Filipenses 4:6 - Biblia Guarani Tumpa Iñee

⁶ Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

Nuevo Testamento Guaraní Pe

⁶ Agüɨye etei peñemambeco oipotagüe re. Erei jecuaeño peyerure Tumpa pe opaete mbaembae re yasoropai Tumpa pe pemee reve, jare corai pemombeu Tumpa pe mbae peipota vae.

Filipenses 4:6 ပူးပေါင်းရင်းမြစ်များ

1 REYES 8:28

Ërei jeseve, reenduta kuae nderembiokuai iyerure jare iporomoñera chupe; cheYa Tumpa, eendu nderembiokuai isapúkai jare iyerure, añave oyapo oï nderóvai vae;

2 CRÓNICAS 32:20

Ërei ngatu mburuvicha guasu Ezequías jare ñeemombeúa Isaías, Amoz taɨ oyerure reta kuae re, jare oeka reta yemborɨ Tumpa pe.

SALMOS 51:15

CheYa, eipea cheyuru, jare tatairari toromboete.

SALMOS 55:17

Kaaru yave jare ndeimbove yave, jare kuaraɨ ara mbɨte pe chepɨatɨtɨ yae reve ayerure, jare jae oenduta cheve.

SALMOS 55:22

Eeya ndeyemoambeko yandeYa pe, jae neñono kavita; jae ngaraa omaeño ogüɨapi kuimbae jupi vae.

SALMOS 62:8

¡Cherëtaɨgua reta! Jeseño peyeko; pemee pepɨa chupe, Tumpa jae ko yandeveguarä ñaneñemía.

PROVERBIOS 15:8

Ikaviä yae ko yandeYa pe, iyoa vae reta omee mɨmba oyeyukagüe chupe yave, ërei omboyerovia, jupi vae reta iyerure.

PROVERBIOS 16:3

Opaete mbae reyapota vae, eñono yandeYa ipo pe, jayave, oë kavita ndeve opaete ndeyemongeta reta.

CANTARES 2:14

Chepɨkasu kavi, ɨ̈vavira rupi oyemboaitɨ vae, ɨvate oyekaa rupi oiko vae, emaeño taecha nderova, emaeño taendu neñee. ¡Echa neñee ipöra yae ko! Jare ¡nepöra yae ko!”

JEREMÍAS 32:16

Amee güire tupapire mbaegua regua Baruc, Nerías taɨ pe, ayerure yandeYa pe körai:

JEREMÍAS 33:3

Eyerure cheve jare aenduta ndeve, amombeuta ndeve mbae tuicha vae jare oñemi oï ndegüi vae, nde reikuaambae vae.

DANIEL 3:16

Jayave Sadrac, Mesac jare Abed-nego jei mburuvicha guasu Nabucodonosor pe: —Mbaetɨta mbae roe ndeve kuae teko re.

DANIEL 6:10

Daniel oikuaa mburuvicha guasu oikuatía ko jee mborookuai re yave, oike jo pe jare oipea iventana Jerusalén kotɨ omae oï vae jare oyetavatɨka oyerure mboapɨ ye ara pe omee reve yasoropai Tumpa pe, oyapoñoi oiko rami.

San Mateo 10:19

Ërei jae reta pemee yave, agüɨye peyemoambeko mbae ra ani kërai ra pereta mburuvicha reta pe vae re. Echa pemiarita yave oñemeeta peve mbae pere vaerä.

San Mateo 13:22

Jökorai vi jókuae temitɨ oa yuu pɨte rupi vae oyembojaanga Tumpa iñee oendu vae re. Ërei omboɨpɨ oyemoambeko ɨvɨ pegua mbaembae re, jare oyembotavɨ, oipota oikokatu jeko pegua, jare omoakañɨ ye Tumpa iñee güi. Jáeramo jae reta jókuae temitɨ iambae vae rami ko.

San Mateo 6:34

Jáeramo agüɨye peyemoambeko pɨareve peguarä vae re. Echa pɨareve pe oime yeta mbae pemoambeko vaerä. Ara ñavo oime mbaembae pemoambeko vaerä.

San Mateo 6:8

Jáeramo, agüɨye peyerure jae reta rami. Echa peRu oikuaa mbae oata peve vae, ndei peiporu chupe mbove.

San Lucas 10:41

Jayave yandeYa jei chupe: —Marta, Marta, reyemoambeko yae opaño mbaembae re.

San Lucas 12:22

Javoi Jesús jei jemimboe reta pe: “Jáeramo che jae peve, agüɨye peyemoambeko peyé, perembiurä vae re ani temimonde re.

San Lucas 12:29

Agüɨye peyemoambeko yae mbae ra peuta vae re, ani ïru mbaembae re.

San Lucas 18:1

Jare Jesús imiari ye jemimboe reta pe ombojaanga reve. Omboe vaerä kërai ikavi ko oyerure avei vaerä Tumpa pe jare agüɨye vaerä ikuérai.

San Lucas 18:7

Ërei Tumpa, ¿Ngaraa pa oepɨ jembiparavo reta ara rupi jare pɨ̈tu rupi oyerure chupe vae? ¿Ipɨaguasuta ra oepɨ vaerä?

1 Corintios 7:21

Tumpa oenɨi oyemboasauka vaerä metei tembiokuai yave, agüɨye tipɨatɨtɨ jókuae re. Ërei ipuere oyeyora iya güi yave, jaekavi ko oyapo vaerä.

1 Corintios 7:32

Aipotaecha viña mbaembae pemoambeko vaerä. Echa kuimbae jaegüɨrai vae oyemoambeko yandeYa iparavɨkɨ re, ombopɨakatu vaerä yandeYa.

2 Corintios 1:11

pe reta oremborɨ peyerure oreré vae rupi. Jökorai jeta vae reta iyerure rupi oñemee oreve Tumpa ipɨakavi. Jare jeta vae omee yasoropai Tumpa pe.

Efesios 5:20

Pemee avei yasoropai opaete mbae re yandeRu Tumpa pe, yandeYa Jesucristo jee re.

Efesios 6:18

Peyerure avei, pemoñera Tumpa Espíritu rupi. Peyerure avei agüɨye vaerä pekuérai. Jekuaeño peyerure Tumpa pe opaete oporogüɨrovia vae reta re;

Colosenses 3:15

Jare Tumpa ipɨakatu toiko pepɨa pe, echa jaerä Tumpa peparavo peiko vaerä metei jeteño; pemee avei yasoropai Tumpa pe.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

Colosenses 4:2

Jekuaeño peyerure avei. Peyerure avei pemee reve yasoropai Tumpa pe.

1 Timoteo 2:1

Tenonde ete poyókuai peyerure vaerä pemoñera reve, peiporu jare pemee reve yasoropai Tumpa pe opaete vae reta re;

1 Timoteo 5:5

Ërei añetete imemano vae, mbaetɨ etei kia chupe vae, oäro Tumpa reño, oyerure avei ara rupi jare pɨ̈tu rupi.

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

1 Pedro 5:7

Peeya Tumpa pe opaete peyemoambeko jese vae, echa jae oyangareko oï peré.

1 SAMUEL 1:15

Jare Ana jei chupe: —Mbaetɨ ko jökorai cheru. Che jae ko metei kuña oiporara yae oiko vae; mbaetɨ jau vino ani mbae oporombosavaɨpo vae ave, yandeYa jóvai ko aru amboyekuaa chepɨatɨtɨ.

1 SAMUEL 30:6

Jare David ipɨatɨtɨ yae, echa jupiegua kuimbae reta iyarasɨ yae ikotɨ jare oipota oyapi reta ita pe, opa ramo taɨ reta, tayɨ reta oyererajauka tembipɨɨrä. Ërei David oyeko iYa Tumpa re.

1 SAMUEL 7:12

Javoi Samuel oipɨɨ metei ita jare oñono Mizpa jare tëta Sen jee vae ipäu pe, jare ombojee Eben-ezer, jei reve: “Kuae ara jekuaeñoi yandeYa yandemborɨ.”