Gálatas 2:12 - Biblia Guarani Tumpa Iñee

¹² Echa amogüe judío reta Jacobo jemimbou reta ndei yogüeru mbove, Pedro okaruñoi judiombae vae reta ndive. Ërei yogüeru ma yave, Pedro mbaetɨ ma okaru judiombae vae reta ndive, jare oyembosɨrɨ chugüi reta, echa okɨɨye judío reta güi.

Nuevo Testamento Guaraní Pe

¹² Echa ndei amogüe judío reta Jacobo güi yogüeru mbove, Pedro ocaruñoi judío mbae vae reta ndive. Erei yogüeru ma yave, Pedro mbaeti ma ocaru judío mbae vae reta ndive, jare mbaeti ma opou ipɨri. Echa oquɨye judío reta güi.

Gálatas 2:12 ပူးပေါင်းရင်းမြစ်များ

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

ISAÍAS 57:11

¿Kia pa jókuae tumpa-raanga reta reipoɨu chugüi jare remboete vae, jupimbae reiko vaerä cheve? Mbaetɨ kërai ave nemaendúa cheré; nde mbaetɨ chemboete yave, kïriiño apɨta iyɨpɨ güive jare mbaetɨi reipoɨu chegüi.

ISAÍAS 65:5

Jei reta: ‘Joko peño, agüɨye cheavɨkɨ, oñeñono tee kavi yae vae ko, che ndegüi.’ Jókuae nunga reta, tätati omboasɨ cheresa vae rami ko, tata ikaaru jendɨ yave vae rami ko.

San Lucas 15:2

Jayave fariseo reta jare mborookuai re oporomboe vae reta iñeenguru jese, jei reta: —Kuae kuimbae oñemoïru jeko kavimbae vae reta ndive, jare okaru jae reta ndive.

San Lucas 5:38

Jáeramo yamboɨru vino ipɨau vae jɨru ipɨau vae pe. Echa jökorai yayapo yave, vino jɨru mbaetɨ osoro jare vino mbaetɨ oyepɨyere.

Hechos 10:28

Jayave Pedro jei chupe reta: —Pe reta peikuaa kavi ko kërai pɨ̈chɨi yae ko metei judío oñemoïru vaerä ani oyea vaerä ketɨgua ndive. Ërei Tumpa oechauka cheve agüɨye vaerä jae kia pe ave ikɨa ko Tumpa jóvai vae.

Hechos 12:17

Ërei Pedro omopüa ipo omokïrii reta vaerä, jare imiari chupe reta kërai yandeYa güɨnoe tembipɨɨrɨru güi vae, jei: —Peikuaauka kuae, Jacobo jare ïru oporogüɨrovia vae reta pe. Jayave oë joko güi ojo ïkotɨa.

Gálatas 2:14

Jáeramo aecha yave mbaetɨ oyapo jupi rupi ñee ikavi vae jei vae rami, jae Pedro pe opaete vae jovake: “Nde ko judío, ërei reiko judiombae vae reta yogüɨreko rami, mbaetɨ reiko judío rami. Jáeramo, ¿maera pa reipota judiombae vae reta yogüɨreko judío reta rami?”

Gálatas 2:9

Jáeramo oporogüɨrovia vae reta itenondegua Jacobo, Cefas jare Juan oikuaa reta kërai Tumpa ko omee cheve kuae mbaravɨkɨ. Jare oechauka vaerä ore ko jae jae reta iñeïru vae, orepopɨɨ che jare Bernabé; rojo vaerä judiombae vae reta pɨri jare jae reta yogüɨraja vaerä judío reta pɨri.

Efesios 2:15

omboai jete pe ñomotareɨ reta, omboai mborookuai jei vae reta, judío reta jare judiombae vae reta güi oyapo metei tëta ipɨau vae imbaerä; jökorai omee mbɨakatu chupe reta,

Efesios 3:6

Kërai judiombae reta güɨnoi vi judío reta ndive imbaerä vae, jare meteiño jete, jare mókoi reve güɨnoi retata Tumpa güɨrökuavee Cristo Jesús re, ñee ikavi vae rupi vae.

1 Tesalonicenses 5:22

Peyembosɨrɨ opaete mbae ikavimbae vae güi.