Gálatas 2:16 - Biblia Guarani Tumpa Iñee

¹⁶ yaikuaa ko ngaraa kia ipuere oyembojupiuka mborookuai jei vae oyapo vae rupi. Jaeño ipuere oyembojupiuka güɨrovia yave Jesucristo re. Jáeramo yande vi yarovia ma Jesucristo re yayembojupiuka vaerä mborogüɨrovia rupi Cristo re, mbaetɨ ko mborookuai jei vae yayapo vae rupi, echa jókuae rupi ngaraa kia ave oyembojupiuka.

Nuevo Testamento Guaraní Pe

¹⁶ roicuaa ngaraa quia ipuere oñembojupiuca mboroócuai jeigüe re oyapo vae rupi. Jaeño ipuere oñembojupiuca güɨrovia yave Jesucristo re. Jae rambue ore vi rogüɨrovia ma Jesucristo re roñembojupiuca vaera mborogüɨrovia Cristo re rogüɨnoi vae rupi, mbaeti mboroócuai jeigüe re royapo vae rupi. Echa ngaraa quia oñembojupiuca mboroócuai jeigüe re oyapo vae rupi.

Gálatas 2:16 ပူးပေါင်းရင်းမြစ်များ

JOB 25:4

¿Kërai pa kuimbae ipuere oyembojupi Tumpa peguarä? ¿Këraita pa kuimbae oyetɨo opɨta jekombae Tumpa jóvai?

JOB 9:29

Che ko jae iyoa vae, ¿maera pa ayemoambekoiñota?

SALMOS 143:2

Agüɨye chejäa cheYa, echa mbaetɨ eteita ko kia oyembojupi nderóvai.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

Hechos 4:12

Mbaetɨ yé kia re yandepuere yayemboasauka. Echa mbaetɨ oñemee ɨvɨ pegua reta pe ïru kia, jese yayemboasauka vaerä.

Romanos 1:17

Echa ñee ikavi vae omombeu yandeve kërai Tumpa yandembojupi ko yarovia yave. Echa Tumpa Iñee pe oyekuatía oï körai: “Tumpa ombojupi vae güɨnoita tekove oporogüɨrovia ramo.”

Romanos 3:30

Echa Tumpa meteiño ko; jae ombojupita oyembocircuncidauka vae reta iporogüɨrovia rupi. Jökoraiño vi ombojupita oyembocircuncidaukambae vae reta iporogüɨrovia rupi.

Romanos 4:2

Echa Abraham oyembojupi yave mona oyapogüe rupi, oyemboeteta tëi ko. Ërei mbaeä eteita Tumpa jóvai.

Romanos 4:24

oyekuatía vi yanderé, echa yandeporogüɨrovia rupi Tumpa omae vi yanderé jupi; kuae ko, yarovia Tumpa omoingove ye yandeYa Jesús omanogüe reta ipɨte güi vae re vae;

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

Romanos 9:30

¿Mbae pa yaeta? Kërai judiombae vae reta, mbaetɨ yepi oeka oyembojupiuka vaerä vae, añave oyembojupiuka ma ko mborogüɨrovia rupi;

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

Gálatas 4:5

jae oepɨ vaerä mborookuai imbaepuere igüɨ pe ñogüɨnoi vae, yaiko vaerä Tumpa taɨ retarä.

Gálatas 5:4

Cristo güi ko peyembosɨrɨ, pe mborookuai jei vae peyapo vae rupi peipota peyembojupi vae reta. Tumpa ipɨakavi güi ko pesɨrɨ.

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

1 Juan 1:7

Ërei yaiko yave tembipe pe, Tumpa oiko tembipe rami, ñañemoïru ko oyoupi, jare Taɨ Jesucristo jugüɨ yandeyoe opaete mbaeyoa güi.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.

Apocalipsis 7:9

Kuae jaɨkue rupi amae jare aecha jeta yeyé vae opaete tëtaguasu reta güi, ñemuña reta, ñee ambuae mbuae, tëta reta yaipapa rapeä vae oyemboɨ ñogüɨnoi jókuae mburuvicha iguapɨa jare Vecha kuimbae taɨrusu vae jóvai. Jae reta jemimonde tïi jare ipo pe güɨnoi karandaɨ jogüe.