Filipenses 3:12 - Biblia Guarani Tumpa Iñee

¹² Kuae mbaetɨ ko oipota jei, aupitɨ ma ko opaete mbae, ani jupi kavi yae ma che. Ërei añemoäta ngatu avei ko aupitɨ vaerä, echa jokuaerä Cristo Jesús chepɨɨ.

Nuevo Testamento Guaraní Pe

¹² Ndeiño aicuaa cavi Cristo. Ndeiño cheyoa mbae. Erei jecuaeño añemoatangatu, aipɨɨ vaera Tumpa omeeta cheve vae. Echa cuae jeco pegua Cristo Jesús chepɨɨ.

Filipenses 3:12 ပူးပေါင်းရင်းမြစ်များ

JOB 17:9

Jupi vae reta ojota tenonde, ikavi oyapo vae oñemoïruta ipɨ̈rata.

SALMOS 119:5

¡Mbae mona, aiko avei ndeporookuai reta jeigüe rupi!

SALMOS 138:8

¡CheYa, rembopota ndeyemongeta cheré! CheYa Tumpa, ndeporoparareko jekuae avei pegua ko. ¡Agüɨye chereeya, che nderembiapo!

SALMOS 42:1

Guasukaka iɨuve yae vae oeka ɨ ɨ̈aka pe vae rami, jökorai che roeka, cheRu Tumpa.

SALMOS 63:8

Cherekove oyaasɨ oï nderé; ndepo ndeakatu cheoko.

SALMOS 84:2

¡Aipota yae jare chekɨ̈reɨ yae aï vaerä nderoka pe, cheYa! ¡Opaete chepɨa ndive atairari ayerovia reve Tumpa oikove vae pe!

SALMOS 94:15

Oime yeta mbaejupi, jare opaete ipɨa jupi vae reta omomoeta.

PROVERBIOS 4:18

Ërei jupi vae reta jape köembipe rami ko: Köe jembipe ojo oiko köe kavi regua rami.

ISAÍAS 51:1

“Peyeapɨsaka cheré opaete, pe reta peiko jupi rupi vae, pe yandeYa peeka vae reta. Pemaendúa, mbae nunga ita guasu güi ko peyeekɨ vae, mbae nunga ɨ̈vavira güi ko peñerenoeuka vae.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

San Mateo 5:48

Jáeramo, peyapo ikavi vaeño, peRu ara pe oï vae oyapo rami.

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Romanos 8:39

ani ɨvate yae vae, ani ɨ́vɨkotɨ yae vae, ani oipotagüe ïru mbae Tumpa oyapo vae yepe ngaraa ipuere yandembosɨrɨ Tumpa iporoaɨu güi yandeYa Cristo Jesús rupi.

1 Corintios 13:10

Ërei oväe ma yave ikavi yae vae, jókuae mbovɨño vae opata.

1 Corintios 13:12

Añave yaecha vae, epeo pe jäve yaecha rami ko, ërei metei ara yaecha kavita ko. Añave mbovɨño aikuaa, ërei jayave aikuaa kavita Tumpa chekuaa rami.

1 Corintios 9:24

¿Mbaetɨ pa peikuaa oñoñókuai vae reta osɨi opareve, ërei meteiño omongana vae? Pesɨi pemongana regua.

2 Corintios 13:9

Jáeramo royerovia orepɨ̈ratambae re jare pe reta pepɨ̈rata yae vae re; jare royerure avei Tumpa pembojupi vaerä.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

Gálatas 5:17

Echa pesoo jemimbota oyovaicho Espíritu Santo re; jare Espíritu Santo jemimbota güɨröɨro soo jemimbota re. Kuae mókoi reta oñogüɨröɨro päve, jáeramo mbaetɨ pepuere peyapo pekɨ̈reɨ tëi peyapo vae.

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

Efesios 4:12

Jökorai oyapo, oñeñono tee vae reta ipɨ̈rata vaerä, jae reta ipuere vaerä oparavɨkɨ Tumpa pe, okuakuaa vaerä Cristo jete,

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

Filipenses 3:16

Ërei yaiko avei yaikuaa ma vae re. Yayemongeta metei ramiño.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

1 Tesalonicenses 5:15

Peyeandu, agüɨye ikavimbae vae oyapo peve vae pe, pemboekovia ikavimbae pe. Ërei peiko kavi avei oyoupi, jare opaete vae ndive.

2 Tesalonicenses 2:13

Cherɨvɨ reta, yandeYa oaɨu vae reta, ikavi ko jekuaeño romee vaerä yasoropai Tumpa pe peré, echa Tumpa peparavo iyɨpɨ güive pemboasa vaerä, Espíritu Santo peñono tee Tumpa peguarä vae rupi, jare añete vae perovia ramo.

1 Timoteo 5:10

jare jërakua kavi jembiapo reta rupi vae, oyangareko kavi imembɨ reta re, omboresive kavi mboupa, oyoe oporogüɨrovia vae reta ipɨ, omborɨ oiporara vae reta jare oyapo opaete mbae ikavi vae yave.

1 Timoteo 6:19

güɨnoi vaerä mbae ikavi vae opambae vae ara outa vae reta peguarä, jare güɨnoita tekove opambae vae.

Hebreos 12:14

Pepɨakatu opaete vae ndive, jare peñeñono tee Tumpa pe. Echa jokuaembae reve ngaraa etei kia oecha yandeYa.

Hebreos 12:23

Tumpa taɨ tenondegua reta jee oñemoapɨta oï ara pe vae reta re, Tumpa re, opaete vae ojäa vae, kuimbae reta Tumpa ombojupi vae reta iespíritu re,

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

Santiago 3:2

Echa opaete yande reta yayavɨñoi ko. Oime yave kia mbaetɨ oyavɨ iñee rupi vae, jae ko jupi vae, güɨnoi ko mbaepuere opaete jete re.

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!