EZEQUIEL 8:18 - Biblia Guarani Tumpa Iñee

¹⁸ Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

EZEQUIEL 8:18 ပူးပေါင်းရင်းမြစ်များ

PROVERBIOS 1:28

Jókuae ara chereenɨita, ërei ngaraa aendu peve; chereeka tëita, ërei ngaraa cheväe chupe;

ISAÍAS 1:15

Pepo peupi peyerure yave, ngaraa amae peré; yepe tëi jeta peyerure, che ngaraa aendu. Pepo reta tugüɨ yepeai penoi.

ISAÍAS 59:1

YandeYa mbaetɨ ko ipo ombosɨrɨ, mbaetɨ vaerä oporogüɨroasayepe, mbaetɨ ko oyopia iyapɨsa, mbaetɨ vaerä oendu.

ISAÍAS 59:2

Ërei peyoa reta pemboyao peTumpa güi, peyoa reta oñovauka Tumpa jova pegüi, agüɨye vaerä oyeapɨsaka peré.

JEREMÍAS 11:11

Jáeramo aruta chupe reta susere mbaetɨta ipuere otekuarai chugüi vae. Yepe tëi täta jäse reve oeka cheve yemborɨ, ngaraa aendu chupe reta. Che ndeYa jae kuae.

JEREMÍAS 14:12

Yepe tëi oyekuaku reta tembíu güi, che ngaraa aendu chupe reta iyerure; yepe tëi omee reta mɨmba oyeyukagüe opaetei oyeapɨ vae ani mbota reta, ngaraa amboresive chugüi reta, jaeño amokañɨtei retata ñeraro rupi, karuai jare mbaerasɨ ovakatu vae rupi.”

JEREMÍAS 23:39

jáeramo, che cheakañɨta pegüi, jare pomombota cheyeugüi jare tëta guasu amee peve vae jare peñemuñagüe reta pe vae.

JEREMÍAS 44:3

ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi, oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.

JEREMÍAS 44:6

Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.

LAMENTACIONES 1:5

Jovaicho reta ñogüɨnoi tenondeguarä, imotareɨa reta opa oyemboikokatu. Echa yandeYa ko oiporarauka, oyembopɨa pochɨ yae jeko pegua. Pɨpegua reta opa oyererajauka jovaicho reta pe ɨvɨ ambuae kotɨ.

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

EZEQUIEL 16:42

Jayave chepɨakatuta jare chearasɨ poita cherägüɨro nderé vae güi; aiko pɨagüiveta, ngaraa ma chearasɨ aiko.

EZEQUIEL 23:25

Che aitɨta nderé chearasɨ cherägüɨro ramo, jae reta oiporaraasɨ katuta ndeve, oyasɨa retata netï, nenambi, jare oikoveño opɨta ndegüi vae reta, oyukata kɨsepuku pe. Opaeteita güɨraja ndegüi nemembɨ reta, jare jembɨregüe reta opata omokañɨtei tata pe.

EZEQUIEL 24:13

Jerusalén, aipota tëi rotɨo yepi reyemongɨa ndekuimbae pota vae güi, ërei mbaetɨ reyetɨo. Reyetɨota chearasɨ aitɨ nderé yave ramo.

EZEQUIEL 9:10

Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

EZEQUIEL 9:5

Jare ïru kuimbae reta pe jei: “Pekua kuae kuimbae jaɨkue peguata tëta guasu rupi, jare pemboɨpɨ chetupao güive peyuka peipararekombae reve ndechi reta, kunumi reta, kuñatai reta, michia reta jare kuña reta. Ërei agüɨye pepoko oñemokañɨmaa ñogüɨnoi vae reta re.” Jayave jae reta omboɨpɨ oyuka kuimbae ndechi reta güive tupao jóvai ñogüɨnoi vae.

MIQUEAS 3:4

Metei ara peenɨita yandeYa, ërei jae ngaraa oendu peve; oñomita jova pegüi jókuae ara rupi, teko kavimbae yae peyapo jeko pegua.

NAHUM 1:2

YandeYa jae ko Tumpa jägüɨro imbae vae reta re vae jare omboekovia vae; omboekovia, ikotɨ oyovaicho vae reta pe, jare iyarasɨ jovaicho reta kotɨ.

ZACARÍAS 1:2

“YandeYa iyarasɨ yae peñemuñagüe reta kotɨ.

ZACARÍAS 7:13

Jare jei: “Che aenɨi reta tëi yave mbaetɨ oyeapɨsaka cheré, jökoraiño vi osapúkai reta chekotɨ yave; che mbaetɨta aendu chupe reta.

San Lucas 13:25

Echa o iya oyokenda ma yave öke, pe reta pepɨtata oka pe. Jayave pembopu tëita öke jare pereta: “OreYa, oreYa, eipea öke oreve.” Ërei jae jeita peve: “Che mbaetɨ pokuaa.”

1 SAMUEL 8:18

Jare metei ara jókuae peruvicha guasu peiparavogüe jeko peroäse ma yave, yandeYa mbaetɨta oyeapɨsaka peré.