Filipenses 2:2 - Biblia Guarani Tumpa Iñee

² peiko oyoupi metei rami, peyoaɨu, jare peiko metei ramiño. Körai peyapo yave, ayerovia yaeta ko.

Nuevo Testamento Guaraní Pe

² peico cavi oyoupi, jare peyoaɨu, jare metei ramiño peico peñemongueta oyovaque reve. Corai peyapo yave, ayerovia yaeta co.

Filipenses 2:2 ပူးပေါင်းရင်းမြစ်များ

SALMOS 122:8

Cherëtara reta jare cheïru reta aaɨu jeko pegua tae: “Mbɨakatu toiko nde ndive.

San Juan 3:29

Jae ko metei kuimbae omendata vae rami. Che ko omendata vae ivɨa-ïru rami. Echa omendata vae ivɨa-ïru opɨta omendata vae ndive jare oyeapɨsaka jese jare oyerovia iñee oendu yave. Jökoraiño vi ko che añave ayerovia yae.

Hechos 1:14

Opaete kuae reta oyemboatɨ avei oyerure vaerä Jesús ichɨ María jare ïru kuña reta, jare Jesús tɨvɨ reta ndive.

Hechos 2:1

Arete Pentecostés pe opaete oporogüɨrovia vae reta metei ramiño oyemboatɨ ñogüɨnoi.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

Hechos 5:12

Jare oyeapo jeta mɨakañɨ reta tëta guasu pegua reta ipɨte pe temimondo reta rupi. Jare opaete oporogüɨrovia vae reta oyemboatɨ metei rami Salomón ikorero jee vae pe.

Romanos 12:16

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

1 Corintios 1:10

Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake.

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

2 Corintios 2:3

Jáeramo aikuatía peve, agüɨye vaerä aja pépɨri yave chemboyerovia vaerägüe chembopɨatɨtɨ. Echa che arovia che ayerovia yave, pe reta vi peyerovia ko.

2 Corintios 7:7

jare orepɨakatúä Tito ou oväe orépɨri vae reño. Orepɨakatu yae vi roikuaa yave kërai pe reta pembopɨakatu Tito. Omombeu vi oreve cheraɨu yae vae, cheräpiro jare peyemoambeko cheré vae. Jare, jókuae chemboyerovia yae.

Filipenses 1:4

ayerure peré ñavo, ayerure ayerovia reve;

Filipenses 2:16

peiko reve ñee tekove opambae vae re, ayerovia vaerä Cristo ou ye yave, kërai che mbaetɨ aguataiño ani aparavɨkɨiño.

Filipenses 2:20

Echa mbaetɨ yé ko kia oyemongeta jare oyemoambeko peré che ndive vae.

Filipenses 4:2

Amoñera Evodia jare Síntique yogüɨreko kavi vaerä oyoupi yandeYa re.

Colosenses 2:5

Echa yepe tëi che mbaetɨ aï pépɨri, ërei chepɨa pe aï pe ndive, ayerovia jare aikuaa kërai peiko kavi oyoupi, jare peñemomɨ̈rata peporogüɨrovia pe Cristo re.

2 Tesalonicenses 2:13

Cherɨvɨ reta, yandeYa oaɨu vae reta, ikavi ko jekuaeño romee vaerä yasoropai Tumpa pe peré, echa Tumpa peparavo iyɨpɨ güive pemboasa vaerä, Espíritu Santo peñono tee Tumpa peguarä vae rupi, jare añete vae perovia ramo.

2 Timoteo 1:4

Chemaendúa kërai nderesaɨ repɨyere vae re, aipota yae roecha, ayerovia yae vaerä.

Filemón 1:20

Añete ko, cherɨvɨ, eyapo kuae ikavi vae cheve yandeYa re. Chembopɨakatu yandeYa re.

2 Juan 1:4

Aikuaa yave joko pegua oporogüɨrovia reta yogüɨreko añete vae rupi, yandeRu yandeokuai vae rami.

3 Juan 1:4

Añete ko, ayerovia yae aendu yave kërai cheraɨ reta jekuaeño yogüɨreko añete vae rupi.