Filipenses 2:9 - Biblia Guarani Tumpa Iñee

⁹ Jáeramo, Tumpa ombotuicha yae opaete güi, jare omee chupe tee tuichagüe yae opaete ïru tee reta güi vae,

Nuevo Testamento Guaraní Pe

⁹ Jae rambue Tumpa omboeteuca yae ma, jare omee chupe mbaepuere opaete iru mbaepuere güi tuicha yae vae,

Filipenses 2:9 ပူးပေါင်းရင်းမြစ်များ

GÉNESIS 3:15

Añonota ñemotareɨ peyokotɨ, peñomotareɨ vaerä kuña ndive, neñemuña ndive jare kuña iñemuña ndive; jae ndembopereta neäka pe, jare nde rembopereta ipɨta pe.

SALMOS 110:1

YandeYa jei cheYa pe: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

SALMOS 110:5

YandeYa oï ndeakatu kotɨ; iyarasɨ iara pe, jae omokañɨteita mburuvicha guasu reta;

SALMOS 89:27

Jare che amee eteta chupe oï vaerä cheraɨrɨpɨrä, tuicha yae vaerä mburuvicha guasu reta ɨvɨ pegua güi.

SALMOS 91:14

“Echa iporoaɨu oñono cheré ramo, che vi aepɨta; jare añonota ɨvate, echa cheré reikuaa ramo.

ISAÍAS 52:13

Mase, cherembiokuai oyekou yaeta ko, oyembotuichaukata jare jërakua yaeta.

ISAÍAS 53:12

Jáeramo, che ameeta chupe oï vaerä jëia yae vae reta ndive, jare imbaepuere vae reta ndive omboyaota ñeraroa pe mbae opɨ̈rogüe; echa omee ramo jekove omano regua, jare oyepapa iyoa vae reta ndive, güɨraja ramo jeta vae reta iyoa, jare oyerure iyoa vae reta re.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

DANIEL 7:14

Jare oñemee chupe mbaepuere, yemboetea jare mborookuaía, jare opaete ketɨgua tëtaguasu reta jare ïru ñee pe imiari vae reta oyeokuai chupe. Imbaepuere jekuae avei ko, jare iporookuaía ngaraai oyemboai.

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 28:18

Jare Jesús oya katu jese reta jare jei chupe reta: —Opaete mbaepuere oñemee ma cheve ara pe jare ɨvɨ pe.

San Lucas 10:22

Jayave jei vi: “CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.”

San Juan 17:11

Jare mbaetɨta ma aï kuae ɨvɨ pe. Ërei jae reta opɨtañota kuae ɨvɨ pe. Che ajata ma ndépɨri. CheRu Tumpa iyoambae, kuae remee cheve vae reta, eñovatu nderee re; yogüɨreko vaerä metei ramiño, yande metei ramiño yaiko rami.

San Juan 17:12

Che aiko jae reta ndive kuae ɨvɨ pe ramboeve, añovatu nderee re; remee cheve vae reta che añovatu jare mbaetɨ metei ave okañɨtei, jaeño jókuae ojo tai kañɨtei pe vae, Tembikuatía oyembopo vaerä.

San Juan 17:5

Ndei ɨvɨ oyeapo mbove aiko nde ndive yave ayemboeteuka ko. Jökorai añave chemboeteuka ye ndeɨpɨ pe.

Hechos 5:31

Ërei kuae Jesús, Tumpa imbaepuere rupi oñono Tenondeguarä jare Oporomboasa vaerä, Israel pegua reta oeya vaerä iyemongeta ikavimbae vae ipɨa pe güɨnoi vae, jare Tumpa iñɨ̈ro vaerä chupe reta iyoa reta re.

Efesios 1:10

Jae ko, omboatɨ vaerä opaete mbaembae oyeapogüe Cristo ipo pe, opaete mbaembae ara pe oï vae, jare opaete ɨvɨ pe oï vae. Kuae ko oyeapota ara oväe yave.

Colosenses 1:18

Jae ko oporogüɨrovia vae reta iñäka, jare jae ko tenondegua vae. Echa jae tenonde voi oikove ye omanogüe reta ipɨte güi, jae oiko vaerä opaete vae itenondeguarä.

2 Tesalonicenses 1:12

Jökorai yave yandeYa Jesucristo jee oyemboeteukata peré, jare pe reta jese, yandeRu Tumpa jare yandeYa Jesucristo ipɨakavi rupi.

Hebreos 1:4

Tumpa Taɨ ou opɨta tuichagüe yae araɨgua reta güi, echa oñemee chupe tuichagüe yae vaerä chugüi reta.

Hebreos 1:9

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.”

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 2:9

Ërei yaikuaa ko Jesús, Tumpa omomichi mí araɨgua reta güi vae tuichagüe yae jare imboetea yae, imano jeko pegua. Jökorai Tumpa ipɨakavi jeko pegua omano opaete re.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.

2 Pedro 1:17

Echa omboresive yave yandeRu Tumpa güi mbaemboete, oyeendu ara güi Tumpa imboetea yae vae iñee jei: “Kuae ko jae cheRaɨ aaɨu yae vae. Chemboyerovia vae.”

3 Juan 1:7

Echa jae reta oguata yogüɨreko oaɨu ramo Jesucristo, omboresivembae reve mbae oporogüɨroviambae vae reta güi.

Apocalipsis 1:5

jare Jesucristo jupi rupi imiari vae, tenonde voi oikove ye omanogüe reta güi vae, mburuvicha guasu reta ɨvɨ pegua juvicha guasu güi. Yanderaɨu jare oyoe jugüɨ pe yandeyoa reta vae,

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”

Apocalipsis 19:16

Jare jemimonde re jare iu re oyekuatía oï metei tee, jae ko: “MBURUVICHA GUASU RETA JUVICHA GUASU JARE IMBAEPUERE YAE ETE MBAEPUERE GÜƗNOI VAE RETA GÜI VAE.”

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.

Apocalipsis 5:12

jare jei reta iñeeäta reve: “Vecha kuimbae taɨrusu vae oyeyukauka vae jupi ko güɨnoi vaerä mbaepuere, mbaeyekou, arakuaa, mɨ̈rata, yemboete, yemboetea jare mbaemboete.”