Filipenses 2:13 - Biblia Guarani Tumpa Iñee

¹³ echa Tumpa etei omee peve kɨ̈reɨ jare peyapo vaerä, jae jemimbota rupi.

Nuevo Testamento Guaraní Pe

¹³ Echa Tumpa etei omee peve quɨreɨ peyapo vaera jae jemimbota. Echa Tumpa jemimbota icavi co.

Filipenses 2:13 ပူးပေါင်းရင်းမြစ်များ

1 REYES 8:58

Yandepɨa ñañono ikotɨño yayapo vaerä opaete jae jemimbota jare ñañovatu iporookuai reta, mborookuai reta oyókuai ñaneñemuñagüe reta oyapo vaerä vae.

2 CRÓNICAS 30:12

Tumpa omongúe vi Judá pegua reta ipɨa-kɨ̈reɨ vaerä oyapo reta mburuvicha guasu iporookuai jare iyɨvɨrigua reta iporookuai, yandeYa jei rami.

ESDRAS 1:1

Tenondegua año Ciro omboɨpɨ oï mburuvicha guasurä Persia pe yave, oyembopo vaerä yandeYa iñee Jeremías rupi omombeu vae. YandeYa oñono Ciro mburuvicha guasu Persia pegua ipɨa pe omoërakuauka vaerä mborookuai ñee rupi jare tupapire rupi opaete iporookuaía rupi, jei reve:

ESDRAS 1:5

Jayave oyupavo Judá jare Benjamín iñemuña itenondegua reta, sacerdote reta jare levita reta, opaete jókuae Tumpa omokɨ̈reɨ ipɨa pe yogüeru ye vaerä omopüa yandeYa jo vae reta, Jerusalén pe.

ESDRAS 7:27

Jayave Esdras ombaemboete körai: “Toyemboete yandeYa, ñaneñemuñagüe reta iTumpa, jae oñono kuae yemongeta mburuvicha guasu ipɨa pe, oyemboete vaerä yandeYa jo Jerusalén pe oï vae.

NEHEMÍAS 2:4

Mburuvicha guasu jei cheve: —¿Mbae pe pa chepuere romborɨ? Jayave ayerure Tumpa ara pe oï vae pe,

JOB 33:29

Jökorai Tumpa omae kuimbae re mbovɨ ye rupi,

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

SALMOS 119:36

Chembopɨa-kɨ̈reɨ ndeporookuai reta kotɨ, chemombia mbaepotarai güi.

SALMOS 141:4

Agüɨye emaeño tayemongeta ikavimbae re; agüɨye emaeño tayapo jupimbae iyoa vae reta ndive, agüɨye takaru jae reta ndive iarete pe.

PROVERBIOS 21:1

Sekea rupi ɨ yamondo yaipotaa kotɨ rami; jökorai ko mburuvicha guasu iyemongeta yandeYa ipo pe.

ISAÍAS 26:12

CheYa, nde ko remeeta oreve mbɨakatu, nde ko reyapo ore rupi opaete orerembiapo reta.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

JEREMÍAS 32:38

Jare yogüɨrekota chembae retarä jare che aikota jae reta iTumparä.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.

San Juan 6:45

Ñeemombeúa reta jembikuatía jei körai: “Tumpa omboeta opaete vae.” Jayave, opaete oyeapɨsaka cheRu re vae, jare jae omboe vae, ou chekotɨ.

San Juan 6:65

Jayave jei chupe reta: —Jáeramo amombeu ma peve ngaraa kia ou chekotɨ cheRu güi oñemeeä yave chupe.

Hechos 11:21

YandeYa omborɨ reta, jare jeta vae güɨrovia jare oyerova yandeYa kotɨ.

Romanos 12:3

Tumpa ipɨakavi rupi oñemee cheve vae rupi jae peve kuae: Agüɨye kia ave toyemongeta iyé tuicha yae ko vae, jókuae güɨnoi vae güi. Ërei metei ñavo toyemongeta kavi iyé Tumpa omee chupe mborogüɨrovia rupi vae re.

Romanos 9:11

Ërei ndeiño oa chaguakiri reta. Jare ndeiño oyapo ikavi vae ani ikavimbae vae mbove (kuae ko Tumpa oiparavo jae jemimbota rupi oiko vaerä; mbaetɨ oiparavo jembiapo rupi, jaeño jae jemimbota rupi),

Romanos 9:16

Jáeramo, mbaetɨ yande yaipota vae ani ayemoambeko vae rupi, jaeño Tumpa iporoparareko rupi.

1 Corintios 12:6

Jare mbaravɨkɨ yayapo vae reta opa oyoavɨ avɨ, ërei Tumpa opaete mbaembae iyapoa, meteiño ko.

1 Corintios 15:10

Ërei Tumpa ipɨakavi rupi ko aï. Mbaetɨ ipɨakaviiño chekotɨ, echa aparavɨkɨ täta yae opaete ïru reta temimondo reta güi. Ërei mbaetɨ ko cheiño, Tumpa ipɨakavi omee cheve vae ko oparavɨkɨ.

2 Corintios 3:5

Opaete mbaembae royapo vae oreyeugüi aeñoä ko. Tumpa güiño ko ou opaete mbaembae royapo vaerä.

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 1:5

iporoaɨu rupi iyɨpɨ güive voi yandeparavo yandeapo vaerä taɨ retarä Jesucristo rupi, jae ipɨa jemimbota rupi,

Efesios 1:9

jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

Efesios 2:8

Echa Tumpa ipɨakavi rupi ko pemboasa, peporogüɨrovia rupi; kuae mbaetɨ ko peyeugüi aeño, mbota ko Tumpa güi;

2 Tesalonicenses 1:11

Jáeramo royerure avei peré, Tumpa jupi ko perenoi vaerä jae iporoparavo pe, jare ombopo vaerä imbaepuere rupi opaete peipota vae peporogüɨrovia rupi peyapo vae.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Hebreos 13:21

tapembojupi opaete mbae pe, peyapo vaerä jemimbota; Tumpa toyapo yanderé oipota vae Jesucristo rupi; ¡toyemboete Cristo jekuae avei rupi! ¡Amén!

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.