Filipenses 1:21 - Biblia Guarani Tumpa Iñee

²¹ Echa chevegua tekove jae ko Cristo, jare mano ko jae ikavi vae.

Nuevo Testamento Guaraní Pe

²¹ Echa jecuaeño aico yave, ayeocuaiñotai co Cristo pe. Jare amano yave, icavi yaeta co cheve.

Filipenses 1:21 ပူးပေါင်းရင်းမြစ်များ

1 Corintios 1:30

Ërei Tumpa etei peapo metei ramiño Cristo Jesús ndive. Echa Cristo Jesús rupi Tumpa omee yandeve arakuaa, yembojupi, ñaneñono tee jare yandereepɨ.

1 Corintios 3:22

Pablo, Apolos, Cefas, ɨvɨ, tekove, mano, añave oyeapo vae jare opaete oyeapota vae, opaete pembae ko.

2 Corintios 5:1

Echa yaikuaa yanderete opata ko, o yaiko pɨpe vae opa rami. Ërei opa yave Tumpa omeeta yandeve o ipɨau vae opambae vae, ara pe.

2 Corintios 5:6

Jáeramo jekuaeño yayerovia, echa yaikuaa kuae ɨvɨ pe yaiko ramboeve, ndeiño ñaï yandeYa ndive.

2 Corintios 5:8

Ërei jekuaeño yayerovia. Jare yaipotaecha yaeya yanderete, ñaï vaerä yandeYa ndive.

Gálatas 2:20

Cristo ndive ko che ayekutu kurusu re, jáeramo mbaetɨ ma aikove, jaeño Cristo oikove chepɨa pe. Jare añave aikove aiko ramboeve, aiko mborogüɨrovia Tumpa Taɨ re anoi vae re. Echa jae cheraɨu, jare jae aeño oñemee omano vaerä cheré.

Gálatas 6:14

Ërei yandeYa Jesucristo ikurusu reño ayemboeteta. Jesucristo re arovia ramo, chevegua ɨvɨ pegua teko omano, jare chupegua che amano vi.

Filipenses 1:20

Körai oyeapota che aäro vae, echa jekuaeño aipota aiko chemarambae reve. Aipota aiko akɨɨyembae reve Cristo oyemboeteuka vaerä cherupi, aikove vae rupi ani amano vae rupi.

Filipenses 1:22

Ërei aikoveño vae jaekavita aparavɨkɨ vaerä Tumpa pe yave, ¡mbaetɨ ma aikuaa mbae aiparavo vaerä!

Filipenses 1:23

Mókoi reve jaekavi yae cheve: Aipota amano, Cristo ndive aï vaerä, echa jókuae ikavi yaeta ko cheve.

Filipenses 2:21

Echa opaete vae oyemoambeko iyé aeño, mbaetɨ oyemoambeko Cristo Jesús iparavɨkɨ re.

Colosenses 3:4

Cristo ko perekove. Cristo oyekuaa ye yave, pereta vi peyekuaata jae ndive mbaemboetea reve.

Apocalipsis 14:13

Jare aendu metei ñee ara güi jei cheve: “Eikuatía kuae: ‘Oyerovia ko añave güive yandeYa re güɨrovia güi omano vae reta.’ ” Jei Espíritu: “Oyerovia ko, echa oputuu retata iparavɨkɨ güi. Echa iparavɨkɨ ojo jae ndive.”