EZEQUIEL 9:1 - Biblia Guarani Tumpa Iñee

¹ Jaɨkue rupi aendu Tumpa täta yae osapúkai reve jei cheve: “¡Yogüeru ma oväe tëta guasu pe oiporaraukata vae reta, metei ñavo güeru ipo pe tembiporu oporomokañɨtei vaerä pɨpe!”

EZEQUIEL 9:1 ပူးပေါင်းရင်းမြစ်များ

2 REYES 10:24

Jare Baal omboete vae reta oike tupao pe omee reta vaerä mɨmba oyeyukagüe jare mɨmba oyeyukagüe opaetei oyeapɨ vae. Jökorai yave Jehú oñono ikatu pe ochenta kuimbae, jare jei chupe reta: —¡Kia nunga vae omaeño otekuarai oipotagüe kuimbae che añono ipo pe vae yave, omboepɨta jekove pe!

1 CRÓNICAS 21:15

YandeYa ombou iaraɨgua omboai vaerä Jerusalén. Ërei omboai ma güɨnoi yave, yandeYa omae jare jasɨ ipɨa pe jókuae susere ombou vae re, jare jei jókuae araɨgua pe: “¡Joko peño mo!” YandeYa iaraɨgua oï Jebús pegua Ornán itrigo oyembopiriría pe.

ÉXODO 12:23

Echa yandeYa güeruta mano Egiptoɨgua reta re; jare oecha mbaerugüɨ öke iárambo jare iyɨke yɨke re yave, yandeYa oasata jókuae o jöke güi, jare ngaraa omaeño mano re oike vaerä pero pe oporoyuka.

ISAÍAS 6:8

Jaɨkue rupi aendu yandeYa iñee, jei körai: “¿Kia ra amondota? ¿Kia ra güɨrajata oreñee?” Jayave che jae: “Ko aï, che chemondo.”

JEREMÍAS 4:6

Pemopüa bandera Sión pe; ¡petekuarai, agüɨye pepɨta! Echa ɨvɨtuguasu kotɨ güi aruta susere jare kañɨtei.

EZEQUIEL 43:3

Jókuae aecha vae, jae ko yandeYa ou omboai Jerusalén yave oyekuaa rami jare ɨ̈aka Quebar jembeɨ pe oyekuaa cheve rami; jare ayetavatɨka chetindɨasɨ reve ɨvɨ re,

Apocalipsis 14:7

iñeeäta reve jei: “Peipoɨu Tumpa güi jare pemboete, echa iporojäa iora ou ma oväe. Pemboete ara, ɨvɨ, ɨguasu jare ɨesaɨ reta iyapoa.”