Filipenses 2:8 - Biblia Guarani Tumpa Iñee

⁸ Jare kuimbaerä oyeapo ma yave, oñemomichi yeti, oyapo Tumpa jei vae omano regua, omano kurusu re.

Nuevo Testamento Guaraní Pe

⁸ Jare cuimbaera oyeapo ma yave, oñemomichi ye, jare omano Tumpa jemimbota oyapo vaera. Jare omano metei curusu re cuimbae icavi mbae vae omano rami.

Filipenses 2:8 ပူးပေါင်းရင်းမြစ်များ

SALMOS 22:16

Echa yaɨmba reta rami cheöva reta, jeta jeko kavimbae reta cheöva; omombu reta chepo jare chepɨ.

PROVERBIOS 15:33

YandeYa güiño yaipoɨu vae, yandemboe arakuaa katu re; yayemboeteuka vaerä, tenonde ikavi ko ñañemomichi.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

San Mateo 26:39

Jayave Jesús osɨrɨ katu chugüi reta, jare oyetavatɨka itindɨasɨ ɨvɨ re jare oyerure, jei reve: “CheRu, nde reipota yave, emboasa chegüi kuae aiporarata vae. Ërei toyeapo cheve nde rere vae. Agüɨye toyeapo che jae vae.”

San Mateo 26:42

Jayave Jesús ojo ye oyerure mokoía ma: “CheRu, nde reipota yave aiporara vaerä, toyeapo cheve nde rere vae.”

San Lucas 9:29

Jare Jesús oyerure ramboeve, jova oyemoambuae jare jemimonde tïiasɨ jare jembipe.

San Juan 10:18

Mbaetɨ kia ipuere oekɨ chegüi cherekove. Ameeta che aipota ramo. Anoi mbaepuere amee vaerä, jare anoi mbaepuere aikove ye vaerä. Kuae mborookuai cheRu omee cheve.”

San Juan 14:31

Ërei ayapota cheRu iporookuai, ɨvɨ pegua reta oikuaa vaerä che aaɨu ko cheRu. ¡Pepüa, yaja mo kuae güi!

San Juan 15:10

Peyapo cheporookuai reta yave, peï aveita cheporoaɨu pe. Che ayapo cheRu iporookuai reta jare aï avei ipororaɨu pe rami.

San Juan 4:34

Jesús jei chupe reta: —Cherembíu jae ko, ayapo vaerä chembou vae jemimbota, jare opa vaerä iparavɨkɨ ayapo.

Hechos 8:33

Ojäa reta yave oyapoä jupi vae chupe. Jare mbaetɨ iñemuña jërakua vaerä. Echa jekove oyeekɨ kuae ɨvɨ güi.”

Romanos 5:19

Metei kuimbae mbaetɨ oyapo Tumpa jei vae jeko pegua, opaete vae iyoa ma. Jökoraiño vi metei kuimbae oyapo Tumpa jei vae jeko pegua, Tumpa ombojupita jeta vae.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

DEUTERONOMIO 21:23

agüɨye pemaeño tipɨ̈tu jetegüe ɨvɨra re; jókuae ara voi peñotɨ; echa Tumpa iyepopeyu rupi ko omano, ɨvɨra re osagüɨu omano vae; agüɨye pemongɨa peɨvɨ yandeYa Tumpa omee peveguarä vae.

Tito 2:14

Echa jae oñemee omano vaerä yanderé, jae yandereepɨ vaerä opaete ikavimbae güi, jare oyoe vaerä yandepɨa yandeyoa reta güi, yandeapo vaerä imbae retarä, yaipota yae vaerä yayapo mbaravɨkɨ ikavi vae.

Hebreos 12:2

Jare ñamae avei Jesús re, mborogüɨrovia iyapoa jare jae vi ombokavi. Jae tuicha güɨropɨa omano vaerä kurusu re, oyandúä oiporarauka chupe vae reta pe. Jare oguapɨ oï Tumpa iyakatu kotɨ.

Hebreos 12:4

Echa pe reta mbaetɨño pemano mbaeyoa ndive peñeraroa pe.

1 Pedro 2:24

Cristo etei güɨraja yandeyoa reta jete re kurusu re, yande ñamano ñaï mbaeyoa pe vae yaikove vaerä jupi vae re. Jare jae oyekutu vae rupi yakuera.

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.