Filipenses 1:11 - Biblia Guarani Tumpa Iñee

¹¹ ayerure jekuaeño peyapo vaerä mbaembae ikavi vae jupi vae pegua Jesucristo rupi, Tumpa oyemboeteuka vaerä.

Nuevo Testamento Guaraní Pe

¹¹ Ayerure jecuaeño peyapo vaera mbaembae icavi vae jupi vae pegua Jesucristo rupi. Echa corai Tumpa oñemboeteucata.

Filipenses 1:11 ပူးပေါင်းရင်းမြစ်များ

SALMOS 1:3

Jókuae nunga kuimbae ko metei ɨvɨra ɨ̈aka jembeɨ pe oï vae rami, ia iara oväe yave ia, jokɨ katu avei, mbaetɨ jo osururu. ¡Opaete mbaembae oyapogüe oë kavi chupe!

ISAÍAS 5:2

Oikëse iɨvɨ jare opa güɨnoe ita omombo, jare oñotɨ uva iɨ ikavigüe. Jare jemitɨ mbɨte pe omopüa maeka ɨvate vae, jare oyapo vi uva oitɨami pɨpe vaerä. Chevɨa-ïru oäro tëi iuva iagüe jëe kavi vaerä, ërei iuva iagüe jayasɨ yae chupe.

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 61:11

Echa ɨvɨ pe jokɨ ɨvɨra, jare kó raɨ pe jokɨ pɨau temitɨ vae rami ko, jökorai yandeYa Tumpa oyapota jupi vae, jare opaete tëtaguasu reta otairarita ombaemboete.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

San Juan 15:2

Opaete jäka iambae oï cheré vae cheRu oyasɨata. Jare opaete jäka ia vae reta oitɨota, jeta ia vaerä.

San Juan 15:8

CheRu oyemboeteuka ko jeta peia yave. Jare körai peikuaaukata pe reta ko cheremimboe reta.

Romanos 15:28

Jáeramo, araja oyemboatɨgüe aeya chupe reta yave, ajata perupi aja yave España kotɨ.

Romanos 6:22

Ërei añave peyeyora ma mbaeyoa güi jare peyeapouka ma Tumpa jembiokuai retarä ramo, peñeñono teeuka ma jare iyapɨ ete pe penoita tekove opambae vae.

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

2 Corintios 9:10

Tumpa ko omee temitɨ, omaetɨ vae pe; jare omee tembíu okaru vae pe. Jae ko omeeta peve jare omoñemuñata peve peremitɨ reta, jeta peporomborɨ vaerä.

Efesios 1:12

Oyemboeteuka vaerä ore rupi, ore räri Cristo re rogüɨrovia vae reta rupi.

Efesios 1:14

Jae ko oikuaauka Tumpa omeeta yandeve vae iyarä ko yande vae, yandereraja ete regua, oyemboeteuka vaerä.

Efesios 2:10

Echa Tumpa jembiapo ko yande, yandeapo Cristo Jesús re, yayapo vaerä mbae ikavi vae. Kuae ko tenonde güive voi ma Tumpa omokätɨro yayapo vaerä.

Efesios 5:9

Echa Espíritu omee yandeve vae ko mbɨakavi, mbaejupi jare añete vae.

Filipenses 4:17

Mbaetɨ ko aeka mbota, jaeño aipota vae jae ko jeta Tumpa omboekovia vaerä peve.

Colosenses 1:10

Peguata kavi vaerä, Tumpa oenɨigüe reta oguata rami kavi, pemboyerovia opaete mbaembae pe. Peyapo avei opaete mbaembae ikavi vae. Peikuaa kavi ete avei Tumpa.

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

2 Tesalonicenses 1:12

Jökorai yave yandeYa Jesucristo jee oyemboeteukata peré, jare pe reta jese, yandeRu Tumpa jare yandeYa Jesucristo ipɨakavi rupi.

Tito 3:14

Jare oporogüɨrovia vae reta toyemboe jekuaeño oyapo vaerä ikavi vae, ipuere vaerä omborɨ mbae oata chupe vae reta. Echa jökorai oyapo reta yave, oyeokuai ko Tumpa pe.

Hebreos 12:11

Añete ko, yembosɨmbi pe ñaï yave, yandepɨatɨtɨ ko, mbaetɨ ko yayerovia. Ërei taɨkue rupi yaikuaa yandemborɨ yayapo vaerä jupi vae yandepɨakatu reve.

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Pedro 2:5

Jaeramiño vi pe reta ko jae ita oikove vae reta rami, peyeapo metei o Espíritu pegua vae jare sacerdote pegua mbaravɨkɨ ikɨambae vae, pemee vaerä mbota Espíritu pegua Tumpa omboyerovia vae Jesucristo rupi.

1 Pedro 2:9

Ërei pe reta ko jae ñemuña oyeparavogüe, sacerdote reta, tëtaguasu oñeñono tee vae, Tumpa peparavo jae imbaerä, pemoërakua vaerä mbae tuichagüe oyapogüe, perenoe pɨtumimbi güi peiko vaerä jembipe ikavi yae vae pe.

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.