EZEQUIEL 9:8 - Biblia Guarani Tumpa Iñee

⁸ Jae reta omboɨpɨ oporoyuka yave, apɨta cheño. Jayave ayetavatɨka chetindɨasɨ reve ɨvɨ re jare cheräse reve jae: “¡CheYa Tumpa! ¿Opata pa remokañɨtei Israel iñemuña reta jembɨregüe, reitɨ ramboeve ndearasɨ Jerusalén re?”

EZEQUIEL 9:8 ပူးပေါင်းရင်းမြစ်များ

GÉNESIS 18:23

Abraham oya katu jese jare oparandu chupe: —¿Remboaita vi pa jupi vae, jeko vae ndive?

1 CRÓNICAS 21:16

David omopüa iñäka yave oecha yandeYa iaraɨgua oyekuaa oï ɨvate, güɨnoi ipo pe ikɨsepuku güɨnoe jɨru güi vae güɨropövee Jerusalén kotɨ. Jayave David jare tenondegua reta ndive, oyetavatɨka itindɨasɨ reve ɨvɨ re, oñeapeva reve temimonde mbɨatɨtɨ pegua pe,

ESDRAS 9:5

jayave ramo apüa chepɨatɨtɨa güi, cheremimonde jare cheñeapevaka osoro reve ayetavatɨka jare ayerure aupi reve chepo cheYa Tumpa pe,

JEREMÍAS 14:13

Jare che jae chupe: “¡Atataɨ cheYa Tumpa! Ñeemombeúa reta ko omoërakua kuae tëta pe mbaetɨta ñeraro, karuai jare nde remeeta chupe reta mbɨakatu opambae vae kuae pe vae.”

JEREMÍAS 14:19

CheYa, ¿remombo ete pa ko Judá? ¿Reröɨro pa tëta guasu Sión? ¿Maera pa ko orembopere, rokuerambae vaerä? Roäro tëi mbɨakatu, ërei mbaetɨ mbae ikavigüe ou oreve. Roäro tëi rokuera vaerä, jaeño jeiete kɨɨye ou oreve.

JEREMÍAS 4:10

Jare jae: “¡Atataɨ cheYa, rembotavɨ ete kavi opaete vae reta, kuae Jerusalén pegua reta! Mbɨakatu rerökuavee chupe reta, ërei jae reta oiporara yae ñogüɨnoi.”

EZEQUIEL 11:13

Chemiari aï ramboeve yandeYa jee re, Pelatías, Benaía taɨ omanoɨvɨ. Jayave ayetavatɨka chetindɨasɨ reve ɨvɨ re, jare asapúkai täta jae: “¡Atataɨ cheYa! ¿Opata pa remokañɨtei Israel pe jembɨregüe reta?”

EZEQUIEL 4:14

Jare che jae chupe: “¡Atataɨ cheYa!, che aikove aiko ramboeve mbaetɨi apoko mbae ikɨa oï Tumpa jóvai vae re; mbaetɨi jau mɨmba omanoiño vae isoo, ani mbaeporou jembia, mbaetɨi jau soo ikɨa oï Tumpa jóvai vae.”

EZEQUIEL 7:8

Añave voi jaema aitɨta chearasɨ nderé, chepɨakatu apɨta regua, rojäata ndereko reta oï rupi, jare aiporaraukata ndeve opaete ikavimbae reyapo vae re.

NÚMEROS 14:5

Jayave Moisés jare Aarón oyetavatɨka itindɨasɨ reve ɨvɨ re, Israel iñemuña reta oyemboatɨ ñogüɨnoi vae jóvai.

NÚMEROS 16:4

Moisés oendu yave kuae, oyetavatɨka jare itindɨasɨ ɨvɨ re;

NÚMEROS 16:45

¡Pesɨrɨ katu kuae oyemboatɨ vae reta güi, amokañɨteita aramoete pegua! Moisés jare Aarón oyetavatɨka itindɨasɨ reta reve ɨvɨ re,

DEUTERONOMIO 9:18

Javoi ayetavatɨka yandeYa jóvai tenonde yave rami, cuarenta ara jare cuarenta pɨ̈tu akarumbae jare aɨumbae, pe reta peyoa pemboarasɨuka yandeYa jeko pegua.

JOSUÉ 7:6

Jayave Josué jare Israel iñemuña itenondegua reta, omondoro jemimonde jare oñono reta ɨvɨkúi iñäka re ipɨatɨtɨ güi; javoi oyetavatɨka reta itindɨasɨ ɨvɨ re yandeYa ikäjou jóvai, ojoi kaaru chupe reta regua.