Filipenses 2:1 - Biblia Guarani Tumpa Iñee

¹ Jáeramo, Cristo pemoäta ngatu jare pembopɨakatu yave, jare metei rami peï Espíritu Santo rupi yave, peyoaɨu jare peyoparareko yave,

Nuevo Testamento Guaraní Pe

¹ Jae rambue Cristo ipuere pemoatangatu rambue, jare Cristo iporoaɨu ipuere pembopɨacatu rambue, jare Espíritu Santo ipuere imiari peve rambue, jare pepuere peyoaɨu rambue, jare pepuere peyoparareco rambue,

Filipenses 2:1 ပူးပေါင်းရင်းမြစ်များ

SALMOS 133:1

Mase, ¡täta ikavi jare ipöra, opaete oñoëtara vae reta yogüɨreko vaerä metei rami!

ISAÍAS 16:11

Jáeramo, chepɨa yaeo arpa ipu rami, Moab re jare Kir-hareset re.

San Lucas 2:25

Jare jókuae ara oiko Jerusalén pe metei kuimbae Simeón jee vae; jókuae kuimbae jupi vae oäro oiko Israel pegua reta iyeyora. Jare Espíritu Santo oï jese.

San Juan 14:18

Che ngaraa poeya tɨ̈reɨ. Ayu yeta ko pépɨri.

San Juan 14:27

Mbɨakatu aeya pe ndive. Mbɨakatu che anoi vae amee peve. Che ameeä peve ɨvɨ pegua reta omee rami. Agüɨye peyembopɨajopa, agüɨye vi pekɨɨye.

San Juan 17:13

Ërei ajata ma ndépɨri. Körai chemiari chupe reta ɨvɨ pe aiko ramboeve, jae reta oyerovia yae vaerä che ayerovia rami.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

Hechos 4:32

Jare opaete oporogüɨrovia vae reta metei ramiño ñogüɨnoi. Mbaetɨ metei ave jei imbaembae re: “Kuae ko chembae.” Echa opaete imbaembae reta güɨnoi metei ramiño.

Romanos 5:5

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

Romanos 8:26

Jaeramiño vi Espíritu Santo yandemborɨ, mbaetɨ ñanepɨ̈rata ramo. Echa mbaetɨ yaikuaa kërai yayerure vaerä jaekavi vae re, jáeramo Espíritu Santo etei oyerure yanderé Tumpa pe iä-yekɨi reve ñee ñajäa rapembae vae pe.

1 Corintios 12:13

echa metei Espíritu Santo rupi yayembobautisa opaete, Cristo jete yayeapo vaerä. Judío reta ani judiombae vae reta, tembiokuai ani tembiokuaimbae vae reta. Jare opaete vae yaɨu metei vae Espíritu Santo güi.

1 Corintios 15:31

Cherɨvɨ reta, ara ñavo amano vaerä aiko. Kuae añete ko, yerovia anoi peré yandeYa Jesucristo re vae rami.

1 Corintios 3:16

¿Mbaetɨ pa peikuaa pe reta ko jae Tumpa jo jare Tumpa iEspíritu oiko pepɨa pe vae?

2 Corintios 13:14

YandeYa Jesucristo ipɨakavi, Tumpa iporoaɨu jare Espíritu Santo iñemoïru toï opaete pe ndive. ¡Amén!

2 Corintios 2:14

Yasoropai Tumpa pe, echa jae jekuaeño oremborɨ roporomoamɨri vaerä Cristo Jesús rupi, jare omee oreve ñee ikavi vae roikuaauka vaerä opaete kerupi, mbae ikäti kavi vae otimbo kavi opaete rupi rami.

Gálatas 4:6

Jare taɨ reta ma yaiko ramo, Tumpa ombou yandepɨa pe Taɨ iEspíritu. Jae jei: “CheRu, cheRu.”

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

Efesios 4:4

metei jeteño, jare metei Espíritu, Tumpa pereenɨi peporoäro vaerä metei ramiño;

Filipenses 1:8

Echa Tumpa oikuaa kërai che poaɨu yae ko, Jesucristo iporoaɨu rupi etei.

Filipenses 3:3

Echa yande ko jae añetete oyembocircuncida vae reta, echa yande yamboete Tumpa Espíritu rupi, mbaetɨ etei yayeko yandesoo pe oyeapo vae re.

Colosenses 2:2

pepɨakatu vaerä, jare peyoaɨu vaerä metei ramiño, peupitɨ regua opaete arakuaa, peikuaa regua yandeRu Tumpa jare Cristo regua yaikuaambae vae.

Colosenses 3:12

Peyemonde Tumpa jembiparavo, jae oñono tee iyeupeguarä jare jembiaɨu reta rami: Peporoparareko ete kavi, pepɨakavi oyoupe, peñemomichi, pepɨaguasu oyoupe,

Hebreos 6:18

Mókoi reve, Tumpa oñererökuavee vae jare jei jee re aeño oyepoepɨmbae re, Tumpa ngaraa etei iyapu, ñanoi mbɨakatu tuichagüe yande yaeka Tumpa iporomborɨ vae jare ñaäro yayerovia reve ñanoi vaerä Tumpa güɨrökuavee yandeve vae.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.

1 Juan 3:24

Jare Tumpa iporookuai reta oyapo vae oiko avei ko Tumpa re, jare Tumpa jese. Jare kuae re yaikuaa Tumpa oiko ko yanderé vae: Jae ko Espíritu Santo omee vae rupi.

1 Juan 4:12

Mbaetɨi kia ave oecha Tumpa. Ërei yayoaɨu päve yave, Tumpa oiko yanderé, jare iporoaɨu okuakuaa yanderé.

1 Juan 4:16

Yaikuaa ko jare yarovia ko Tumpa yanderaɨu. Tumpa ko mboroaɨu; oiko mboroaɨu pe vae oiko ko Tumpa re jare Tumpa oiko jese.