EZEQUIEL 9:2 - Biblia Guarani Tumpa Iñee

² Jayave aecha, ova kuimbae oike öke ɨvɨtuguasu kotɨ oï vae rupi, jare metei ñavo güeru ipo pe tembiporu oporomokañɨtei vaerä pɨpe. Jae reta ipɨte pe ou metei kuimbae jemimonde tïiasɨ lino pegua vae; kuae güeru ikúa re jembiporu ombaekuatía pɨpe vae. Oike reta, jare yogüeru oyemboɨ mɨmba oyeyuka oyeapɨ jese vae jiero iyu vae pegua iyɨpɨ pe.

EZEQUIEL 9:2 ပူးပေါင်းရင်းမြစ်များ

2 REYES 15:35

echa jae oyapo öke ɨvate vae yandeYa jo kotɨ yaikea peguarä. Ërei ngatu jeseve mbaetɨ opa oyemboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 CRÓNICAS 27:3

Oyapo öke tuicha vae yandeYa jo kotɨ yaikea peguarä, jare jeta mbaembae oyapo Ofel ikësea re.

2 CRÓNICAS 4:1

Salomón oyapo vi mɨmba oyeyuka oyeapɨ jese vae jiero iyu vae pegua, chau metro güɨnoi ipukugüe jare ipɨgüe, jare ɨvategüe güɨnoi irundɨ metro y medio.

ÉXODO 40:29

jare oñono mɨmba oyeyukagüe opaetei oyeapɨ jese vae, tupao guakapi pegua jöke re katu, jare omee jese mɨmba oyeyukagüe opaetei oyeapɨ vae jare mbota temitɨ iagüe, yandeYa oyókuai Moisés vae rami.

JEREMÍAS 1:15

Mase, che amboatɨta opaete ɨvɨtuguasu kotɨgua reta. Yogüeruta juvicha guasu reta, jare oyembojeyupa retata metei ñavo, Jerusalén jöke ñavo pe, jare opaete ikësea ikupe rupi, jare opaete tëta guasu reta Judá pegua rupi.

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 26:10

Judá pegua mburuvicha reta oendu kuae mbaembae re yave, yogüɨraja mburuvicha guasu jo güi yandeYa itupao pe, jare oguapɨ reta Öke Pɨau jöke pe, yandeYa itupao pe.

JEREMÍAS 4:6

Pemopüa bandera Sión pe; ¡petekuarai, agüɨye pepɨta! Echa ɨvɨtuguasu kotɨ güi aruta susere jare kañɨtei.

EZEQUIEL 10:2

Jare YandeYa jei jókuae jemimonde tïiasɨ lino pegua vae pe: “Eike käretou iruera reta ipäu pe, araɨgua querubín reta igüɨ pe, jare eyara metei ndepoagua tätapɨi jendɨ vae, araɨgua querubín reta ipäu güi, javoi emoai tëta guasu iárambo.” Jare cherovakei oike jókuae kuimbae.

EZEQUIEL 8:3

Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

EZEQUIEL 9:11

Jare jókuae kuimbae jemimonde tïiasɨ lino pegua vae, ikúa re güɨraja ombaekuatiata pɨpe vae, ou ye jei: “Opa ma ayapo nde cheokuai vae.”

EZEQUIEL 9:3

Jare Israel iTumpa iyemboetea oyemboɨvate jókuae araɨgua querubín iárambo güi, jare ojo tupao pe yaikea pe. YandeYa oenɨi jókuae kuimbae jemimonde tïiasɨ lino pegua vae, ikúa re güɨraja jembiporu ombaekuatía pɨpe vae.

DANIEL 10:5

Amopüa cheäka amae, jare ko aecha metei kuimbae jemimonde lino pegua vae jare ikuakuaa oro kavi Ufaz pegua rami.

DANIEL 12:6

Jare metei jei kuimbae jemimonde lino pegua vae pe, ɨ re oyemboɨ oï ɨ̈aka pe vae pe: ‘¿Kërai yave pa oyembopota kuae mɨakañɨ guasu reta?’

LEVÍTICO 16:4

Toyemonde temimonde lino pegua temimonde sacerdote pegua pe jare jemimonde igüɨ pe togüɨnoi temimonde lino pegua, jare toyekuakua kuakuaa lino pegua pe, jare äka-ɨru lino pegua toñono iñäka re; jae ko kuae temimonde reta oñeñono tee sacerdote pe vae, jókuae pe toyemonde opa güire oyau.

AMÓS 9:1

Aecha yandeYa oï mɨmba oyeyuka oyeapɨ jese vae iárambo, jare jei: “Eitɨ okɨta reta jare tokana öke iguapɨka ave; jare o tosururu opaete vae iárambo; chugüi reta jembɨregüe ayukata kɨsepuku pe; mbaetɨta kia otekuarai jare ojoyepe vae.

Apocalipsis 15:6

Jare jókuae tupao güi oë chiu araɨgua reta güɨnoi reta chiu mbaesusere vae. Jemimonde lino ikɨambae pegua jare jembipe, oyekuakua reta metei kuakuaa ipeguasu yae vae oro pegua pe.