Filipenses 1:19 - Biblia Guarani Tumpa Iñee

¹⁹ echa aikuaa opaete kuae ikavita ko cheve ayeyora vaerä, pe reta peyerure cheré ramo, jare Jesucristo iEspíritu chemborɨ ramo.

Nuevo Testamento Guaraní Pe

¹⁹ Echa aicuaa opaete cuae icavita co cheve, pe reta peyerure cheré rambue, jare Jesucristo iEspíritu chemborɨ rambue.

Filipenses 1:19 ပူးပေါင်းရင်းမြစ်များ

Hechos 16:7

Jare ɨvɨ Misia pe yogüɨraja oväe yave, oipota tëi yogüɨraja ɨvɨ Bitinia pe. Ërei Espíritu Santo omaeñoä yogüɨraja vaerä.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

Romanos 8:9

Ërei pe reta mbaetɨ ma peiko soo jemimbota rupi, peiko ma Espíritu Santo jei vae re, oime yave jae oiko pe ndive. Ërei kia mbaetɨ güɨnoi Cristo iEspíritu vae, jae imbaeä ko.

1 Corintios 4:17

Kuae jeko pegua amondo aï pekotɨ Timoteo. Jae ko cheraɨ aaɨu vae, jare jupi yandeYa kotɨ vae. Jae pemomaenduata kërai che aiko Cristo re, jare kërai amboe opaete rupi ñogüɨnoi oporogüɨrovia vae reta vae.

2 Corintios 1:11

pe reta oremborɨ peyerure oreré vae rupi. Jökorai jeta vae reta iyerure rupi oñemee oreve Tumpa ipɨakavi. Jare jeta vae omee yasoropai Tumpa pe.

Gálatas 3:5

Tumpa omee peve Espíritu Santo vae, jare oyapo mɨakañɨ reta pepɨte pe vae. ¿Oyapo pa kuae mbaembae mborookuai jei vae peyapo vae rupi, ani ñee ikavi vae peendu yave peporogüɨrovia vae rupi?

Gálatas 4:6

Jare taɨ reta ma yaiko ramo, Tumpa ombou yandepɨa pe Taɨ iEspíritu. Jae jei: “CheRu, cheRu.”

Filipenses 1:18

Ërei jaekaviño ko. Echa yepe tëi jökorai reve omombeu reta ko Cristo regua, jókuae chemboyerovia. Jare jekuaeñoi ko ayeroviata,

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.