Gálatas 1:22 - Biblia Guarani Tumpa Iñee

²² ërei Cristo re oporogüɨrovia vae reta Judea pegua mbaetɨ chekuaa reta.

Nuevo Testamento Guaraní Pe

²² Jare Cristo re güɨrovia vae Judea pe oñemboatɨatɨ vae reta mbaeti checuaa, mbaeti cherecha rambue.

Gálatas 1:22 ပူးပေါင်းရင်းမြစ်များ

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Romanos 16:10

Tamaraeme vi Apeles. Iporogüɨrovia Cristo re oyekuaa ikavi vae. Tamaraeme toñogüɨnoi Aristóbulo jo pegua reta.

Romanos 16:3

Pemee tamaraeme Priscila jare Aquila. Cristo Jesús iparavɨkɨ pe chemborɨ vae reta;

Romanos 16:7

Jaeramiño vi tamaraeme toï Andrónico jare Junias. Jae reta ko cherëtaɨgua reta, yogüɨrekose tembipɨɨrɨru pe che ndive vae. Imboetea yae temimondo reta ipɨte pe vae, jae reta ko güɨrovia Cristo re ndei che arovia mbove vae reta.

Romanos 16:9

Jaeramiño vi tamaraeme toï Urbano. Cristo Jesús iparavɨkɨ pe oremborɨ vae. Jare vi cherɨvɨ Estaquis.

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 7:17

Ërei metei ñavo toiko yandeYa omee chupe vae rupi. Metei ñavo toiko Tumpa oenɨi oyemboasauka vaerä yave oiko rami. Jare jökorai ayókuai opaete oporogüɨrovia vae reta.

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

1 Tesalonicenses 1:1

Che Pablo, Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta pe. Pe reta peï yandeRu Tumpa jare yandeYa Jesucristo re vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

1 Tesalonicenses 2:14

Echa pe cherɨvɨ reta, peiko ma oporogüɨrovia vae reta Judea pegua reta rami, echa peiporara ma perëtaɨgua reta güi, jae reta oiporara jëtaɨgua reta güi rami,

2 Tesalonicenses 1:1

Che Pablo. Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta, peï yandeRu Tumpa jare yandeYa Jesucristo re vae pe.