Filipenses 1:18 - Biblia Guarani Tumpa Iñee

¹⁸ Ërei jaekaviño ko. Echa yepe tëi jökorai reve omombeu reta ko Cristo regua, jókuae chemboyerovia. Jare jekuaeñoi ko ayeroviata,

Nuevo Testamento Guaraní Pe

¹⁸ Erei icaviño co. Echa opaete quirai rupi jaeñoi omombeu reta Cristo regua - amogüe vae oipota tei oyapo icavi mbae vae cheve, jare iru vae reta oipota oyapo icavi vae cheve. Cuae jeco pegua ayerovia ai. Jare jecuae ayeroviata co.

Filipenses 1:18 ပူးပေါင်းရင်းမြစ်များ

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Marcos 12:40

Jare jae reta opɨ̈ro imemano vae reta güi opaete imbaembae, jare oyereroviauka vaerä puku oyerure reta Tumpa pe añetegüe nunga. Jáeramo Tumpa oiporarauka yaeta chupe reta.”

San Lucas 9:45

Ërei jae reta mbaetɨ oikuaa kavi mbae re ra Jesús imiari vae. Echa oñeomi oï chugüi reta, jare oipoɨu reta oparandu vaerä chupe jese.

San Lucas 9:50

Jesús jei chupe: —Agüɨye peyopia. Echa mbaetɨ oyovaicho yande ndive vae yandemborɨ ko.

Romanos 3:9

¿Kërai pa jayave? ¿Yande pa jayave ikavi yae chugüi reta? ¡Mbaetɨ ko! Yamboeko ma judío reta jare judiombae vae reta. Kërai opaete vae ñogüɨnoi mbaeyoa imbaepuere pe.

Romanos 6:15

¿Kërai pa jayave? ¿Jeieteiñota pa yandeyoa, mbaetɨ ramo yaiko mborookuai igüɨ pe, ërei ñaï Tumpa ipɨakavi igüɨ pe? ¡Mbaetɨ ko!

1 Corintios 10:19

Kuae rupi mbaetɨ aipota jae metei tumpa-raanga Tumpa ko vae, ani tumpa-raanga pe mɨmba oyeyuka oñemee vae isoo, ambuaeyee ko ïru soo güi.

1 Corintios 14:15

¿Kërai pa jayave? Tayerure espíritu rupi jare tayerure vi aikuaa reve kavi. Jaeramiño vi tatairari espíritu rupi jare tatairari vi aikuaa reve kavi.

1 Corintios 15:11

Echa che ra ani jae reta ra omoërakua peve Cristo regua, ërei jökorai pe reta perovia.

Filipenses 1:19

echa aikuaa opaete kuae ikavita ko cheve ayeyora vaerä, pe reta peyerure cheré ramo, jare Jesucristo iEspíritu chemborɨ ramo.