Filipenses 4:18 - Biblia Guarani Tumpa Iñee

¹⁸ Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Nuevo Testamento Guaraní Pe

¹⁸ Erei che opaete mbaembae anoi. Jeta yae anoi. Mbaeti mbae oata cheve. Echa Epafrodito omee ma cheve pembou cheve vae. Jocuae pembou vae metei mbae icavi vae oñemee Tumpa pe vae rami co. Jocuae nunga omboyerovia Tumpa. Jae co mbae ipiche cavi vae rami.

Filipenses 4:18 ပူးပေါင်းရင်းမြစ်များ

ÉXODO 29:18

Jare opaetei eapɨ vecha kuimbae mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ipiche katu vae ko peYa peguarä; jae ko che peYa peguarä mbota oyeapɨ vae.

NÚMEROS 15:3

pemee yave mbota oyeapɨ vae yandeYa pe, mɨmba oyeyukagüe opaetei oyeapɨ vae ani mɨmba oyeyukagüe; jókuae mbota peñererökuavee pe aeño pemee vaerä vae, ani pepɨa-kɨ̈reɨ ngatu reve pemee vae, ani pearete guasu pe pemee mbota ipiche katu vae yandeYa pe vae, toro ani vecha yepe;

Hechos 10:4

Cornelio okɨɨye reve omae ngatu araɨgua re jare oparandu: “¿Mbae pa, cheYa?” Jare araɨgua jei chupe: “Tumpa oendu ndeyerure reta jare oecha mbaembae remee paravete pe vae reta vae.

Romanos 12:1

Jáeramo, cherɨvɨ reta, pomoñera Tumpa iporopareko rupi, pemee chupe perete, mɨmba oyeyukagüe Tumpa pe oñemee rami, peñeñono tee chupe, jae omboyerovia vae. Echa jupi ko körai añetete rupi pemboete vaerä Tumpa.

2 Corintios 11:8

Ïru oporogüɨrovia vae reta ko omboepɨ cheve ayeokuai vaerä peve.

2 Corintios 9:12

Echa rogüɨraja kuae yemborɨ vae, mbaetɨ ko rogüɨraja mbae oata chupe vaeño, jókuae rupi oñemee vi jeta yasoropai Tumpa pe.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Filipenses 4:12

Aikuaa kërai aiko vaerä, mbae oata yave. Aikuaa vi kërai aiko vaerä, jeta mbae anoi yave. Aikuaa ma kërai aiko vaerä opaete pegua, aiko vaerä cheangapɨɨ reve ani cheyɨmbɨaɨ reve; aikuaa ma kërai aiko vaerä, jeta mbaembae anoi yave ani oata mbaembae cheve yave.

2 Tesalonicenses 1:3

Cherɨvɨ reta, jupi ko romee avei vaerä yasoropai Tumpa pe peré, echa peporogüɨrovia okuakuaa avei ojo oiko, jare peporoaɨu jeiete okuakuaa vi oyokotɨ.

Hebreos 13:16

Ërei agüɨye ñaneäteɨ yayapo vaerä ikavi vae jare yayomborɨ päve vaerä; echa kuae nunga ko omboyerovia Tumpa.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.