Filipenses 3:10 - Biblia Guarani Tumpa Iñee

¹⁰ Aipota ko aikuaa kavi Cristo. Aipota anoi jókuae mbaepuere Cristo oikove ye vae pegua. Aiporara yave, aipota aikuaa aiporara ko Cristo jeko pegua, chekɨ̈reɨ amano Cristo omano rami.

Nuevo Testamento Guaraní Pe

¹⁰ Aipota yae aicuaa cavi Cristo. Aipota anoi jocuae mbaepuere Cristo oicove ye yave ou omanogüe vae reta ipɨte güi oyeporu vae. Aiporara yave, aipota aicuaa aiporara co Cristo jeco pegua, chequɨreɨ vaera amano Cristo omano rami.

Filipenses 3:10 ပူးပေါင်းရင်းမြစ်များ

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

San Mateo 20:23

Jare Jesús jei chupe reta: —Añete pe reta peiporarata che aiporarata vae. Ërei mbaetɨ chepuere jae peve peguapɨ vaerä cheɨpɨ pe. Echa cheRu ko omokätɨro ma joko pe oguapɨta vae reta peguarä.

San Juan 10:18

Mbaetɨ kia ipuere oekɨ chegüi cherekove. Ameeta che aipota ramo. Anoi mbaepuere amee vaerä, jare anoi mbaepuere aikove ye vaerä. Kuae mborookuai cheRu omee cheve.”

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

Romanos 8:29

iyɨpɨ güive oikuaa vae reta. Jókuae reta oiparavo vi yogüɨreko reta vaerä Taɨ rami; Jae oiko vaerä opaete Tumpa taɨ reta ipɨte pe tenondegua eterä.

Romanos 8:36

Echa Tumpa Iñee pe oyekuatía oï körai: “Nderé rogüɨrovia ramo, ara ñavo roiko yemomburu rupi. Roiko vecha reta oyereraja mbaeyukaa pe vae rami.”

2 Corintios 1:10

Echa jae orereroasayepe mano güi, jare jekuae orereroasayepe yeta mano güi,

2 Corintios 1:5

Echa yaiporara yae yave Cristo re yarovia jeko pegua, yandepɨakatu yaeta vi Cristo rupi.

2 Corintios 13:4

Echa yepe tëi Cristo imbaepuerembae rami oyekutu kurusu re, ërei oikove ye Tumpa imbaepuere rupi. Jaeramiño vi ore etei mbaetɨ mbaepuere rogüɨnoi, ërei roikove yeta Cristo rupi Tumpa imbaepuere rupi, royeokuai vaerä peve.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Gálatas 6:17

Añave güive agüɨye kia tachemoambeko. Echa cherete re anoi chepere reta vae oikuaauka, yandeYa Jesús jembiokuai ko che vae.

Efesios 4:13

yayeapo regua metei ramiño yandeporogüɨrovia pe, jare yaikuaa kavi vaerä Tumpa Taɨ. Yakuakuaa kavi vaerä, Cristo okuakuaa rami.

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

Colosenses 2:13

Tenonde yave pe reta pemano peiko peyoa reta pe, jare mbaetɨ peyembocircuncida vae pe. Ërei Tumpa pemoingove Cristo ndive jare iñɨ̈ro peve opaete peyoa reta re.

Colosenses 3:1

Jáeramo, Tumpa pemoingove Cristo ndive ramo, peeka mbaembae ara pegua re, Cristo oguapɨ oï Tumpa iyakatu kotɨa pe.

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.

2 Pedro 1:13

Jaekavi cheve aiko vae aï ramboeve pomomae vaerä kuae yemboarakuaa reta rupi.

1 Juan 2:3

Tumpa iporookuai reta yayapo yave, jókuae rupi ko oyekuaa yaikuaa kavi ko Tumpa vae.

1 Juan 2:5

Ërei Jesucristo jei vae oyapo vae Tumpa iporoaɨu okuakuaa ko jese. Jókuae rupi yaikuaa yande ko ñaï jese.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.