuai jeigüe rupi amano ma co. Jae rambue añave che co jae metei omano ma mboroócuai cotɨ vae rami. Jare jae rambue añave chepuere ayeócuai Tumpa pe.

Gálatas 2:19 ပူးပေါင်းရင်းမြစ်များ

Romanos 4:15

Echa mborookuai rupi oime arasɨ; ërei mbaetɨ mborookuaía pe, mbaetɨ vi kia oyavɨ.

Romanos 5:20

Echa mborookuai oyeapo, mbaeyoa omboyekuaa kavi yae vaerä. Ërei mbaeyoa reta jeta yae oyekuaa yave, oasa ete ye Tumpa ipɨakavi.

Romanos 6:11

Jaeramiño vi pe reta, perovia vi pemano ma ko mbaeyoa güi, ërei peikove ko Tumpa peguarä yandeYa Cristo Jesús rupi.

Romanos 6:14

Jökorai mbaeyoa ngaraa ma güɨnoi mbaepuere peré. Echa mbaetɨ peï mborookuai igüɨ pe, peï ma ko Tumpa ipɨakavi igüɨ pe.

Romanos 6:2

¡Mbaetɨ ko! Echa yande ñamano ma mbaeyoa güi vae, ¿këraita pa jekuaeño yaiko mbaeyoa pe?,

Romanos 7:14

Echa yaikuaa mborookuai espíritu pegua ko; ërei che aiko soo jemimbota reño, añemee mbaeyoa pe.

Romanos 7:4

Jaeramiño vi, pe cherɨvɨ reta, pemano ko mborookuai güi Cristo imano rupi, peiko vaerä Cristo oikove ye omanogüe reta ipɨte güi vae re, peyapo vaerä ikavi vae Tumpa peguarä.

Romanos 8:2

Echa mborookuai tekove pegua Espíritu Santo omee Cristo Jesús rupi vae, cheyora ma mbaeyoa imbaepuere güi jare mano güi.

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

1 Corintios 9:20

Judío reta pɨri aï yave aiko judío rami, judío reta güɨrovia vaerä Cristo re. Mborookuai jei vae oyapo vae reta ndive aï yave, che aiko vi metei mborookuai jei vae oyapo rami (yepe tëi mbaetɨ oiko mborookuai jei vae re), güɨrovia reta vaerä Cristo re.

2 Corintios 5:15

Omano opaete vae re, oikoveño vae reta agüɨye vaerä ma yogüɨreko iyeupeguarä aeño, jaeño yogüɨreko vaerä jókuae omano jare oikove ye jese reta vae peguarä.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Gálatas 3:10

Echa opaete oyeko oyembojupi vaerä mborookuai jei vae rupi vae reta, ñogüɨnoi ko yepopeyu igüɨ pe. Echa oyekuatía oï körai: “Tijeko opaete mbaetɨ omboete ani mbaetɨ oyapo kuae mborookuai reta jeigüe vae.”

Gálatas 3:24

Jáeramo mborookuai yandeangarekoa rami ko, yandereraja vaerä Cristo pe, yandembojupi vaerä mborogüɨrovia rupi.

Gálatas 6:14

Ërei yandeYa Jesucristo ikurusu reño ayemboeteta. Jesucristo re arovia ramo, chevegua ɨvɨ pegua teko omano, jare chupegua che amano vi.

Colosenses 2:20

Pe reta pemano ko Cristo ndive mboromboe ɨvɨ pegua reta güi. Jáeramo ¿maera pa jekuaeño peiko jare peyapo ɨvɨ pegua mborookuai reta?

Colosenses 3:3

Echa pemano ma ko, jare perekove oime ma oï Cristo ndive Tumpa re.

1 Tesalonicenses 5:10

echa jae omano yanderé, yaiko vaerä jae ndive yaikoveño ñaï yave ani ñamano yave.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 4:6

echa jáeramo oñemoërakua vi ñee ikavi vae omano vae reta pe, ipuere vaerä oikove reta espíritu rupi Tumpa pe, yepe tëi oñejäa reta kuae ɨvɨ pe yogüɨreko ramboeve.