EZEQUIEL 9:10 - Biblia Guarani Tumpa Iñee

¹⁰ Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

EZEQUIEL 9:10 ပူးပေါင်းရင်းမြစ်များ

1 REYES 8:32

eendu ara pe jare eyapo jupi vae nderembiokuai pe. Jeko vae toiporara jeko re aeño, jare jekombae pe eyapo jupi vae jeko kavi rupi.

2 CRÓNICAS 6:23

nde eendu ara güi, eyapo jupi vae nderembiokuai reta pe. Jeko vae toiporara jeko re aeño, jare jekombae vae embojupi jeko kavi rupi.

ISAÍAS 13:18

Juvɨ pe oñɨvo retata michia reta, oa ramo vae reta re ngaraa ipïri reta, jaeramiño vi kunumi reta re.

ISAÍAS 65:6

Oyekuatía ko oï cheróvai kuae, ngaraa amaeño jökoraiño opɨta; aiporaraukata ko chupe reta jembiapo oï rupi,

LAMENTACIONES 1:5

Jovaicho reta ñogüɨnoi tenondeguarä, imotareɨa reta opa oyemboikokatu. Echa yandeYa ko oiporarauka, oyembopɨa pochɨ yae jeko pegua. Pɨpegua reta opa oyererajauka jovaicho reta pe ɨvɨ ambuae kotɨ.

EZEQUIEL 11:21

Ërei jókuae jekuaeño ipɨa pe itumpa-raanga pota vae ani oyemongeta ikavimbae vae re vae, aiporaraukata chupe jeko ae re. Che peYa ko jae kuae.’ ”

EZEQUIEL 16:43

Echa nde neakañɨ ndetaɨrusu reiko yave vae güi, jare chemboarasɨuka opaete kuae reyapo vae rupi; jáeramo aiporaraukata ndeve reyapogüe re. Che ndeYa Tumpa jae; echa mbaetɨ etei kërai ave reyemongeta ikavimbae reyapo vae re.’

EZEQUIEL 17:19

Jáeramo, yandeYa Tumpa jei körai: Che jae cheyé aeño: Jae oyapoä oñererökuavee che ndive vae, jare omboeteä cheporogüɨrökuavee päve; jáeramo aiporaraukata chupe.

EZEQUIEL 22:31

Jáeramo aitɨ chearasɨ jese reta, chearasɨ yae reve amboai reta, aiporarauka vaerä chupe reta jeko. Che peYa Tumpa jae kuae.”

EZEQUIEL 23:49

Ërei kuae kuña reta oiporarata iyaguasa pota vae re jare mbaeyoa itumpa-raanga pota vae re. Jayave pe reta chekuaata che ko jae peYa Tumpa vae.”

EZEQUIEL 24:14

Che ndeYa jae vae, oyeapota ko. Che etei ko ayapota, ambopota ko cheñee; mbaetɨta roparareko, mbaetɨta aipoepɨ cheyemongeta. Aiporaraukata ndeve, ndereko oï rupi. Che ndeYa Tumpa jae.’ ”

EZEQUIEL 43:3

Jókuae aecha vae, jae ko yandeYa ou omboai Jerusalén yave oyekuaa rami jare ɨ̈aka Quebar jembeɨ pe oyekuaa cheve rami; jare ayetavatɨka chetindɨasɨ reve ɨvɨ re,

EZEQUIEL 5:11

Che jae cheyé aeño: Nde remongɨa chero mbaemboetea, opaete nderembiapo ikavimbae yae vae rupi, jáeramo mbaetɨta cheɨ̈ro ndeve ani roparareko;

EZEQUIEL 7:3

Israel, jae ma iyapɨ ndeve, ambouta nderé chearasɨ, rojäata ndereko reta oï rupi, jare aiporaraukata ndeve opaete ikavimbae reyapo vae re.

EZEQUIEL 7:4

Mbaetɨta cheɨ̈ro ndeve, mbaetɨta roparareko; aiporaraukata ndeve opaete ndereko reta, jare ikavimbae yae reyapo vae re. Jayave pe reta chekuaata che ko peYa vae.

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

EZEQUIEL 9:11

Jare jókuae kuimbae jemimonde tïiasɨ lino pegua vae, ikúa re güɨraja ombaekuatiata pɨpe vae, ou ye jei: “Opa ma ayapo nde cheokuai vae.”

EZEQUIEL 9:5

Jare ïru kuimbae reta pe jei: “Pekua kuae kuimbae jaɨkue peguata tëta guasu rupi, jare pemboɨpɨ chetupao güive peyuka peipararekombae reve ndechi reta, kunumi reta, kuñatai reta, michia reta jare kuña reta. Ërei agüɨye pepoko oñemokañɨmaa ñogüɨnoi vae reta re.” Jayave jae reta omboɨpɨ oyuka kuimbae ndechi reta güive tupao jóvai ñogüɨnoi vae.

OSEAS 9:7

¡Oväe ma tembiporara iara reta! ¡Oväe ma jeko vae reta oiporara vaerä jeko ae re! ¡Israel oikuaata kuae re! Pe reta pere: “Ñeemombeúa mbaetɨ ko yarakuaa, kuae oporomboarakuaa vae imbokere vae ko.” Kuae pere, ikavimbae yae peyapo jeko pegua, peporomotareɨ yae jeko pegua.

JOEL 3:4

Pe reta: “Tëta guasu Tiro, Sidón jare opaete filisteo reta iɨvɨ, ¿mbae pa ayapo peve? ¿Maera pa peipota peyepɨ cheré? ¡Ërei peyepɨ cheré yave, ɨmambae pegua che amboekoviata peve mbaeyoa peyapogüe!

ZACARÍAS 11:6

Jáeramo, ngaraa ye ma aiparareko kuae ɨvɨ pegua reta jei yandeYa: Echa ko che amee kuimbae reta iñeïru ipo pe, jare juvicha guasu ipo pe; omboai retata ɨvɨ, jare che ngaraa aepɨ chugüi reta.”

DEUTERONOMIO 32:41

Aimbee yave chekɨsepuku, jare amboɨpɨ yave cheporojäa aiporaraukata cherovaicho reta pe, ¡amboepɨukata chemotareɨ vae reta pe!

Hebreos 10:30

Yaikuaa ko Tumpa jei: “Oiporarauka vae ko che. Che tamboekovia chupe.” Jei vi: “YandeYa oiporaraukata imbae vae reta pe.”