Filipenses 4:19 - Biblia Guarani Tumpa Iñee

¹⁹ Jáeramo, cheRu Tumpa omeeta peve opaete mbaembae oata peve vae, Cristo Jesús re jeta mbaeyekou güɨnoi vae rupi.

Nuevo Testamento Guaraní Pe

¹⁹ Jare cheRu Tumpa omeeta peve opaete mbaembae icavi peve vae jeta yae güɨnoi vae güi. Echa Cristo Jesús oyapo vae jeco pegua jeta yae güɨnoi ñandeveguara.

Filipenses 4:19 ပူးပေါင်းရင်းမြစ်များ

GÉNESIS 48:15

Jare körai jei ñee kavi José kotɨ: “Tumpa, jae jemimbota rupi oguata cheramɨi Abraham jare cheru Isaac vae. Jae cheangareko aiko güive añave regua.

2 SAMUEL 22:7

Chepɨatɨtɨ yave aenɨi yandeYa, asapúkai cheTumpa pe, jare jae chereendu jo iyemboetea güi. ¡Chesapúkai ojo oväe chupe!

2 CRÓNICAS 18:13

Micaías jei chupe: —¡YandeYa jee re, jaeño cheYa jei cheve vae amombeuta! Jare ou mburuvicha guasu jóvai.

2 CRÓNICAS 31:8

Ezequías jare mburuvicha reta yogüɨraja omae jókuae oyemboatɨgüe re yave, omee reta yasoropai yandeYa pe jare opaete Israel pegua reta pe.

NEHEMÍAS 5:19

¡Agüɨye neakañɨ chegüi cheRu Tumpa! ¡Jare agüɨye vi neakañɨ opaete kuae tëta kotɨ ayapo vae güi!

NEHEMÍAS 9:15

Yɨmbɨaɨ reta yave, remee mbɨyape ara güi chupe reta, iɨuve reta yave, remee ɨ ɨ̈vavira güi chupe reta. Javoi rere chupe reta oike vaerä yogüɨreko, ɨvɨ nde reñererökuavee remee chupe reta vae pe.

SALMOS 104:24

CheYa Tumpa, ¡opa rapeä ko roipapa nderembiapo reta! Opaete jókuae reta reyapo ndearakuaa katu reve; ¡ɨvɨ tɨnɨe oï nderembiapo reta pe!

SALMOS 130:7

Nde tëta Israel, eäro yandeYa, echa jae iporoparareko jare oporoepɨ vae ko.”

SALMOS 36:8

Ipɨakatuta opɨta reta, jeta tembíu ndero pe oï vae re; nde remeeta jou ɨ ikavi yae vae,

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

DANIEL 6:22

CheTumpa ombou iaraɨgua, jae oyopia yaguapope reta iyuru, agüɨye vaerä maratu cheapo, echa jae jóvai mbaetɨ ko chereko; jare nderóvai ave mbaetɨ mbae ikavimbae ayapo mburuvicha guasu.

MIQUEAS 7:7

Ërei ngatu, che, yandeYa reño amaeta, Tumpa chereroasayepe vae reño ayekota; jókuae cheTumpa ko chereenduta.

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

San Mateo 6:32

Echa judiombae vae oyemoambeko kuae mbaembae re. Ërei peRu ara pe oï vae oikuaa ko opaete kuae mbaembae oata peve vae.

San Juan 20:17

Jayave Jesús jei chupe: —Agüɨye chepɨɨ. Echa ndei ayeupi cheRu pɨri. Ërei ekua emombeu cherɨvɨ reta pe che jae körai: “Ajata ma cheRu pɨri, jae ko peRu vi. Jae ko cheTumpa, jae ko peTumpa vi.”

San Juan 20:27

Jayave jei Tomás pe: —Emae chepo re. Eñono kuae pe nepoäka. Embou ndepo, emoinge cheɨke pe. Agüɨye eiko ndeporogüɨroviambae. ¡Eporogüɨrovia!

Romanos 1:8

Tenonde ete amee yasoropai Tumpa pe Jesucristo rupi peré, echa jërakua peporogüɨrovia opaete ɨvɨ rupi.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

Romanos 2:4

Reröɨro Tumpa ipɨakavi jare ipɨaguasu yae ndeve vae. ¿Mbaetɨ pa reikuaa ipɨakavi ko ndeve, reeya vaerä ikavimbae ndepɨa pe oï vae?

Romanos 8:18

Arovia añave yaiporara mbaembae ñaï vae mbaeä ko, jókuae yemboetea Tumpa omeeta yandeve vae güi.

Romanos 9:23

jae omoërakua vaerä iyemboetea tuicha yae vae, omboyekuaa iporoparareko rupi, jókuae omokätɨro ma iyɨpɨ güive chupe reta yemboetea peguarä vae;

2 Corintios 12:21

Güɨramoi Tumpa chemomaraita peré, güɨramoi chemboyaeoukata jeta jókuae mbaeyoa oyapo vae reta re, mbaetɨ oyerova teko pɨ̈chɨi vae güi, aguasa jare kuña pota güi ani mbɨa pota güi.

2 Corintios 4:17

Echa kuae roiporara michi peguaño vae, güeru oreve yemboetea ikavi yae vae jare opambae vae.

Efesios 1:18

Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Efesios 2:7

Kuae oyapo, oechauka vaerä ara reta taɨkuegua pe kërai tuicha yae ko ipɨakavi, jare ipɨakavi yandeve Cristo Jesús rupi.

Efesios 3:16

omee vaerä peve iyemboetea tuicha yae rupi pepɨ̈rata peporogüɨrovia pe iEspíritu rupi,

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,

Filipenses 4:7

Jare Tumpa omeeta peve ipɨakatu yandepuereä etei yaikuaa vae; jókuae mbɨakatu oñovatuta pepɨa jare peyemongeta Cristo Jesús re.

Colosenses 1:27

Echa Tumpa ikɨ̈reɨ oikuaauka chupe reta kërai kuae yaikuaambae vae iyemboetea tuicha yae judiombae vae reta peguarä vae; jae ko Cristo oiko pepɨa pe vae, jese peäro mbaemboetea vae.

Colosenses 3:16

Cristo iñee toiko avei pepɨa pe. Peyomboe jare peyomboarakuaa päve opaete arakuaa rupi. Peyerovia katu reve petairari yandeYa pe, salmo reta rupi jare tairari reta Tumpa pegua rupi.

1 Tesalonicenses 2:12

Ore poyókuai peiko vaerä Tumpa imbae reta yogüɨreko rami. Echa jae peparavo peiko vaerä iporookuaía jare iyemboetea pe.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.

Filemón 1:4

Amee yasoropai Tumpa pe chemaendúa avei reve cheyerure rupi nderé,

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.