Filipenses 4:5 - Biblia Guarani Tumpa Iñee

⁵ Pepɨakavi toikuaa opaete vae. YandeYa ou yeta ete ma ko.

Nuevo Testamento Guaraní Pe

⁵ Opaete vae toicuaa quirai pe reta pepɨacavi co. ÑandeYa ou seri ye ma co.

Filipenses 4:5 ပူးပေါင်းရင်းမြစ်များ

San Mateo 6:25

Jáeramo che jae peve, agüɨye peyemoambeko peyé. Agüɨye peyemoambeko tembíu re, ani temimonde re. ¿Tekoveä pa ikavi yae tembíu güi, ani yanderete temimonde güi?

San Mateo 6:34

Jáeramo agüɨye peyemoambeko pɨareve peguarä vae re. Echa pɨareve pe oime yeta mbae pemoambeko vaerä. Ara ñavo oime mbaembae pemoambeko vaerä.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

1 Corintios 16:22

Kia mbaetɨ oaɨu yandeYa Jesucristo vae, Tumpa toiporarauka chupe. ¡Eyu oreYa!

1 Corintios 6:7

Echa jökorai peñeapo oyoe yave, tuicha ko peyavɨ. Agüɨye peñeapo oyoe, yepe tëi ïru vae oyapo ikavimbae vae peve ani pembotavɨ.

1 Corintios 8:13

Jayave, mbae jau vae rupi oporogüɨrovia vae ambogüɨapiuka yave, soo ave ngaraa etei jau, agüɨye vaerä ambogüɨapi ïru oporogüɨrovia vae.

1 Corintios 9:25

Opaete oipota oporomoamɨri vae reta oyekuaku ko opaete mbaembae güi. Jae reta omongana imbaerä oikomegua vae. Ërei yande ñanoita mbae oikomeguambae.

2 Corintios 10:1

Che Pablo, pomoñera Cristo iñemomichi jare iporoaɨu rupi. Che aï pépɨri yave añemomichi, ërei mbaetɨ aï pépɨri yave chemiari peve aipoɨumbae reve.

2 Tesalonicenses 2:2

agüɨye peyembotavɨuka jare peyembojopauka, oecha rami oyeapo vae reta pe, ani ñee rupi, ani tupapire ore romondogüe rami vae rupi, jei reta yandeYa iara oyearo ma.

Tito 3:2

Agüɨye tei ikavimbae vae oipotagüe vae kotɨ, agüɨye tijovaicho pota, ërei toporoaɨu, toñemomichi opaete vae ndive.

Hebreos 10:25

Agüɨye yaata yemboatɨa pe, amogüe vae reta oyepokuaa rami, jaeño yayomboarakuaa; jeiete ñañemoäta ngatu, yaikuaa jókuae ara köi yae ramo.

Hebreos 10:37

Echa Tumpa Iñee pe jei: “Echa joko ñoete ma, jókuae outa vae outa ko.

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.

1 Pedro 4:7

Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.

Apocalipsis 22:20

Kuaekuae oikuaauka vae jei: “Añete ko, ayu yeta ma ɨmambae.” ¡Amén! ¡Eyu, cheYa Jesús!

Apocalipsis 22:7

YandeYa jei: “¡Mase, ko ayu yeta ɨmambae! ¡Oyerovia ko oyapo ñee kuae tupapire pe oñemoërakua vae!”