Filipenses 3:9 - Biblia Guarani Tumpa Iñee

⁹ jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

Nuevo Testamento Guaraní Pe

⁹ jare oyecuaa vaera quirai che co jae Cristo imbae. Mbaeti ma aipota añembojupi mboroócuai jeigüe re ayapo vae rupi. Añembojupi ma mborogüɨrovia Cristo re anoi vae rupi. Echa Tumpa chembojupi ma, Cristo re arovia rambue.

Filipenses 3:9 ပူးပေါင်းရင်းမြစ်များ

GÉNESIS 7:23

Jökorai opa okañɨtei opaete oikove ɨvɨ iárambo vae: Kuimbae güive opaete mbaemɨmba, jare ipɨtía re oguata vae, jare güɨra reta. Jaeño jembɨre Noé jare opaete jae ndive arca pe oike vae reta.

1 REYES 8:46

Iyoa reta ndekotɨ yave, echa mbaetɨta ko kia iyoambae, jare kuae re ndearasɨ chupe reta jare remee jovaicho reta ipo pe yave, güɨraja vaerä tembipɨɨrä köiño ani mombɨrɨ,

2 CRÓNICAS 32:25

Ërei Ezequías mbaetɨ omee yasoropai jókuae yemborɨ omboresive vae re, jaeño ipɨayemboete yae, jókuae jeko pegua yandeYa iyarasɨ ikotɨ, Judá kotɨ jare Jerusalén kotɨ.

2 CRÓNICAS 32:31

Ërei Babilonia pegua mburuvicha reta ombou ñee jerajaa reta opou vaerä ípɨri yave jare oikuaa reta vaerä mɨakañɨ oasa jókuae ɨvɨ pe vae re yave, Tumpa omaeño Ezequías re, ojäa vaerä jare oikuaauka vaerä kërai ko ipɨa pe yemongeta güɨnoi vae.

SALMOS 14:3

Opaetei opia, metei rami oñererokomegua reta; mbaetɨ kia oyapo ikavi vae, mbaetɨ metei ave yepe.

SALMOS 143:2

Agüɨye chejäa cheYa, echa mbaetɨ eteita ko kia oyembojupi nderóvai.

SALMOS 19:12

¿Kia pa ipuereta oikuaa imbaeyoa reta? Chereepɨ mbaeyoa reta aikuaambae oï cheré vae güi.

ECLESIASTÉS 7:20

Añetete, mbaetɨ metei ave jupi vae kuae ɨvɨ pe, ikavi vae iyapoa jare mbaetɨi iyoa vae.

ISAÍAS 46:13

Che, aruta yereroasayepe; aruta ete ma, köi yae ma ou. Che ameeta yereroasayepe Sión pe, jare cheyemboete tëtaguasu Israel pe.

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

ISAÍAS 53:6

Opaete yande reta yanderopa vecha reta jopa rami, metei ñavo opia jape jape ae rupi; ërei ngatu yandeYa oñono jese opaete yandeyoa.

ISAÍAS 6:5

Jayave jae: “¡Atataɨ, maera pa ko amanota! Echa che kuimbae iyuru ikɨa Tumpa jóvai reve, jare tëta iyuru ikɨa Tumpa jóvai vae reta ipɨte pe aiko reve aecha Mburuvicha guasu, yandeYa Imbaepuere yae ete vae.”

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 33:16

Jókuae ara rupi Judá oyeyorata jare Jerusalén oiko pɨagüiveta, jare ombojee retata: YandeYa ko jae jupi vae yandeveguarä vae.

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

San Mateo 9:13

Pekua peyemboe kavi mbae ra oipota jei kuae: “Aipota vae jae ko peporoparareko avei, mbaetɨ aipota mɨmba oyeyukagüe opaetei oyeapɨ vaeño.” Echa mbaetɨ ko ayu aeka jupi vae reta. Ayu ko aeka iyoa vae reta, oeya vaerä jeko ikavimbae.

Romanos 1:17

Echa ñee ikavi vae omombeu yandeve kërai Tumpa yandembojupi ko yarovia yave. Echa Tumpa Iñee pe oyekuatía oï körai: “Tumpa ombojupi vae güɨnoita tekove oporogüɨrovia ramo.”

Romanos 10:10

Echa yandepɨa ndive ko yaroviata, yayembojupiuka vaerä, ërei yandeyuru pe ko yae yayemboasauka vaerä.

Romanos 16:7

Jaeramiño vi tamaraeme toï Andrónico jare Junias. Jae reta ko cherëtaɨgua reta, yogüɨrekose tembipɨɨrɨru pe che ndive vae. Imboetea yae temimondo reta ipɨte pe vae, jae reta ko güɨrovia Cristo re ndei che arovia mbove vae reta.

Romanos 5:21

Mbaeyoa güɨnoi mbaepuere opaete vae re mano peguarä, jökorai Tumpa ipɨakavi güɨnoi mbaepuere yanderé yandembojupi vaerä, tekove opambae vae peguarä yandeYa Jesucristo rupi.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

Romanos 8:3

Echa Tumpa oyapo, mborookuai mbaetɨ ipuere oyapo vae, echa mborookuai ipuereä yandemborɨ yandeyoa jeko pegua. Jáeramo, ombou Taɨ kuae ɨvɨ pe, metei kuimbae iyoa vae rami, omano vaerä yandeyoa re. Jökorai omoamɨri mbaeyoa jókuae jete rupi;

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

2 Corintios 5:17

Jáeramo, kia güɨrovia Cristo re vae, oa pɨau ye rami ko. Opaete teko tenondegua oasa ma. Ipɨau ma ko.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Gálatas 2:16

yaikuaa ko ngaraa kia ipuere oyembojupiuka mborookuai jei vae oyapo vae rupi. Jaeño ipuere oyembojupiuka güɨrovia yave Jesucristo re. Jáeramo yande vi yarovia ma Jesucristo re yayembojupiuka vaerä mborogüɨrovia rupi Cristo re, mbaetɨ ko mborookuai jei vae yayapo vae rupi, echa jókuae rupi ngaraa kia ave oyembojupiuka.

DEUTERONOMIO 27:26

‘Tijeko mbaetɨ omboete ani mbaetɨ oyapo kuae mborookuai reta jeigüe vae.’ Jare opaete vae tei: ‘Amén.’

Filipenses 3:6

cherägüɨro ramo ayapo yepi ikavimbae vae Cristo re güɨrovia vae reta pe. Mbaetɨ kia ipuere chemboeko mbae re, echa aiko jupi rupi mborookuai jei rami.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Tito 3:5

yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

Santiago 3:2

Echa opaete yande reta yayavɨñoi ko. Oime yave kia mbaetɨ oyavɨ iñee rupi vae, jae ko jupi vae, güɨnoi ko mbaepuere opaete jete re.

2 Pedro 1:1

Che Simón Pedro, Jesucristo jembiokuai jare jemimondo, aikuatía peve pe peupitɨ mborogüɨrovia ikavigüe vae ñaneTumpa jare yandeYa Jesucristo jupi vae rupi, ore rami.

1 Juan 3:4

Ërei iyoa vae, oyavɨ ko Tumpa iporookuai; echa mbaeyoa oñemopüa ko Tumpa kotɨ.