Filipenses 1:7 - Biblia Guarani Tumpa Iñee

⁷ Jupi ko ayemongeta vaerä körai peré, echa poaɨu yae. Tembipɨɨrɨru pe aï yave, ayeepɨ aï yave jare ñee ikavi vae amoañete aï yave, opaete pe reta vi ko peï che ndive.

Nuevo Testamento Guaraní Pe

⁷ Icavi co añemongueta vaera corai peré. Echa poaɨu yae. Tembipɨɨrɨru pe ai rambueve, jare aicuauca yave iru vae reta pe ñee icavi vae Tumpa pegua co jare añete vae co, Tumpa jecuaeño omee cheve ipɨacavi. Jare mbɨacavi omee cheve vae omee peve vi.

Filipenses 1:7 ပူးပေါင်းရင်းမြစ်များ

Hechos 20:23

Jaeño aikuaa opaete tëta guasu reta rupi Espíritu Santo omombeu cheve cheräro tembipɨɨrɨru jare jeta tembiporara.

Hechos 21:33

Jayave sundaro jeta vae juvicha ou oväe yave oipɨɨ Pablo. Oyókuai sundaro reta oipokua vaerä mókoi karena pe. Jayave oparandu kia ra ko jae jare mbae ra ko oyapo vae.

1 Corintios 13:7

yaiporara opaño mbae, opaete re yarovia, opaete mbae ñaäro, opaete mbae yaropɨa.

1 Corintios 9:23

Opaete kuae ayapo ñee ikavi vae jeko pegua, anoi vaerä vi pɨpe chembae.

2 Corintios 3:2

Echa pe reta etei ko jae oretupapire oyekuatía oï orepɨa pe vae rami. Opaete pereecha vae oikuaa jare omongeta vae rami ko.

2 Corintios 7:3

Kuae mbaetɨ jae peve pomboeko vaerä. Echa che jae ma peve kërai ore pogüɨnoi avei orepɨa pe, yaikove ani ñamano regua.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Efesios 6:20

Echa Tumpa chembou jekovia pe amoërakua vaerä; kuae jeko pegua tembipɨɨ aï. Peyerure cheré, amoërakua vaerä akɨɨyembae reve.

Filipenses 1:12

Cherɨvɨ reta, aipota peikuaa vaerä kërai oyeapo cheve vae omborɨ ko oñemoai vaerä ñee ikavi vae.

Filipenses 1:13

Echa opaete sundaro mburuvicha guasu jo pegua reta jare opaete ïru vae reta oikuaa kërai che kuae tembipɨɨrɨru pe aï Cristo pe ayeokuai ramo.

Filipenses 1:14

Jare jeta yanderɨvɨ reta oñemoäta ngatu yandeYa kotɨ, oikuaa reta tembipɨɨrɨru pe oyeapo cheve vae ramo. Jare jae reta jei ete omombeu Tumpa iñee okɨɨyembae reve.

Filipenses 1:5

echa pe reta jekuaeño peiko ñee ikavi vae pe peendu güive añave regua.

Filipenses 2:22

Ërei peikuaa ko kërai Timoteo jeko, kërai jae oyeokuai Tumpa pe che ndive cheraɨ ete ramiecha, ñee ikavi vae romombeu vaerä.

Filipenses 4:14

Ërei, peyapo ma ikavi vae cheve, chemborɨ ma aiporara aï yave.

Filipenses 4:15

Jare pe Filipoɨgua reta, peikuaa vi kërai ñee ikavi vae amboɨpɨ amombeu yave, aja Macedonia güi yave, mbaetɨ yé ïru oporogüɨrovia vae reta chemborɨ, jaeño pe reta.

Filipenses 4:3

Jare che romoñera, nde cheparavɨkɨ ïru ete, remborɨ vaerä kuae kuña reta. Echa jae reta oparavɨkɨ täta che ndive, romombeu vaerä ñee ikavi vae. Oparavɨkɨ reta Clemente ndive jare ïru che ndive oparavɨkɨ vae reta ndive vi. Kuae reta jee oñemoapɨta ma tupapire tekove pegua pe.

Colosenses 4:18

Che etei amondo peve tamaraeme, aikuatía chepo pe etei. Pemaendúa tembipɨɨrɨru pe aï vae re. Tumpa ipɨakavi toï pe ndive. ¡Amén!

Colosenses 4:3

Jare peyerure vi oreré, yandeYa oipea vaerä oreve öke romoërakua vaerä Cristo regua yaikuaambae vae, echa jókuae re ko che aï kuae tembipɨɨrɨru pe.

1 Tesalonicenses 5:5

Echa opaete pe reta ko tembipe pegua jare ara pegua reta. Mbaetɨ ko yande reta pɨ̈tu pegua ani pɨtumimbi pegua.

2 Timoteo 1:8

Jáeramo agüɨye nemara remombeu vaerä yandeYa regua, ani cheregua. Echa che aiko kuae tembipɨɨrɨru pe yandeYa pe ayeokuai ramo. Ërei eiporaraño ñee ikavi vae re, Tumpa imbaepuere rupi.

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

Filemón 1:13

Echa aipota tëi viña amombɨta che ndive, jae oyeokuai vaerä cheve ndepoepɨka pe, kuae tembipɨɨrɨru pe aï ramboeve ñee ikavi vae jeko pegua.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

1 Pedro 4:13

Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yae vaerä jae iyemboetea oyekuaa yave.

1 Pedro 5:1

Amoñera oporogüɨrovia vae reta itenondegua reta pepɨte pe ñogüɨnoi vae. Che vi akuakuaa ma jae reta rami, jare amoërakua vi Cristo oiporara yanderé vae re. Jare Cristo oyekuaa yave, che vi ayeroviata jae ndive.

2 Pedro 1:13

Jaekavi cheve aiko vae aï ramboeve pomomae vaerä kuae yemboarakuaa reta rupi.

1 Juan 3:14

Yande yaikuaa yaasa ma ko mano güi tekove pe, jókuae yaikuaa yayoaɨu vae rupi. Mbaetɨ oaɨu ïru oporogüɨrovia vae, omano vɨteri ko oï.