Filipenses 3:6 - Biblia Guarani Tumpa Iñee

⁶ cherägüɨro ramo ayapo yepi ikavimbae vae Cristo re güɨrovia vae reta pe. Mbaetɨ kia ipuere chemboeko mbae re, echa aiko jupi rupi mborookuai jei rami.

Nuevo Testamento Guaraní Pe

⁶ Añemoatangatuse ayeócuai vaera Tumpa pe. Jae rambue ayapose icavi mbae vae Cristo re güɨrovia vae reta pe. Mbaeti quia ipuere chemboeco mbae re. Echa cherecove jecuaeño jupi mboroócuai rupi.

Filipenses 3:6 ပူးပေါင်းရင်းမြစ်များ

2 SAMUEL 21:2

Jayave mburuvicha guasu oenɨi Gabaón pegua reta, jare imiari jae reta ndive. (Gabaón pegua reta, mbaetɨ ko Israel iñemuña reta, amorreo reta iñemuñagüe ko, jókuae Israel iñemuña reta oyapo arakae ñererökuavee chupe vae reta agüɨye vaerä oyuka; kuae reta yepe Saúl opa pota tëi oyuka, Israel jare Judá pegua reta re jägüɨro ramo.)

2 REYES 10:16

jei reve chupe: —Chemoïru jare reechata cherägüɨro yandeYa re vae. Jökorai omboyeupi ikäretou pe.

ECLESIASTÉS 7:16

Agüɨye oasa ete ndepɨakavi, agüɨye vi oasa ete ndearakuaa. ¿Maera pa nde aeño reñemokañɨteukata?

LEVÍTICO 13:16

Ërei isoo oyeu vae oyepoepɨ yave, jare opa morotï yave, tou sacerdote pe;

San Mateo 23:25

¡Paravete pe jova mókoi vae reta! Mborookuai re oporomboe vae reta jare fariseo reta. Echa peyoe peñae jare petasa reta ikupeño, ërei japɨpe tɨnɨe oï monda pe jare jupimbae pe.

San Mateo 5:20

Echa che jae peve, mbaetɨ peyapɨraa peyapo jupi yae vae, mborookuai re oporomboe vae reta jare fariseo reta oyapo vae güi yave, ngaraa etei peike araɨgua mborookuaía pe.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

Hechos 21:20

Jae reta oendu yave, omboete Tumpa. Jayave jei reta Pablo pe: —Orerɨvɨ, reikuaa ma kërai jeta yae judío reta güɨrovia ma ko Jesús re, jare opaete jae reta jei oyeapoño vaerä mborookuai jei vae.

Hechos 22:5

Sacerdote tenondegua jare opaete tëta guasu pegua reta itenondegua reta timiari peve cheregua. Jae reta oikuatía omee cheve tupapire jesegua reta araja vaerä ñanerëtara judío reta Damasco pe yogüɨreko vae reta pe. Jare aja aipɨɨ vaerä Jesús re güɨrovia vae joko pe ñogüɨnoi vae reta, aru vaerä Jerusalén pe, aiporarauka vaerä tëi chupe reta.

Hechos 26:5

Jae reta oikuaa katu vi kërai tenonde rupi che ko jae fariseo vae. Kuae mboromboe pegua reta ko jägüɨro yae iporomboe pe vae. Jae reta ipuere chemombeu ndeve, oipota yave.

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

Romanos 7:9

Tenonde yave mbaetɨ aikuaa mborookuai jei vae yave, aiko güɨraveño; ërei aikuaa ma yave mborookuai jei vae, aikuaa cheyoa ko jare aikuaa amano ko.

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

1 Corintios 15:9

Echa che ko jae metei temimondo michi yae vae; mbaetɨ jupi ayembojee vaerä temimondo pe, echa ayapo yepi ikavimbae vae Tumpa re oporogüɨrovia vae reta pe.

Filipenses 2:15

Agüɨye vaerä kia ave pemboeko mbae re. Peiko Tumpa taɨ ikɨambae vae, kuae oporogüɨroviambae vae reta jeko ikavimbae yae vae reta ipɨte pe. Kuae reta ipɨte pe peiko tembipe rami kuae ɨvɨ pe,

Filipenses 3:9

jare oñeväe vaerä jae imbae ko che. Mbaetɨ aipota ayembojupi mborookuai jei vae ayapo vae rupi, jaeño Cristo re arovia vae rupi; jae ko yembojupi Tumpa güi mborogüɨrovia rupi.

1 Timoteo 1:13

yepe tëi tenonde yave che jae mbae ikavimbae vae yandeYa kotɨ, ayapo ikavimbae vae yandeYa re güɨrovia vae reta pe, jare chereko pochɨ ikotɨ. Ërei yandeYa cheparareko, echa ayapo mbaetɨ aikuaa ramo jare mbaetɨ aporogüɨrovia ramo.

JUECES 6:30

—Enoe nderaɨ ikatu pe royuka vaerä. ¡Jae opa omboai Baal pegua mɨmba oyeyuka oyeapɨ jese vae jare oyasɨa Asera iä oï iyɨpɨ pe vae!