Filipenses 1:27 - Biblia Guarani Tumpa Iñee

²⁷ Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Nuevo Testamento Guaraní Pe

²⁷ Jaeño peico cavi. Echa perovia ma ñee icavi vae Cristo regua. Jae rambue icavi co peico cavi vaera. Güɨramoi ajata apou pepɨri. Erei mbaeti yave, aipota pereracua cavi vaera cheve, quirai peñemomɨrata metei ramiño, jare quirai peñemoatangatu metei ramiño mborogüɨrovia ñee icavi vae regua penoi vae re,

Filipenses 1:27 ပူးပေါင်းရင်းမြစ်များ

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

1 Corintios 1:10

Cherɨvɨ reta, che pomoñera yandeYa Jesucristo jee re pemiari kavi metei rami, agüɨye peyemboyao oyougüi. Pomoñera peiko kavi vaerä oyoupi. Toyovake peyemongeta jare pepɨa yovake.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

Judas 1:3

Cherɨvɨ aaɨu vae reta, chekɨ̈reɨ yae aikuatía peve yandeyemboasa regua. Ërei ikavi cheve aikuatía vaerä peve pomboarakuaa vaerä peñemoäta ngatu mborogüɨrovia oñemee oñeñono tee vae reta pe vae re.

1 Tesalonicenses 4:1

Añave cherɨvɨ reta, pomoñera jare pomboarakuaa yandeYa Jesús re, kërai peyemboe oregüi kërai peiko vaerä jare pemboyerovia vaerä Tumpa, jökorai jeiete avei peyapo.

Filipenses 2:12

Jáeramo, cherɨvɨ poaɨu vae reta. Peyapo avei che jae peve peyapo vaerä vae rami, peyapo yepe tëi añave mbaetɨ aï pe ndive. Peñemoäta ngatu yae yemboasa penoi vae rupi peipoɨu pemboete reve;

Filipenses 3:18

Echa oime jeta yogüɨreko oyovaicho reve Cristo ikurusu kotɨ vae. Jeta vese ma amombeu peve kuae reta regua, jare añave amombeu ye peve cheresaɨ reve;

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

Hechos 4:32

Jare opaete oporogüɨrovia vae reta metei ramiño ñogüɨnoi. Mbaetɨ metei ave jei imbaembae re: “Kuae ko chembae.” Echa opaete imbaembae reta güɨnoi metei ramiño.

SALMOS 133:1

Mase, ¡täta ikavi jare ipöra, opaete oñoëtara vae reta yogüɨreko vaerä metei rami!

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

2 Pedro 3:11

Jare peikuaa ma opaete mbaembae añave yaecha vae opata oyemboai, jáeramo ¡ikavi ko peiko vaerä peyoambae reve, Tumpa pemboete reve!

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

Romanos 1:16

Mbaetɨ aromara ñee ikavi vae. Echa Tumpa imbaepuere ko, opaete güɨrovia vae reta güɨnoi vaerä yemboasa. Tenonde ete judío reta, jaɨkue rupi judiombae vae reta.

Santiago 3:18

Mbɨakatu iyapoa reta oyapo mbɨakatu rupi kavi vae, oarɨvota jupi vae.

Filemón 1:5

echa jërakua cheve mboroaɨu jare mborogüɨrovia nde renoi yandeYa Jesús kotɨ jare opaete oporogüɨrovia vae reta kotɨ vae.

Tito 2:10

agüɨye timonda, ërei toechauka kavi iya pe ipuere vaerä güɨrovia katu, jökorai oikuaaukata ikavi yae ko Tumpa Yandemboasa vae iporomboe.

2 Timoteo 4:7

Opa amboapɨ ñoraro, amboapɨ ñoñókuai, mbaetɨ aeya cheporogüɨrovia.

1 Timoteo 1:19

reñemomɨ̈rata reve ndeporogüɨrovia re, ndeyemongeta kavi reve. Echa amogüe vae oyapo agüɨyeta tëi oyapo vae. Jáeramo, ogüɨapi iporogüɨrovia pe,

1 Timoteo 1:11

Kuae mboromboe ñee ikavi vae Tumpa iyemboetea yae vae regua, cheve oñemee vae ko.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

San Mateo 12:25

Jesús oikuaa fariseo reta iyemongeta jare jei chupe reta: “Metei mborookuaía pegua reta oyovaicho oyoupii yave, oyomboaita ko; jaeramiño vi metei tëta pegua reta ani metei o pegua reta oyovaicho oyoupii yave, opata ko oyomboai.

PROVERBIOS 22:23

echa yandeYa oepɨta jókuae reta, oiporaraukata, jókuae oiporarauka chupe vae reta pe.

1 Tesalonicenses 3:6

Ërei Timoteo ou yave jokotɨ güi, omombeu oreve peporogüɨrovia jare peporoaɨu re. Jei vi oreve kërai pemaendúa avei oreré oreraɨu reve vae, jare pekɨ̈reɨ yae orereecha, ore rami.

Colosenses 1:4

Körai roendu perovia Cristo Jesús re, jare kërai peaɨu opaete oporogüɨrovia vae reta,

Filipenses 2:24

ërei ayeko yandeYa re, che vi ajata pépɨri kuri.

Efesios 1:15

Jáeramo che aikuaa perovia yandeYa Jesús re yave, jare kërai peaɨu opaete oporogüɨrovia vae reta,

Efesios 1:13

Jare pe reta vi perovia Cristo re, peendu yave ñee añete vae, ñee ikavi vae yemboasa pegua yave, Tumpa pemokañɨmaa Espíritu Santo jae güɨrökuavee vae pe.

Gálatas 1:7

Ërei mbaetɨ ko ïru ñee ikavi vae. Jaeño oime amogüe pembojopa vae. Echa jae reta güɨrova ñee ikavi vae Cristo regua.

2 Corintios 9:13

Echa jókuae omboresive vae rupi omboete retata Tumpa, oecha retata kërai peyapo ko ñee ikavi vae Cristo regua vae. Omboete retata Tumpa pekɨ̈reɨ ngatu reve pemee chupe jare opaete peguarä vae re.

2 Corintios 4:4

Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.

Romanos 15:29

Jare aikuaa che aja pépɨri yave, arajata peve ñee ikavi vae Cristo iporerekua rupi.

Romanos 15:16

ayeokuai vaerä Jesucristo pe judiombae vae reta ipɨte pe, amoërakua Tumpa ñee ikavi vae. Judiombae vae reta vi oñemee vaerä mbota Tumpa pe oñemee vae rami, oñono tee Espíritu Santo rupi vae.

Romanos 10:8

Ërei Tumpa ¿mbae pa jei?: “Cheñee köiño oï ndegüi. Ndeyuru pe jare ndepɨa pe.” Jae ko kuae ñee mborogüɨrovia pegua romoërakua ïru vae reta pe vae.

Romanos 1:9

Che ayeokuai Tumpa pe opaete chekɨ̈reɨ reve. Echa amombeu ïru vae reta pe ñee ikavi vae Tumpa Taɨ regua. Jae oikuaa kërai ayerure avei chupe peré vae.

Romanos 1:5

Jesucristo rupi Tumpa omee oreve ipɨakavi jare oremondo romoërakua vaerä opaete vae tëtaguasu pegua reta pe, oporogüɨrovia reta vaerä, Tumpa jee omboete reta vaerä.

Hechos 24:24

Mbovɨ ara pe Félix ou jembireko Drusila ndive. Drusila ko jae metei judía. Jayave Félix oenɨi Pablo, jare oyeapɨsaka mborogüɨrovia oï Jesucristo re vae re.

SALMOS 122:3

Jerusalén, ¡metei ramiño tëta guasu oyeapo oï vae!

Filipenses 1:5

echa pe reta jekuaeño peiko ñee ikavi vae pe peendu güive añave regua.

Filipenses 3:20

Ërei ñanerëta ara pe ko oï, jare ñaäro ñaï joko güi ou vaerä Yandemboasa vae, jae ko yandeYa Jesucristo,

Filipenses 4:1

Jáeramo, cherɨvɨ poaɨu vae reta, aipota yae poecha vae reta, ayerovia peré vae reta, cheparavɨkɨ jekovia reta, peñemomɨ̈rata avei yandeYa re.

1 CRÓNICAS 19:12

jare jei: “Siriaɨgua reta reecha jëia chegüi yave, nde eyu chemborɨ, jare Amón iñemuña reta aecha jëia ndegüi yave, che romborɨta.