Filipenses 2:16 - Biblia Guarani Tumpa Iñee

¹⁶ peiko reve ñee tekove opambae vae re, ayerovia vaerä Cristo ou ye yave, kërai che mbaetɨ aguataiño ani aparavɨkɨiño.

Nuevo Testamento Guaraní Pe

¹⁶ Jecuaeño pemombeu iru vae reta pe ñee tecove opa mbae vae ipuere omee chupe reta vae, chepuere vaera ayerovia Cristo iara pe. Echa aicuaata mbaeti añemoatangatuiño jare mbaeti aparavɨquɨiño.

Filipenses 2:16 ပူးပေါင်းရင်းမြစ်များ

SALMOS 40:9

Amoërakua jupi vae jeta yae vae oyemboatɨa pe, mbaetɨ chekïrii apɨta, cheYa, nde reikuaa.

SALMOS 71:17

CheRu Tumpa, nde chemboe ko chetaɨrusu güive, jare añave rupi jekuae amombeu mbae tuichagüe reyapo vae.

ISAÍAS 49:4

Che ko jae tëi: “Aparavɨkɨ mbateeiño ma, ayembokangɨ mbateeiño ma.” Ërei, cheYa ipo pe ko oï cherekove, jae ko omboekoviata cheve cheparavɨkɨ.

San Mateo 10:27

Pɨtumimbía pe che jae peve vae pemoërakua tembipe pe etei. Jare che jae vɨari peve vae pemoërakua opaete vae pe o iárambo ipe kavía güi.

San Lucas 12:8

Che jae peve kuae: Oime yave kia chemoërakua ïru vae reta jóvai vae, che Kuimbaerä ayeapo vae amoërakuata vi Tumpa iaraɨgua reta jóvai.

San Juan 6:63

Jaeño ko Espíritu omee tekove. Yanderete ipuereä omee yandeve kuae nunga tekove. Kuae amombeu peve vae Tumpa iEspíritu pegua ko jare tekove omee vae ko.

San Juan 6:68

Jare Simón Pedro jei chupe: —OreYa, ¿kia re pa rojota royemboya? Ndeño ko renoi ñee tekove opambae vae pegua.

Hechos 13:26

Tëtara reta, Abraham iñemuña reta jare pe kuaeɨgua peipoɨu Tumpa güi vae reta. Tumpa ombou peve kuae ñee peyemboasauka vaerä.

1 Corintios 1:8

Tumpa jekuaeño tapemomɨ̈rata jae ou ye regua, agüɨye vaerä kia ipuere pemboeko mbae re Jesucristo iväea iara pe.

1 Corintios 9:26

Jáeramo che asɨi jökorai, mbaetɨ asɨi osɨiño vae rami. Añeraro, mbaetɨ omomboiño iyɨva vae rami.

2 Corintios 1:14

echa pe reta peyerovia oreré. Jaeramiño vi ore royeroviata peré yandeYa Jesús ou ye yave.

Gálatas 2:2

Aja, Tumpa oechauka cheve ramo, jare amombeu kavi chupe reta jókuae ñee ikavi vae amoërakua judiombae vae reta pe vae. Ërei chemiari tenondegua reta peño oikuaa kavi reta vaerä, aipotaä ramo cheparavɨkɨ okañɨtei.

Gálatas 4:11

Chepɨatɨtɨ yae peré, echa ayemongeta güɨramoi aparavɨkɨiño ma pepɨte pe.

Filipenses 1:10

peikuaa vaerä peiparavo ikavi vae, peiko kavi vaerä, agüɨye vaerä kia pemboeko Cristo ou ye regua;

Filipenses 1:6

Aikuaa katu, Tumpa omboɨpɨ ma oyapo metei mbaravɨkɨ ikavi vae pepɨa pe vae, jae etei ko jekuaeñota oyapo Jesucristo ou ye regua.

1 Tesalonicenses 2:19

¿Echa mbae pa oreporoäro, oreyerovia ani oreyemboetea? Pe reta ko, yandeYa Jesucristo ou ye yave.

1 Tesalonicenses 3:5

Jáeramo, mbaetɨ ma aropɨa ramo, amondo Timoteo aikuaa vaerä peporogüɨrovia regua. Echa aipoɨu oporombotavɨ vae oyapouka vaerä peve ikavimbae vae, jare jökorai roparavɨkɨiño ma.

Hebreos 4:12

Echa Tumpa iñee ko oikove jare imbaepuere, jaimbe yae metei kɨsepuku jaimbe yoyavi vae güi, ipuere oike yandepɨa pe jare yanderekove pe, yandeyoapɨa pɨa pe jare ñaneäputuu pe; ojäa yandeyemongeta reta jare yandepɨa jemimbota reta.

1 Pedro 1:23

Echa penoi ma tekove ipɨau vae, kuae nunga tekove mbaetɨ ou peru jare pesɨ güi. Penoi ko kuae tekove ipɨau vae Tumpa oikove jare iñee oiko jekuae avei vae rupi.

1 Juan 1:1

Roikuatía peve Ñee tekove opambae vae regua. Jae oikoño mai ndei ɨvɨ oyeapo mbove. Jare ore roendu jókuae Ñee. Roecha kavi, romae jese. Royavɨkɨ vi orepo pe etei.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.