Filipenses 3:17 - Biblia Guarani Tumpa Iñee

¹⁷ Cherɨvɨ reta, peiko che aiko rami. Jare pemae vi jókuae yogüɨreko ore roiko peróvai vae rami vae reta re.

Nuevo Testamento Guaraní Pe

¹⁷ Cherɨvɨ reta, peyapo che ayapo rami. Jare jecuaeño pemae ngatu jocuae yogüɨreco cavi vae reta re. Echa jocorai peicuaa ore roico co.

Filipenses 3:17 ပူးပေါင်းရင်းမြစ်များ

SALMOS 37:37

Emae jupi oiko vae re, echa oime yerovia katu jókuae kuimbae mbɨakatu rupi oiko vae pe.

Romanos 16:17

Añave che pomoñera cherɨvɨ reta, pemae kavi jókuae yemboyao jare oporombogüɨapiuka yemboe pe reta peikuaa vae güi vae reta re, pesɨrɨ chugüi reta.

1 Corintios 10:32

Agüɨye peiko peporombogüɨapiuka vaerä judío reta pe, judiombae vae reta pe ani oporogüɨrovia vae reta Tumpa imbae reta pe.

1 Corintios 11:1

Peiko che aiko rami. Che Cristo oyapo vae ayapo rami.

1 Corintios 4:16

Jáeramo che pomoñera peiko vaerä che rami.

Filipenses 4:9

Peyemboe vae, pemboresive vae, peendu jare peecha cheré vae peyapo. Jare Tumpa oporombopɨakatu vae oïta pe ndive.

1 Tesalonicenses 1:6

Jare pe reta pemboɨpɨ peiko, ore jare yandeYa oiko rami. Perovia romombeu peve vae peyerovia reve Espíritu Santo rupi, peiporara yae tëi reve.

2 Tesalonicenses 3:14

Jare kia nunga vae mbaetɨ oyapo kuae roikuatía vae pe jei vae yave, pemae kavi jese, agüɨye peñemoïru jae ndive, imara vaerä.

2 Tesalonicenses 3:7

Pe reta etei peikuaa ikavi ko kërai peiko vaerä ore rami. Echa ore roiko pepɨte pe yave, mbaetɨ ko roikoiño,

2 Tesalonicenses 3:9

Körai royapo, yepe tëi jupi ko roiporu vaerä mbaembae peve. Ërei orekɨ̈reɨ roechauka peve, pe reta vi peiko vaerä ore rami.

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

Hebreos 13:7

Pemaendúa oyangareko peré vae reta omombeu Tumpa iñee peve vae re. Pemae kërai yogüɨreko vae re jare pemomoe jae reta iporogüɨrovia.

1 Pedro 5:3

agüɨye peyemboiya etei peyangareko jese vae reta re, jaeño peechauka ikavi chupe reta.