EZEQUIEL 8:3 - Biblia Guarani Tumpa Iñee

³ Jare jókuae kuimbaeecha vae ombou ipo jare chepɨɨ chea pe. Jare Tumpa imbaepuere chereraja ɨvate ɨvɨ güi, Tumpa oechauka cheve vae rupi chereraja Jerusalén pe, jare cheñono öke japɨpe pegua pe, ɨvɨtuguasu kotɨ omae vae pe, joko pe oï tumpa-raanga yandeYa omboarasɨuka vae iä.

EZEQUIEL 8:3 ပူးပေါင်းရင်းမြစ်များ

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

2 REYES 16:14

Jare mɨmba oyeyuka oyeapɨ jese vae jiero iyu vae pegua yandeYa jo jóvai oï vae, Acaz ombosɨrɨ jare oñono ɨvɨtuguasu kotɨ mɨmba oyeyuka oyeapɨ jese vae ipɨau vae iyɨke pe, echa tupao güi jare jae oyapouka ramo vae güi ipäu pei ma opɨta.

2 REYES 2:16

jare jei reta chupe: —Mase, ore nderembiokuai pɨte pe oime cincuenta kuimbae jëia vae. Toyogüɨraja toeka jókuae ndemboea, güɨramoi yandeYa iespíritu oupi jare oitɨ mbae nunga ɨvɨtɨ re, ani ɨvɨtɨ päu pe. Ërei Eliseo jei chupe reta: —Agüɨye pemondo metei ave.

2 REYES 21:7

Jare oñono metei Asera iä jae oyapogüe yandeYa jo pe; kuae o re yepe yandeYa jei David pe jare taɨ Salomón pe: “Che añonota cheree jekuae avei pegua kuae o pe, Jerusalén pe, kuae aiparavo Israel iñemuña reta güi vae.

SALMOS 78:58

Mbaemboete renda ɨvɨtɨ rupigua oyapo reta vae rupi omboarasɨuka reta, jare omboete reta tumpa-raanga reta vae rupi omoägüɨrouka.

ÉXODO 20:4

Agüɨye peyapo peyeupe mbae iägüe pemboete vaerä, ani mbae iägüe ɨvate ara pe oï vae ave, ani ɨvɨ pe oï vae ave, ani ɨ pe ɨvɨgüɨ pe oï vae ave.

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ÉXODO 34:14

Agüɨye pemboete ïru tumpa, echa che peYa, jee ko Jägüɨro vae, Tumpa jägüɨro vae ko.

JEREMÍAS 32:34

Jare chetupao oñeñono tee cheveguarä vae pe oñono reta itumpa-raanga pɨ̈chɨi yae vae reta; jökorai omongɨa reta chetupao.

JEREMÍAS 7:30

YandeYa jei: “Judá pegua reta oyapo ikavimbae cheróvai; oñono reta itumpa-raanga aröɨro yae vae chero pe, jökorai chero omongɨa reta.

EZEQUIEL 1:1

Che sacerdote Ezequiel, Buzi taɨ, metei ara aï ɨ̈aka Quebar jembeɨ pe, Babilonia pe, tembipɨɨ oyereraja vae reta ipɨte pe yave, oyepea ara, jare aecha Tumpa. Kuae ko oasa treinta añoa re, irundɨa yasɨ re, pandepo araa pe, jae ko pandepo año ma mburuvicha guasu Joaquín oyererajauka tembipɨɨrä yave. YandeYa ombou oñono ipo cheré.

EZEQUIEL 10:3

Kuae kuimbae oike yave, araɨgua querubín reta ñogüɨnoi arayevɨ kotɨ tupao güi; jare amapɨtu tɨnɨe tupao joka japɨpegua.

EZEQUIEL 11:1

Tumpa imbaepuere chereupi jare chereraja tupao jöke kuaraɨ oëa kotɨgua pe. Joko pe ñogüɨnoi veinticinco kuimbae. Jókuae reta ipɨte pe aecha mburuvicha reta tëta pegua, jae ko Jaazanías, Azur taɨ jare Pelatías, Benaía taɨ.

EZEQUIEL 11:24

Javoi Tumpa imbaepuere chereupi jare chereraja ye Babilonia pe, jókuae oechauka cheve vae rupi, jókuae tembipɨɨ reta ñogüɨnoia pe. Jare joko pe okañɨ chegüi opaete oyekuaa cheve vae.

EZEQUIEL 2:9

Jare aecha ombou chekotɨ metei tembikuatía oyepomombɨ vae.

EZEQUIEL 3:12

Jayave yandeYa imbaepuere chemopüa, jare cheraɨkue kotɨ aendu ñee täta jɨapu vae jei: “¡Toyemboeteuka yandeYa iyemboetea, jae oïa güi!”

EZEQUIEL 3:14

Tumpa imbaepuere chemopüa jare cherenoe joko güi, chepɨakatúä jare chepɨatɨtɨ reve aja, ërei yandeYa täta chepɨɨ.

EZEQUIEL 37:1

YandeYa ombou imbaepuere cheré, jare chereraja cheñono metei ɨvɨtɨ päu ipe kavi vae pe, tɨnɨe maekägüe otinigüe oïa pe.

EZEQUIEL 40:2

Tumpa oechauka cheve vae rupi chereraja ɨvɨ Israel pe, jare cheñono metei ɨvɨtɨ ɨvate yae vae re, jókuae re aecha metei o tuicha vae arayevɨ kotɨ metei tëta guasuecha.

EZEQUIEL 43:5

Jayave Tumpa Imbaepuere chemopüa, jare chereraja oka michi vae pe, jare aecha Tumpa iyemboetea omotɨnɨe tupao.

EZEQUIEL 43:8

Omopüa reta jo kavi reta yave, omopüa reta chero iyɨpɨ pe etei, jaeño ete metei ovapetea oï mbɨte pe oreve oremboyao vaerä. Jae reta omongɨa cheree ikɨambae, pɨ̈chɨi vae oyapo reta vae rupi; jáeramo opa amokañɨtei reta chearasɨ yae rupi.

EZEQUIEL 5:11

Che jae cheyé aeño: Nde remongɨa chero mbaemboetea, opaete nderembiapo ikavimbae yae vae rupi, jáeramo mbaetɨta cheɨ̈ro ndeve ani roparareko;

EZEQUIEL 7:20

Oyembotuicha reta, mbaembae jepɨ ipöra vae güɨnoi reta vae rupi; jókuae mbaembae jepɨ ipöra vae pe oyapo reta itumpa-raangarä ikavimbae yae vae. Jáeramo che aipoepɨta ɨtɨrä jókuae reta.

EZEQUIEL 8:5

Jayave jei cheve: “Nde kuimbae, emae ɨvɨtuguasu kotɨ.” Jare amae ɨvɨtuguasu kotɨ, aecha mɨmba oyeyuka oyeapɨ jese vae jöke yaikea pe metei tumpa-raanga yandeYa omboarasɨuka vae iä.

EZEQUIEL 9:2

Jayave aecha, ova kuimbae oike öke ɨvɨtuguasu kotɨ oï vae rupi, jare metei ñavo güeru ipo pe tembiporu oporomokañɨtei vaerä pɨpe. Jae reta ipɨte pe ou metei kuimbae jemimonde tïiasɨ lino pegua vae; kuae güeru ikúa re jembiporu ombaekuatía pɨpe vae. Oike reta, jare yogüeru oyemboɨ mɨmba oyeyuka oyeapɨ jese vae jiero iyu vae pegua iyɨpɨ pe.

DANIEL 10:10

Jupivei chepɨɨ vae jare chemopüa cheñono chetava re, apoko reve aï ɨvɨ re.

DANIEL 10:18

Jókuae kuimbaeecha vae jekuae cheätai ye, chemomɨ̈rata pɨau ye,

DANIEL 5:5

Jókuae ora pe voi oyekuaa metei kuimbae ipo ombaekuatía mburuvicha guasu jo iovapetea oñemotïigüe re vae mechero jóvai. Mburuvicha guasu oecha kuimbae ipo ombaekuatía vae.

Hechos 8:39

Jare oë reta ɨ güi yave, yandeYa iEspíritu güɨraja joko güi Felipe. Jare eunuco mbaetɨ ye oecha. Jare oyerovia reve ojo jëta kotɨ.

DEUTERONOMIO 32:16

Omoägüɨrouka reta tumpa ambuae güɨnoi jeko pegua, omboarasɨuka tumpa-raanga omboete jeko pegua;

DEUTERONOMIO 32:21

Chemoägüɨrouka reta tumpambae vae re, chemboarasɨuka reta tumpa-raanga reta re; ¡che amoägüɨroukata vi metei tëta ambuae vae re, amboarasɨukata metei tëtaguasu mbaetɨ oipota oendu vae rupi!

DEUTERONOMIO 4:24

Echa yandeYa Tumpa ko, Tumpa jägüɨro vae, ¡tata oporomboai vae rami ko!

DEUTERONOMIO 5:9

Agüɨye peyetavatɨka jóvai, agüɨye vi pemboete, echa che ko jae peYa Tumpa jägüɨro vae, aiporarauka peñemuñagüe reta pe iyoa re vae, taɨ reta, jɨmɨmino reta pe jare taɨ jɨmɨmino reta pe, chemotareɨ vae reta pe,

DEUTERONOMIO 6:15

echa yandeYa Tumpa, jae ko Tumpa jägüɨro vae, oime oï pepɨte pe; ipuere iyarasɨ pekotɨ, jare pemboai ɨvɨ iárambo güi.

JOSUÉ 24:19

Ërei Josué jei chupe reta: —Ngaraa pepuere peyeokuai yandeYa pe, echa jae ko Tumpa Iyoambae jare jägüɨro jembiparavo re vae; ngaraa güɨropɨa pepɨapochɨ reta jare peyoa reta.