Gálatas 2:18 - Biblia Guarani Tumpa Iñee

¹⁸ Echa amopüa ye yave jókuae amboaigüe, ayemboeko ko.

Nuevo Testamento Guaraní Pe

¹⁸ Echa aipota yave ayapo ye jocuae amboaigüe vae, añete co che ayeapo mbaeyoa peguara.

Gálatas 2:18 ပူးပေါင်းရင်းမြစ်များ

Romanos 14:15

Ërei rembopɨatɨtɨ ïru oporogüɨrovia vae reu vae rupi yave, mbaetɨ ko reporoaɨu. Agüɨye nderembíu jeko pegua tokañɨtei jókuae Cristo omano jese vae.

Romanos 2:25

Reyembocircuncidauka vae jaekavi ko, Moisés iporookuai jei vae reyapo yave. Ërei mbaetɨ reyapo mborookuai jei vae yave, reyembocircuncidaukambae rami ko.

Romanos 3:5

Jupimbae yayapo vae omboyekuaa kavi Tumpa jupi ko vae, ¿mbae pa yaeta? ¿Jáeramo Tumpa oiporarauka yave, jupimbae vae ra oyapo? (Kuimbae reta ramiño chemiari aï.)

Gálatas 2:21

Mbaetɨ aröɨro Tumpa ipɨakavi; echa mborookuai jei vae rupi yandepuere yayembojupi yave, Cristo omanoiñota ma ko.

Gálatas 5:11

Cherɨvɨ reta, che amoërakua yae circuncisión, ngaraa tëi ko chemotareɨ vae. Jare ngaraa tëi kia chereröɨro Cristo ikurusu regua amoërakua vae re.