Filipenses 2:6 - Biblia Guarani Tumpa Iñee

⁶ Echa yepe tëi jae ko Tumpa etei. Ërei jae mbaetɨ oyeko jókuae re,

Nuevo Testamento Guaraní Pe

⁶ Echa jae Tumpa etei co. Erei yepe tei jae oyovaque Tumpa ndive, mbaeti oñemboete cuae re.

Filipenses 2:6 ပူးပေါင်းရင်းမြစ်များ

ISAÍAS 7:14

Jáeramo, yandeYa etei oyapota mɨakañɨ peve: Mase, ko metei kuñatai ndei etei kuimbae ndive oasa vae ipuruata, oata imembɨ metei kunumi raɨ, jare ombojeeta Emanuel pe.

ISAÍAS 8:8

outa oväe Judá pe jare opaeteita tɨnɨe, iyayu rupi opɨtata jese. Güɨra omoata ipepo vae ramita, opata oyasoi ndeɨvɨ, Emanuel.”

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Juan 1:18

Mbaetɨi kia oecha Tumpa vae. Ërei Tumpa Taɨ jaevaeño vae, oiko jae ndive etei vae oikuaauka yandeve.

San Juan 10:30

CheRu jare che meteiño ko.

San Juan 10:33

Judío reta jei chupe: —Mbae ikavi vae reyapo vae reä ko royapita ita pe. Ikavimbae rere Tumpa kotɨ vae re ko. Echa nde ko kuimbaeño, ërei rere ndeyeupe nde ko jae Tumpa vae.

San Juan 10:38

Ërei ayapo ko cheRu iparavɨkɨ yave, yepe tëi mbaetɨ chererovia, ërei perovia ayapogüe reta re, peikuaa vaerä cheRu oï ko che ndive jare che aï ko jae ndive.

San Juan 14:28

Peendu ma kërai che jae: “Ajata jare ayu yeta pépɨri.” Cheraɨu yave mona, peyeroviata tëi ko. Echa ajata cheRu oïa pe, jare cheRu imbaepuere tuicha yae chembaepuere güi.

San Juan 14:9

Jesús jei chupe: —Ɨma ma aiko pe reta ndive, ¿mbaetɨño pa chekuaa Felipe? Chereecha vae oecha ma ko cheRu. ¿Maera pa rere: “Eechauka oreve ndeRu”?

San Juan 17:5

Ndei ɨvɨ oyeapo mbove aiko nde ndive yave ayemboeteuka ko. Jökorai añave chemboeteuka ye ndeɨpɨ pe.

San Juan 20:28

Jayave Tomás jei: —¡CheYa jare cheTumpa!

San Juan 5:18

Kuae jeko pegua judío reta jeiete oipota oyuka Jesús. Echa jae omboeteä ara mbutuu jare jei vi Tumpa etei ko jae Tu vae, jókuae rupi oyemboyovake Tumpa ndive.

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

Romanos 9:5

Jae reta vi ko ñaneñemuñagüe reta iñemuña, jare jupi reta Cristo ou oyeapo kuimbaerä. Tumpa etei ko. Jae ko opaete mbaembae iYa. Toyemboeteuka jekuae avei pegua. Amén.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

2 Corintios 8:9

Peikuaa kavi ko kërai yandeYa Jesucristo ipɨa kavi, kërai jae yepe tëi oikokatu, ërei oyemombaravete peraɨu ramo, peikokatu vaerä.

1 Timoteo 1:17

Jáeramo, yamboete yae jekuaekuae avei rupi Mburuvicha guasu opambae vae, omanombae vae, oyeechambae vae, jaeño ko Tumpa yarakuaa yae vae. ¡Amén!

1 Timoteo 3:16

Añete ñanemopɨakañɨ yae ko kuae añetegüe Tumpa re yarovia vae: Tumpa oyeapo kuimbaerä, Espíritu Santo oikuaauka jae ko jupi vae. Araɨgua reta oecha. Jërakua opaete judiombae reta pe. Ɨvɨ pegua reta güɨrovia jese. Jare Tu omboresive ye ara pe.

Tito 2:13

jare ñaäro yayerovia reve yandeRu Tumpa yandemboasa vae Jesucristo ou yeta vae.

Hebreos 1:3

Jae ko Tumpa iyemboetea, jae etei ko Tumpa, jae iñee mbaepuere pegua re opaete mbaembae oyeapo vae oiko, jae etei oñemee vae rupi oyoe yandeyoa reta güire oguapɨ Tumpa iyakatu kotɨ ara pe.

Hebreos 1:6

Opaete mbaembae iYarä vae, ombou kuae ɨvɨ pe yave jei körai: “Opaete Tumpa iaraɨgua reta tomboete.”

Hebreos 1:8

Ërei Tumpa jei Taɨ re körai: “CheRu Tumpa, ndeguapɨa mborookuaía pegua jae ko opambae jare jekuae avei vae; ndepo pegua popoka mborookuaía pegua, jae ko jupi vae pegua.

Hebreos 13:8

Jesucristo ko oyepoepɨmbae etei iyɨpɨ güive, añave jare jekuae avei pegua.

Apocalipsis 21:6

Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”